Danieli 4:9 - Baibuli Ekibono kya Katonda 2014

⁹ ‘Iwe Beluteshazzari omukulu w'abalaguzi boonaboona, ndidhi ng'omwoyo gwa bakatonda abatukuvu gukuliku, era ghazira kyama kikulema kuzuula. Kale ka nkukobere ekirooto kye naloose, onkobere amakulu gaakyo.’

Danieli 4:9 Iomraidhean Croise

Amainhama 41:38

Kyabazinga yaakoba abakungu be ati: “Tusobola okuzuulayo omusaadha ali ng'oti n'ono, omusaadha aidhwire omwoyo gwa Katonda.”

Isaia 33:18

Okutya kwe mwabangamu, olw'abagwira abaabasolozangaku omusolo, n'abakeesi abaabalingirizanga, kulifuuka lufumo bufumo.

Isaia 54:14

Okukola amazima n'obutuufu birikuleetera okuba ow'amaani. Oliwona okutuntuzibwa, era ebintu ebitiisa tibiriseeta gh'oli.

Ezekieli 17:23

Ndikasimba ku lusozi lwa Isiraeli olusinga kuba luleeyi, kamere kaidheku ensaga era kateeku n'ebibala, kafuuke omuvule omulungi einho. Ensolo edh'omu nsiko edha buli nsambo dhiidhe dhisulenga ghansi ghaagwo, n'enhonhi edha buli ngeri dhizimbenga ebisu byadho ku nsaga dhaagwo.

Ezekieli 28:3

Olowooza oti oli mugezi okusinga Danieli, era nga ghazira kyama kikwekeibwa ky'otaidhi.

Danieli 1:20

Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 2:48

Agho kyabazinga yaafuula Danieli omuntu omukologho era yaamugha ebirabo ebirungi einho kamaala. Yaamugha okufuga ekiketezo kyonakyona eky'e Babiloni, era yaamufuula omukulu ow'abagezigezi boonaboona ab'omu Babilonia.

Danieli 4:18

“Ekyo n'ekirooto nze kyabazinga Nebukadinezzari kye naloota. Buti iwe Beluteshazzari, nkobera amakulu gaakyo, kuba abantu abagezigezi ab'omu bwakyabazinga bwange, amakulu gaakyo gaabalemye okunkobera. Aye iwe osobola, kuba omwoyo gwa bakatonda abatukuvu gukuliku.”

Danieli 4:5

Aye lwali lulala naaloota ekirooto ekyantiisa, ebifaananie byaidha byambonekera byamalamu omwoyo.

Danieli 4:8

Aye oluvainhuma lwa byonabyona Danieli yaidha. Danieli oyo nga baamutuuma eriina Beluteshazzari erya katonda wange era ng'omwoyo ogwa bakatonda abatukuvu gumuliku. Agho naamukobera ekirooto nti,

Danieli 5:11

Mu bwakyabazinga bwo mulimu omusaadha aliku omwoyo ogwa bakatonda abatukuvu. Mu biseera bya lata wo kyabazinga Nebukadinezzari, omusaadha oyo yeeyoleka okuba omuntu alengera eghala, ng'ali n'okutegeera, era ng'ali n'amagezi agali ng'oti n'aga bakatonda. Era kyabazinga Nebukadinezzari oyo lata wo, yaamufuula okuba omukulu ow'abalaguzi, abasamize, ab'amaghembe, n'abo abeetegereza ebiri ku igulu.

1 Samueli 4:8

Tukagwireku! Naani anaatuwonia emisambwa egyo egy'amaani gityo? Egyo n'emisambwa egyaita Abamisiri nga gibasindikira ebibamba ebya buli nsambo mu irungu.