Danieli 4:7 - Baibuli Ekibono kya Katonda 2014

⁷ Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.

Danieli 4:7 Iomraidhean Croise

Amainhama 41:24

Agho obufaaganda obutono buno bwamira ebifaaganda bire ebirungi. Ebirooto ebyo nabikobeire abalaguzi, aye ghaabulagho omuntu waire omulala ati aghanga okunvuunulira amakulu gaabyo.”

Amainhama 41:8

Enkyo yeeraliikirira, kale yaayetesa abalaguzi boonaboona n'abakugu mu kuvuunula ebirooto boonaboona ab'omu Misiri, yaabakobera ebirooto bye. Aye ghaabulagho omuntu waire omulala ati, eyali asobola okumuvuunulira amakulu gaabyo.

Zabbuli 37:35

Ghaligho omuntu omubi ye nabona ng'atiisa abantu boonaboona baadhugumira, era ng'abaswikiriire boonaboona ng'oti n'emivule egy'omu Lebanoni emireeyiriri.

Isaia 44:25

Ninze mmala amakulu mu ebyo abalaguzi bye balagula, n'ebyo abalogo bye bakola. Ndhuuluusa abagezi bye boogera, naayoleka nti bye beeta eby'amagezi byaga busiru.

Ezekieli 31:3

Bona eno, ndidha kubageza ku muti omuvule mu kibira e Lebanoni. Oguli n'ensaga enungi edhikola ekinsense ekizibirivu, era omuleeyiriri, ng'obusanso bw'ensaga dhaagwo butuuka ni mu bire.

Danieli 1:4

Abaisuka abo baali n'okuba nga baziraku kikyamu kyonakyona, nga baboneka bulungi, nga bali n'obukugu mu bye bakola, nga bagezi, nga beega mangu, era nga basobola okugheereza mu kisaagaati kya kyabazinga. Era baali n'okusomesebwa empandiika n'endhogera ey'olulimi Olubabilonia.

Danieli 2:10

Baamwiramu bati: “Isebantu kyabazinga, ghazira muntu waire omulala ati ku nsi kuno asobola kukola ekyo ky'oyenda tukole. Era tebangayooku kyabazinga k'abe mukologho oba wa bukumu, akobangaku balaguzi, na basamize, na ba maghembe, kintu ng'oti n'ekyo.

Danieli 2:27

Danieli yairamu ati: “Isebantu kyabazinga, ekyo ekyama ky'oli kubuuza, ghazira bagezigezi basobola kukikukobera, waire abasamize, oba abalaguzi, oba abo abeetegereza ebiri ku igulu.

Danieli 2:7

Baamukoba omukuzi ogwokubiri bati: “Isebantu kyabazinga, ife abagheereza bo tuli kukusaba otukobere ekirooto ekyo, twidha kuvuunula amakulu gaakyo.”

Danieli 3:8

Mu kiseera ekyo ghaabaagho Abababilonia, baidha baaseegha Abayudaaya aye nga bali kubaghaayiriza bughaayirize.

Danieli 4:18

“Ekyo n'ekirooto nze kyabazinga Nebukadinezzari kye naloota. Buti iwe Beluteshazzari, nkobera amakulu gaakyo, kuba abantu abagezigezi ab'omu bwakyabazinga bwange, amakulu gaakyo gaabalemye okunkobera. Aye iwe osobola, kuba omwoyo gwa bakatonda abatukuvu gukuliku.”

Danieli 5:7

Yaayasiikana yaayetesa abalaguzi, abasamize, ab'amaghembe, n'abo abeetegereza ebiri ku igulu. Abagezigezi abo ab'omu Babiloni bwe baatuuka, kyabazinga yaabakoba ati: “Omuntu yeenayeena anaasoma ekighandiiko ekyo, n'ankobera amakulu gaakyo, baidha kumuvaaza engoye edh'erangi ya nakasooma, bamute n'omukuufu ogwa zaabu mu nkoto, era bamukuze abe omufuzi ow'eidaala eryokusatu mu bwakyabazinga bwange.”

Danieli 5:8

Agho abagezigezi abo boonaboona aba kyabazinga baaseeta, aye baaloba kusobola kusoma kighandiiko ekyo waire okukobera kyabazinga amakulu gaakyo.