Danieli 4:16 - Baibuli Ekibono kya Katonda 2014

¹⁶ Era ebidhuubo bye ka bikyusibwe okuva ku by'omuntu, bifuuke bya nsolo okumala emyaka musanvu.

Danieli 4:16 Iomraidhean Croise

2 Samueli 18:32

Kyabazinga yaamubuuza Omukushi ati: “Omwisuka Abusalomu ali bukalamu?” Omukushi yaamwiramu ati: “Wo musengwa wange kyabazinga, ekyo ekituuse ku mwisuka oyo kigwananga kyatuuka ku bazigu bo, ni ku abo boonaboona abakudheemera ni bakukola akabi.”

Isaia 6:10

Era yankoba ati: “Kalangusa emyoyo gy'abantu bano, osembe n'amatu gaibwe, otulughaze n'amaiso gaibwe; kuba tomanha bwe babona n'amaiso gaibwe, ni bawulira na matu gaibwe, era ni bategeera na myoyo gyaibwe, ni bakyuka ni mbawonia.”

Danieli 11:13

“Kyabazinga wa Siria aliirayo yaasoloza eigye erindi einene okusinga lire eryasooka. Era nga ghabiseegho emyaka, aliira n'eigye ery'amaani n'eby'okulwanisa kamaala.

Danieli 12:7

Agho Malaika oyo eyali avaire ebivaalo ebighegheevu era eyali ere omwiga ye gwali guli kuviira, yaagololera emikono gye gyombi y'eigulu. Era naamuwulira ng'ali kulayira Katonda omulamu ebyanda n'ebyanda, ng'akoba ati: “Giriba emyaka esatu n'ekitundu. Abazigu bwebalikiriga abantu ba Katonda okutuusa okubamala amaani, ebintu ebyo byonabyona birituukirizibwa.”

Danieli 4:23

Isebantu kyabazinga, era wabona nga malaika omukuumi omutukuvu ali kwika okuva mu igulu. Malaika oyo yaakoba ati, ‘Temagho omuti ogwo oguzikirize, aye olekegho ekikolo kyagwo kisigale mu itaka, nga bakisibyeku endhegere edhaakolebwa mu kyuma ekigumu einho ni mu kyuma eky'ekikomo. Ekikolo ekyo ka kisigale eyo mu isubi mu nsiko. Omusulo oguva ku igulu ka gukube muntu oyo gumuboze, era asigale eyo mu isubi ghalala n'ensolo edh'omu nsiko, okumala emyaka musanvu.’

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Danieli 7:28

Ebyo agho ghe byakoma. Era nze Danieli naatya inho mule, n'okusiiwuuka naasiiwuuka. Aye era ebintu ebyo naabita ku mwoyo.

Abaheburayi 1:11

Ebyo biriwaagho, aye iwe olisigalagho ebyanda n'ebyanda era byonabyona birikairigha ng'oti bivaalo.

Okwolekebwa 12:14

Aye omukazi yaagheebwa amaghagha abiri ag'enkookooma emba, aguluke aje mu irungu mu kifo ye baali baja okumulabirira okumala entangama ey'emyaka esatu n'ekitundu, ng'ogusota tigumutuukaku.