Danieli 4:17 - Baibuli Ekibono kya Katonda 2014

¹⁷ Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Danieli 4:17 Iomraidhean Croise

1 Bakyabazinga 21:25

Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

2 Ebyomubyanda 28:22

Kyabazinga Ahazi oyo, ni mu kiseera kye yabeeramu mu buzibu, yeeyongera bweyongere okukola ebibi eri Musengwa Katonda.

Zabbuli 103:19

Musengwa Katonda yata ekityamo kye eky'obwakyabazinga mu igulu, yaakigumya, era ni kyabazinga afuga ebintu byonabyona.

Zabbuli 12:8

Buli gh'olinga obona abakozi b'ebibi abatambula, era abantu bakibona ng'okukola ekibi kintu kya ghaigulu.

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Isaia 6:3

Buli kitonde kyali nga kiri kukoba kiinaakyo kiti: “Musengwa Katonda Afuga Amagye mutukuvu, mutukuvu, mutukuvu. Ekitiisa kye kibunie ensi yoonayoona.”

Isaia 6:8

Agho naawulira amamiro ga Musengwa Katonda ng'akoba ati: “Naani ye nnaatuma? Naani anaaba omukwenda waife?” Naakoba nti: “Nze ndi ghano, tuma nze.”

Ezekieli 25:17

Ndibabonereza n'obukambwe, naabeesasulizaaku mu busungu obubitirivu. Olwo balimanha nga ninze Musengwa Katonda.”

Ezekieli 7:24

ndireeta amaghanga agasingayo okuba amabi einho gaatwala endhu dhaimwe, dhaafuuka dha bantu baago. Ndinafuya abalwani baimwe ab'amaani, naaleetera amaghanga ago okwonoona ebifo byaimwe ebitukuvu.

Danieli 11:21

Agho malaika yaayongera okwinhonhola ati: “Kyabazinga wa Siria aliiragho mu kifo ky'oyo, aliba muntu anhoomebwa era atagwanira kuba kyabazinga naire. Alirebereza abantu, yaabalimbalimba, yaabaikirizisa nga tibaidhi, baaja okweidhuukiriza ng'afuuse kyabazinga.

Danieli 2:21

Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 4:2

Kimbonekeire nga kirungi okubakobera ku bumanhiso n'ebyewuunhio, Katonda Ali Ghaigulu Yeene bye yankolera.

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Ab'e Roma 13:1

Kiisi muntu agonderanga abafuzi, kuba ghazira bufuzi butava wa Katonda era abafuzi abaligho baateebwagho Katonda.

1 Ab'e Korintho 1:28

Yalonda abo ensi b'etwala nga ba ghansi, nga baziramu mugaso era abanhoomebwa, olwo ayoleke ng'abo ensi b'etwala ng'abalimu omugaso, muzira.

1 Timotheo 5:21

Nkusikirira mu maiso ga Katonda, ni Kurisito Yesu, ni bamalaika abatukuvu, ojiirenga ku biragiro bino buliidho, aghazira kwekubira oba okusaliriza.

Okwolekebwa 4:8

Buli kirala ku bitonde ebiramu ebyo ebina nga kiri n'amaghagha mukaaga. Era nga ebitonde ebiramu ebyo biidhwire amaiso ku ngulu ni munda. Omusana n'obwire nga tibirekera kwemba biti: “Musengwa Katonda Aghanga Ebintu Byonabyona, mutukuvu, mutukuvu, era mutukuvu, n'eyaligho, n'aligho, era n'aliidha.”

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.