Danieli 4:18 - Baibuli Ekibono kya Katonda 2014

¹⁸ “Ekyo n'ekirooto nze kyabazinga Nebukadinezzari kye naloota. Buti iwe Beluteshazzari, nkobera amakulu gaakyo, kuba abantu abagezigezi ab'omu bwakyabazinga bwange, amakulu gaakyo gaabalemye okunkobera. Aye iwe osobola, kuba omwoyo gwa bakatonda abatukuvu gukuliku.”

Danieli 4:18 Iomraidhean Croise

Amainhama 40:12

Yosefu yaamukoba ati: “Gano n'amakulu gaakyo: ensaga eisatu dhitegeeza enaku isatu.

Amainhama 41:15

Kyabazinga yaamukoba ati: “Naloose ekirooto, aye ghazira aghanga kuvuunula makulu gaakyo. Mpuliire nga bakwogeraku bati oghanga okuvuunula ebirooto.”

Amainhama 41:8

Enkyo yeeraliikirira, kale yaayetesa abalaguzi boonaboona n'abakugu mu kuvuunula ebirooto boonaboona ab'omu Misiri, yaabakobera ebirooto bye. Aye ghaabulagho omuntu waire omulala ati, eyali asobola okumuvuunulira amakulu gaabyo.

Isaia 19:3

Ndivuyavuya entegeka dh'Abamisiri, naabaleetera okuwaamu amaani. Balyebuuza ku misambwa, ni ku balogo, ni ku balaguzi, ni ku b'amaghembe.

Danieli 1:20

Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Danieli 2:38

Era Katonda yakuta mu ngalo byonabyona ebiri ku nsi okubifuga: abantu, ensolo, n'enhonhi. Niiwe omutwe ogwa zaabu.

Danieli 2:7

Baamukoba omukuzi ogwokubiri bati: “Isebantu kyabazinga, ife abagheereza bo tuli kukusaba otukobere ekirooto ekyo, twidha kuvuunula amakulu gaakyo.”

Danieli 5:15

Mpegaano mbaire naakamala okwetesa abagezigezi n'abasamize, era baabandeetera ghano basome ekighandiiko ekyo, bankobere n'amakulu gaakyo, aye tibasoboire kuzuula makulu ago.

Danieli 5:8

Agho abagezigezi abo boonaboona aba kyabazinga baaseeta, aye baaloba kusobola kusoma kighandiiko ekyo waire okukobera kyabazinga amakulu gaakyo.

Amosi 3:7

Mu butuufu bwene, ghazira Musengwa Katonda ky'akola mu kyama nga takyoleike bagheereza be abalanzi.