Danieli 4:27 - Baibuli Ekibono kya Katonda 2014

²⁷ Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Danieli 4:27 Iomraidhean Croise

Amainhama 11:4

Agho baakoba bati: “Ka twezimbire ekibuga, twezimbire n'omunaala ogutuuka ku igulu tumanhikane, memale tulobe kusansaanizibwa mu nsi.”

1 Bakyabazinga 21:29

“Oboine Ahabu bwe yeewooyiiza mu maiso gange? Kale nga bwe yeewooyiiza mu maiso gange atyo, akabi tija kukaleeta mu biseera bye ng'akaali mulamu, aye ndikaleeta ku b'endhu ye mu biseera bya mutabane we.”

Zabbuli 119:46

By'okoba byonabyona ndidha kubikoberanga bakyabazinga, nga ghazira kingemya nsoni.

Ensambo 11:2

Bwe weekuluntaza toloba kuswala, aye abawombeefu n'ababa n'amagezi.

Ensambo 16:6

Musengwa Katonda atoola ebibi ku muntu omuwulize era omwesigwa, era yaawonia omuntu amutya, okukola ebibi.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Isaia 10:13

Kyabazinga oyo yeesuuta ati, “Ebyo nze nabikola lwa maani gange, na lwa magezi gange, kuba ndi mugezigezi. Namala okutoolagho ensalosalo edh'amaghanga, naanhagulula eby'obukombe byago, naadhooga abantu baago, naabatoola ku bityamo eby'obwakyabazinga ng'oti nte nume etyankirira isubi.

Isaia 47:10

Waja weesigulira ku kukola ebibi, waalowooza oti ghazira akubona. Amagezi go n'okumanha kwo byakuleetera okudaaliima, waakoba mule oti, ‘Ninze aligho, ezirayo wundi okutoolaku nze.’

Isaia 47:8

Kale ni wulira kino, iwe ayenda einho amasanhu: Oja waatyama waasiira n'enkondo, waakoba mule oti, ‘Ninze aligho, ezirayo wundi okutoolaku nze. Nze tija kuba namwandu, waire okufiirwaku abaana.’

Yeremia 29:7

Mukolerere obulungi obw'ebibuga ye nabasindika mu bunhage. Mubisabirenga ye ndi, ebintu bisobole okubijiiranga obukalamu, olwo mwena ebintu biidha kubajiiranga bukalamu.

Yeremia 38:20

Nze naamukoba nti: “Abababilonia tibaidha kukuwaayo eri Bayudaaya abo. Nkweghembye gondera obukwenda bwa Musengwa Katonda bwe ndi kukukobera, olwo byonabyona biidha kukujiira bukalamu era baidha kukuleka osigale ng'okaali mulamu.

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Ezekieli 29:3

Mukobe oti, nze Musengwa Katonda ndi kukoba nti: Bona eno, buti nfuuse muzigu y'oli, iwe kyabazinga wa Misiri. Niiwe ogusota ogukologho oguba mu miiga ni gukoba guti, ‘Omwiga Kiyira gwange ku bwange, ninze eyagukola.’

Ezekieli 29:9

Era olisigala bw'agho otyo ng'oli bifulukwa byereere omutaba bantu. Olwo balimanha nga ninze Musengwa Katonda. “Era olw'okuba wakoba mbu omwiga Kiyira gugwo, niiwe eyagukola,

Yoeli 2:14

Tomanha, oba katyo asobola okukyusa ekirowoozo kye yaabasonigha, yaaleka ng'abaghaire enkabi, mwabaza ebirime. Agho mwasobola okumugha ebigheebwayo eby'emere ey'empeke n'eby'okunhwa.

Amosi 6:13

Mweyagala mbu kuba mwagema ekibuga Lodebari, era mwesuuta nga mukoba muti: “Titwaghamba kibuga Karanaimu na maani gaife beene?”

Yona 3:9

Tomanha, oba katyo Katonda asobola okukyusa ekirowoozo kye, yaalekera okusungughala ekibitiriire, yaaloba kutuzikiriza.’ ”

Habakkuku 1:11

Agho baafuumuuka embiro ng'oti mpewo baaja. Abantu abo bali n'omusango, amaani gaibwe ge batwala okuba katonda waibwe.”

Zefania 2:15

Ebyo n'ebija okutuuka ku kibuga ekyali kyeidhi nga n'ekirigho kyonka, era nga kirowooza kiti ezira kibuga kindi kyaga nakyo bukologho. Aye kija kuzikirira kifuuke ekifo ensolo edh'omu nsiko ghe dhisula. Buli muntu anaakibitangaku, aneesimoozanga era yaata omukono mu nkoto yeinhamira.

Matayo 3:8

Kale ni mwanie ebibala ebyoleka okwenenia.

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Ebikolwa by'Abatume 24:25

Aye Paulo bwe yayogera ku butuukirivu, ni ku muntu okufuga omubiri gwe, era ni ku lunaku olw'okusaliraku omusango, Felikisi yaatya, yaakoba ati: “Mperaano ja ndidha kufunayo ekiseera nkwetese.”

Ebikolwa by'Abatume 26:20

Aye natoolera n'ab'omu Damasiko, n'ab'omu Yerusalemu, n'ab'omu Buyudaaya yoonayoona, era n'ab'omu maghanga agandi, naabakobera beenenie, bakyuke baire ye Katonda, bakole ebikolwa ebyoleka nga beeneniiza.

Ebikolwa by'Abatume 8:22

Kale ni weenenie ekirowoozo kyo ekyo ekibi, weeghembe Katonda tomanha bw'akusonigha ekidhuubo ekyo ekiri mu mwoyo gwo.

2 Ab'e Korintho 5:11

Nga bwe twidhi nga kituufu okutya Musengwa, abantu tugezaaku okubaghangula. Katonda atwidhi bukalamu era ndhuuba nga mu myoyo gyaimwe mwena mutwidhi bukalamu.

Ab'e Galatia 5:13

Aye imwe aboluganda, mwayetebwa kwetaaya. Aye mutaganha kwetaaya kwaimwe okwo kubaviiramu kufugibwa kwegomba kwa mibiri gyaimwe. Aye mu kugonzania mugheerezaganie

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Ab'Efeso 4:28

Abaire aiba akange agho, aye afube kukola ng'akozesa emikono gye asobole n'okugabiraku abaavu.

Amateeka Agokubiri 24:13

Oidha kukimwirizanga eigulo aghange okukisulamu. Olwo akusabire enkabi, era Musengwa Katonda wo akusiime olw'okukola ekituufu.

Amateeka Agokubiri 32:27

Aye naatya nti abazigu baibwe ababakyagha baidha kwesuuta ebiziramu, bati beene n'ababaghangwire se ti nze Musengwa Katonda.’

Amateeka Agokubiri 8:17

Kale ni mulobenga kukoba mule muti, “Amagezi gaife n'amaani gaife n'ebitufuniisa obukombe.”

1 Petero 4:8

Ekisinga byonabyona obukulu, mugonzanienga mu mazima, kuba okugonzania kusonighisa ebibi kamaala.