Danieli 4:19 - Baibuli Ekibono kya Katonda 2014

¹⁹ Agho Danieli oyo, era ye baatuuma eriina Beluteshazzari, yaamala akaseera ng'asobeirwa era ng'ali kutya okwogera. Kyabazinga yaamukoba ati: “Beluteshazzari, ekirooto n'amakulu gaakyo birobe kukutiisa bityo.” Beluteshazzari yaamwiramu ati: “Isebantu kyabazinga, kyandibaire kirungi nguli ekirooto ekyo kibaire kigema ku abo abakukyagha, n'amakulu gaakyo gaaba nga gagema ku bazigu bo!

Danieli 4:19 Iomraidhean Croise

Amainhama 31:35

Rakeli yaakoba ise ati: “Isebo, otansungughalira olw'obutasobola kwemerera mu maiso go, kuba ndi mulwaire.” Labani yaayagaaza aye yaaloba kuzuula misambwa gye egy'omu maka.

Amainhama 32:18

Oiramu oti, ‘Dha mugheereza wo Yakobo; nga kino n'ekirabo ky'agheereiza musengwa wange Esau. Era ni mwene ali kutuvaaku einhuma.’ ”

Amainhama 40:12

Yosefu yaamukoba ati: “Gano n'amakulu gaakyo: ensaga eisatu dhitegeeza enaku isatu.

1 Bakyabazinga 18:7

Obadia bweyali mu ngira ng'ali kutambula, yaja okubona ng'ayagaanana n'Eliya. Obadia yaamutegeera nga n'Eliya, agho yaakuba amakiryaivu era yaakutama n'ekyeni kyatuuka ku itaka, ng'akoba ati: “Bwenebwene niiwe musengwa wange Eliya?”

Okuvaayo 32:32

Aye ndi kukusaba obasonighe ekibi kyaibwe ekyo. Bw'oba nga toobasonighe, sasa eriina lyange mu kitabo kyo mw'oghandiika abantu bo.”

Yeremia 29:7

Mukolerere obulungi obw'ebibuga ye nabasindika mu bunhage. Mubisabirenga ye ndi, ebintu bisobole okubijiiranga obukalamu, olwo mwena ebintu biidha kubajiiranga bukalamu.

Yeremia 4:19

Obulumi bwe ndi nabwo bwenda bwa kundhita! Omwoyo guunumirira era gwampakukapakuka! Kino tisobola kukisirikira, kuba mpulira amagwala agali kuvuga, n'enduulu edh'olutalo.

Danieli 1:7

Agho eyali akulira bagheereza baine abalaawe yaatuuma abaisuka abo amaina agandi: Danieli yaamutuuma Beluteshazzari, Hanania yaamutuuma Shaduraka, Mishaeli yaamutuuma Meshaki, ni Azaria yaamutuuma Abedinego.

Danieli 2:26

Kyabazinga yaabuuza Danieli, era ye baatuuma eriina Beluteshazzari, ati: “Osobola okunkobera ekirooto kye naloota n'amakulu gaakyo?”

Danieli 2:37

Iwe Isebantu kyabazinga, niiwe kyabazinga asinga mu bakyabazinga boonaboona. Niiwe Katonda ow'eigulu ye yagha obwakyabazinga, n'obukumu, n'amaani, n'ekitiisa.

Danieli 4:24

“Kale ni Isebantu kyabazinga, amakulu ni gano: Ekyo, oyo Ali Ghaigulu Yeene, n'ekyo kye yalagira ekija okukutuukaku.

Danieli 5:12

Omusaadha oyo akola ebintu n'obusobozi obubitirivu, ali n'amagezi, n'obukugu mu kuvuunula ebirooto, n'okwinhonhola amakulu ag'ebintu ebizibu ebyagisibwa. Kale ni ka beete Danieli oyo kyabazinga ye yatuuma eriina Beluteshazzari, oyo n'aidha okukukobera amakulu g'ekighandiiko ekyo.”

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Danieli 5:19

Era olw'okuba yamugha okuba omukologho, ekyo kyaleetera abantu boonaboona, abava mu maghanga goonagoona, era aboogera enimi dhoonadhoona, okumutyanga n'okudhugumiranga mu maiso ge. Oyo ye yayendanga okwita ng'amwita, ate ye yayendanga okulekagho ng'akaali mulamu ng'amulekagho ng'akaali mulamu. Oyo ye yayendanga akugha ekitiisa ng'akimugha, ate ye yayendanga okukimutoolaku ng'akimutoolaku yaamuleetera okunhoomebwa.

Danieli 7:15

Nze Danieli neeraliikirira era naatya olw'okubonekerwa okwo.

Danieli 7:28

Ebyo agho ghe byakoma. Era nze Danieli naatya inho mule, n'okusiiwuuka naasiiwuuka. Aye era ebintu ebyo naabita ku mwoyo.

Danieli 8:27

Nze Danieli amaani gampwamu, era naabeera irala mulwaire okumala enaku. Oluvainhuma naamala naasituka, naaja ku mirimo kyabazinga gye yampa. Aye okubonekerwa okwo kwasigala nga kukantabwire, nga tisobola kukutegeera naire.

Habakkuku 3:10

Ensozi dhaakubona dhaatengeeta; amaadhi ag'amaani gaayuyika. Amaadhi ag'enhandha gawolomboka era geefuukuula inho.

1 Samueli 1:15

Aye Hanna yaamwiramu ati: “Busa, musengwa wange. Nkaali kunhwa ku mwenge gwa mizabbibu oba ekitamiiza kyonakyona. Nze ndi mukazi aidhwire enaku, era mbaire ndi kufukumula ebiri ku mwoyo gwange mu maiso ga Musengwa Katonda.

1 Samueli 24:8

Nga ghabiseeghooku akaseera, Daudi yeena yaafuluma mu mpuku, yaayeta Saulo ati: “Isebantu kyabazinga!” Saulo yaalinga einhuma. Daudi yaakuba amakiryaivu era yaakutama n'ekyeni kyatuuka ku itaka.

1 Samueli 26:15

Daudi yaakoba Abuneri ati: “Toli musaadha? Naani ayagayaga n'iwe mu Isiraeli? Memale lwaki tokuumye kyabazinga, musengwa wo? Ghaligho omuntu aidhie eyo okuzikiriza kyabazinga musengwa wo.

1 Samueli 3:17

Eli yaamubuuza ati: “Kiki Musengwa Katonda kye yakukobye? Otakingisa. Katonda k'akubonereze inho, bw'ongisa ekintu kyonakyona ku ebyo bye yakukobye.”