Danieli 4:12 - Baibuli Ekibono kya Katonda 2014

¹² Amakaba gaagwo nga gaboneka bulungi, era nga gwataaku ebibala kamaala, ebisobola okuliisa ensi yoonayoona. Ensolo edh'omu nsiko nga dhiwuumulira mu kinsense kyagwo, n'enhonhi edh'omu ibbanga dhaasula mu nsaga dhaagwo. Era ebitonde byonabyona ebiri n'omubiri, nga birya ku muti ogwo.

Danieli 4:12 Iomraidhean Croise

Yobu 12:24

Abafuzi b'abantu abafuula basiru, yaabaleetera okuyengeetera eyo mu irungu ezira ngira.

Yobu 14:7

“Bwe batema omuti, ghabaagho eisuubi ery'omuti ogwo okusibuka ni gwiragho.

Yobu 14:9

bwe gutuukibwaku amaadhi, gulisibuka, gwaleeta ensaga ng'oti n'ekisimbe ekiyaaka.

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Ezekieli 17:23

Ndikasimba ku lusozi lwa Isiraeli olusinga kuba luleeyi, kamere kaidheku ensaga era kateeku n'ebibala, kafuuke omuvule omulungi einho. Ensolo edh'omu nsiko edha buli nsambo dhiidhe dhisulenga ghansi ghaagwo, n'enhonhi edha buli ngeri dhizimbenga ebisu byadho ku nsaga dhaagwo.

Ezekieli 31:17

Girija nagwo mu nsi ey'abafu, eri abo abaamala eira okwitirwa mu ntalo. Bwenebwene abo abaabanga mu kinsense kyagwo balisansaanira mu maghanga baazikirira.

Danieli 4:14

Malaika oyo yaayogera mu mamiro ag'amaani ati: ‘Temagho omuti ogwo, oguwaawuleku ensaga n'amakaba, era ogutooleku ebibala obisansaaniesansaanie. Olwo ensolo edhibairenga ghansi ghaagwo dhirumukegho, n'enhonhi edhibairenga ku nsaga dhaagwo dhije.

Matayo 13:32

Waire nga n'akatonioli mu nsigo dhoonadhoona, bwe kamera kakula kaaba kabba okusinga ebimera ebindi kaafuuka muti, era enhonhi edh'omu ibbanga dhiidha dhaazimba ebisu mu nsaga dhaagwo.”

Mariko 13:32

“Aye ghazira aidhi lunaku olwo oba saawa ni bwebaakaba bamalaika mu igulu, waire Omwana, okutoolaku Lata.

Mariko 4:32

Aye bwe kasimbibwa mu itaka kakula kaaleegha okusinga ebisimbe byonabyona, era kaleeta ensaga enene nga n'enhonhi edh'omu ibbanga dhisobola okuzimba ebisu mu kinsense kyako.”

Luka 13:19

Buli oti kamuuma ka kaladaali omuntu ke yatoola n'akasimba mu nimiro ye, kaakula, kaafuuka muti, n'enhonhi edh'omu ibbanga dhaakola ebisu ku nsaga dhaagwo.”