Danieli 4:33 - Baibuli Ekibono kya Katonda 2014

³³ Mu kaseera keene ako ebibono ebyo byatuukirira ku Nebukadinezzari. Baamubinga baamutoola mu bantu, yaalyanga isubi ng'oti nte, n'omusulo oguva ku igulu gwamukubanga yaabola. Era enviiri dhe dhaakula dhaaleegha ng'oti mooya ga nkookooma, n'enkumu dhe dhaaleegha ng'oti dha nhonhi.

Danieli 4:33 Iomraidhean Croise

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Isaia 30:14

Mulimenhekamenheka ng'oti nsugha ya itosi, ye bakubiiregho ku itaka n'emulunguka obutasigalagho waire katundu ka lugyo ak'okutoolesa omuliro mu ziiko, oba okusenesa amaadhi mu kidiba.”

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 4:32

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Danieli 5:21

Era yaamubinga yaamutoola mu bantu, ebidhuubo bye byafuulibwa ng'eby'ensolo, yaatoolera okubanga mu nsiko ghalala n'endogoyi edh'omu nsiko, yaalyanga eisubi ng'oti nte, n'omusulo oguva ku igulu gwamukubanga yaabola. Byaba bityo okutuusa lwe yamanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 5:5

Baaja okulinga bati nga babona omukono ogw'omuntu oguli kughandiika ku seminti ye baakuba ku kimante eky'ekisaagaati kya kyabazinga. Omukono ogwo gwali guli kughandiika gha mberi gh'ekikondo eky'entaala, era kyabazinga yaabona bukalamu nga guli kughandiika.

1 Ab'e Thessalonika 5:2

Kuba mwidhi bukalamu nga olunaku lwa Musengwa luligwa bugwe oti n'omwibi bw'aidha obwire.