Danieli 4:3 - Baibuli Ekibono kya Katonda 2014

³ Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Danieli 4:3 Iomraidhean Croise

Yobu 25:2

“Katonda n'ali n'obukumu obufuga era atiibwa; aleeta emiraala mu bwakyabazinga bwe obw'omu igulu.

Zabbuli 104:24

Wo Musengwa Katonda, nga wakola ebintu nga bya nsambo kamaala! Ate waabikola mu magezi amangi oti ki! Ensi eidhwire ebitonde byo.

Zabbuli 105:27

Baabakolera ebyewuunhio nga babona, era baabakolera eby'amaani nga bali mu nsi ya Hamu.

Zabbuli 145:13

Obwakyabazinga bwo bwa byanda na byanda, era oja kufuga abantu ense n'ense. Musengwa Katonda mwesigwa mu by'akoba byonabyona era asaasira mu by'akola.

Zabbuli 66:7

Olw'amaani ge afuga ebyanda n'ebyanda; era yaalingirira amaghanga n'amaiso ge ekiseera kyonakyona, abadheemu balobe kumudheemera.

Zabbuli 72:18

Musengwa Katonda asaakibwe, Katonda wa Isiraeli, ni yenka akola ebyewuunhisa.

Zabbuli 77:19

Watambula ku nhandha, waakola akagira ku maadhi amangi, aye ebigere mw'obise byaloba kuboneka.

Zabbuli 86:10

Iwe oli mukologho, ni by'okola byewuunhisa; niiwe Katonda wenka.

Zabbuli 92:5

Wo Musengwa Katonda, by'okola byewuninkiriza! Ebidhuubo byo biswikiriire inho okutegeera okw'omuntu!

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 28:29

Amagezi ago goonagoona gava wa Musengwa Katonda Afuga Amagye. Oyo n'omuwi w'amagezi ataloodheka era n'omugezi ekibitiriire, atatuukikaku.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 10:10

Aye iwe Musengwa Katonda, niiwe Katonda mwenemwene, niiwe Katonda omulamu era kyabazinga ow'ebyanda n'ebyanda. Bw'osungughala ensi etengeeta, era amaghanga goonagoona tigasobola kugumira kiruyi kyo.

Danieli 2:2

Agho yaalagira bamwetere abalaguzi, n'abasamize, n'abalogo, n'ab'amaghembe, baidhe bamukobere eby'ekirooto kye. Kale baidha baayemerera agho mu maiso ge.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 4:17

Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.

1 Timotheo 1:17

Kyabazinga oyo atakoma, atafa era ataboneka, Katonda omulala yenka, asaakibwenga era agheebwenga ekitiisa ebyanda n'ebyanda. Amiina.

Abaheburayi 1:8

Aye bw'ayogera ku Mwana akoba ati: “Obwakyabazinga bwo, Katonda ow'ekitiisa, bwa byanda na byanda era ofuga abantu bo mu butuufu:

Abaheburayi 2:4

Ni Katonda mwene yeena yaakakasa ebibono byaibwe ng'akola obumanhiso, n'ebyewuunhio, n'ebyewuninkiriza eby'endhawulo, era ng'agaba n'ebirabo bya Mwoyo Mutukuvu nga bwe yayendanga.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”