Danieli 4:30 - Baibuli Ekibono kya Katonda 2014

³⁰ yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”

Danieli 4:30 Iomraidhean Croise

Amainhama 10:10

Mu kusooka obwakyabazinga bwe bwalimu ebibuga bino: Babeli, Ereki ni Akkadi nga byonsatuli biri mu kiketezo eky'e Shinari.

Zabbuli 104:1

Ka nsaake Musengwa Katonda n'omwoyo gwange gwonagwona. Wo Musengwa Katonda wange, oli mukologho inho. Oidhwire ekitiisa n'obwakyabazinga,

Zabbuli 49:20

Ebitiibwa by'omuntu tibimulobera kufa, awaagho ng'ensolo bwedhiwaagho.

Zabbuli 73:8

Boogera ku bantu abandi nga banhoomerera, nga benda okubakola obubi. Olw'okwekuluntaza kwaibwe beesoomera okukiriga bantu banaibwe.

Ensambo 11:2

Bwe weekuluntaza toloba kuswala, aye abawombeefu n'ababa n'amagezi.

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Ensambo 29:23

Okwekuluntaza okw'omuntu kumuleetera okugwa, aye obuwombeefu bw'omuntu bumuteesaamu ekinhagansi.

Isaia 13:19

Waire obwakyabazinga bwa Babilonia n'obusingamu okuba obw'ekitiisa era obweyagaza inho abantu baayo, nze Musengwa Katonda ndibuzikiriza ng'oti ni bwe nazikiriza Sodoma ni Gomorra.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Danieli 4:31

Aye yali akaayogera, amamiro gaawulikika nga gava mu igulu gaakoba gati: “Kyabazinga Nebukadinezzari ndi kukukobera nti obwakyabazinga bukutooleibwaku.

Habakkuku 1:11

Agho baafuumuuka embiro ng'oti mpewo baaja. Abantu abo bali n'omusango, amaani gaibwe ge batwala okuba katonda waibwe.”

Luka 14:11

Kuba buli eyeetwala ati wa ghaigulu aja kwisibwa, ate buli eyeisa aja kutwalibwa nga wa ghaigulu.”

Luka 14:9

ole eyabeeta mwembi n'aidha n'akukoba ati, ‘Viirayo ono mu kifo.’ Agho waatoolera okuswala ng'oli kufuna ekifo eky'einhuma.

1 Ab'e Korintho 10:31

Kale buli kye mukolanga, oba kulya oba kunhwa, mukikolenga olw'okugheesa Katonda ekitiisa.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”

Okwolekebwa 14:8

“Ni malaika owundi owokubiri yairaku ng'akoba ati: Agwire, agwire Babiloni omukologho, eyanhwesa amaghanga goonagoona omwenge ogw'obutwa ogw'obwenzi bwe!”

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.

Okwolekebwa 17:5

Mu kyeni kye mwali mughandiikiibwamu eriina ery'amakulu amagise liti: “Babiloni omukologho, azaala bamalaaya n'ebyenhinhalwa eby'oku nsi.”

Okwolekebwa 18:10

Balyemerera ghalaku olw'okutya okudaagadaaga kwe, baakoba bati: “Okagwireku, okagwireku iwe Babiloni ekibuga ekikologho! Iwe ekibuga eky'amaani! Ozikiriziibwa mu saawa busaawa eti!”

Okwolekebwa 18:21

Agho naabona malaika ow'amaani, yaaginga eibaale eriri ng'oti lubengo lukologho, yalisuula mu nhandha ng'akoba ati: “Babiloni ekibuga ekikologho kityo bwe kirisuulibwa ghansi n'amaani amangi, ni kitairayo kuboneka kabiri.