Danieli 4:32 - Baibuli Ekibono kya Katonda 2014

³² Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Danieli 4:32 Iomraidhean Croise

2 Ebyomubyanda 33:13

Yaasaba Katonda, era Katonda oyo yaikiriza okwegayirira kwe, n'okusaba kwe yaakuwulirisa, yaamwiza e Yerusalemu ku bwakyabazinga bwe. Olwo Manasse yaamanha nga Musengwa Katonda ni Katonda.

Yobu 42:2

“Musengwa Katonda, ndidhi ng'oghanga ebintu byonabyona. Era ky'oba osazeegho okukola, ghazira kikiziyiza.

Yobu 9:12

Bw'atwala ekintu kyonakyona ky'ayenda, naani asobola okumulobera? Naani akana okumubuuza ati, ‘Oli kukola ki ekyo?’

Zabbuli 115:3

Ife Katonda owaife ali mu igulu era ky'ayenda ky'akola.

Zabbuli 135:6

Musengwa Katonda ky'ayenda ky'akola, ka mube mu igulu oba ku nsi, ka mube mu nhandha oba ku ntobo y'enhandha.

Okuvaayo 8:10

Kyabazinga yaamukoba ati: “Nsabira olwaidho.” Musa yaamukoba ati: “Ndidha kukola nga bw'osabye, era olwo onaamanha nga ezirayo katonda ali nga Musengwa Katonda waife.

Okuvaayo 9:14

Ku mukuzi guno nja kukubonereza nga nkusindikira ebibamba iwe mwene, n'abakungu bo, n'abantu bo abandi, olwo omanhe ng'ezirayo wundi ali ng'oti ninze Musengwa Katonda, mu nsi yoonayoona.

Okuvaayo 9:29

Musa yaamwiramu ati: “Olunaafuluma ekibuga kino nti, ndidha kughanika emikono nsabe Musengwa Katonda, okubwatuka okw'olukuba kusirike era n'omugozi gwonagwona guweegho, olwo omanhe ng'ensi ya Musengwa Katonda yenka.

Isaia 37:20

Wo Musengwa Katonda waife, mpegaano ni tukweghembye tuwonie, otutoole mu ngalo edh'Abassiria. Olwo abantu abamaghanga agandi boonaboona basobole okumanha nga iwe, Musengwa Katonda, niiwe Katonda wenka.”

Isaia 40:15

Bona eno, Musengwa Katonda abona amaghanga goonagoona nga gaziramu muzindo, ng'oti n'eitondo obutondo ery'amaadhi. Era abona ebizinga nga biwewufu ng'oti nkungu bukungu.

Isaia 40:17

Amaghanga goonagoona gali oti ti kintu naire mu maiso ge, gali bwa biwooboloolo.

Isaia 45:3

Ndikugha obukombe bwe baakweka mu bifo ebyekusifu, olwo omanhe nga nze Musengwa Katonda, Katonda wa Isiraeli, ninze nkwese eriina lyo obe wange.

Yeremia 27:5

“Nze Musengwa Katonda nakozesa obuyinza bwange obungi n'amaani gange agataloodheka, natonda ensi n'abantu baamu, n'ensolo dhaamu dhoonadhoona. Era ensi eyo ngigha oyo ye mba nga nsazeegho okugigha.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 4:31

Aye yali akaayogera, amamiro gaawulikika nga gava mu igulu gaakoba gati: “Kyabazinga Nebukadinezzari ndi kukukobera nti obwakyabazinga bukutooleibwaku.

Danieli 5:21

Era yaamubinga yaamutoola mu bantu, ebidhuubo bye byafuulibwa ng'eby'ensolo, yaatoolera okubanga mu nsiko ghalala n'endogoyi edh'omu nsiko, yaalyanga eisubi ng'oti nte, n'omusulo oguva ku igulu gwamukubanga yaabola. Byaba bityo okutuusa lwe yamanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Yoshua 4:24

Olw'ekyo abantu boonaboona ku nsi baidhanga kumanha, nga Musengwa Katonda wa bukumu obutaloodheka, era mwena mwidha kutyanga Musengwa Katonda waimwe oyo ebyanda n'ebyanda.”