Danieli 3:6 - Baibuli Ekibono kya Katonda 2014

⁶ Era kiisi anaaloba okweyala ghansi okukisinza, baidha kumusuula mangu ago mu kikoomi ekiri kugeigera omuliro.”

Danieli 3:6 Iomraidhean Croise

Amainhama 19:28

Yaalinga e Sodoma n'e Gomorra, era ni mu biketezo eby'ekiiko yaabona omwosi nga gunioka ogugemye okuva mu biketezo ebyo, nga guli ng'oti n'omwosi ogw'oluyiira.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Isaia 44:17

Ekitundu kire ekindi eky'omuti akikolamu ekisinzibwa, yaakikubira amakiryaivu, yaakisinza ng'akoba ati: “Nkweghembye mponia, kuba niiwe katonda wange!”

Yeremia 29:22

Era abantu abaatoolebwa e Yerusalemu ni batwalibwa e Babilonia mu bunhage, bwe banaayendanga okukolimira omuntu, baidha kukobanga bati, ‘Musengwa Katonda agwananga yaakukola kye yakola Zedekia ni Ahabu, kyabazinga ow'e Babilonia be yayokya mu muliro ni bafa.’

Danieli 2:5

Kyabazinga yaabakoba ati: “Kino kye nja okubakobera kiri n'okutuukirira: Bwe mutankobere kirooto kye naloose ni muvuunula na makulu gaakyo, ndidha kulagira babatemeteme, emigulu gigwe ghaagyo n'emikono gigwe ghaagyo. Era endhu dhaimwe baidha kudhizikiriza dhifuuke bifulukwa byereere.

Danieli 3:11

Era oti yeenayeena anaaloba okweyala ghansi okukisinza, baidha kumusuula mu kikoomi ekiri kugeigera omuliro.

Danieli 3:15

Mpegaano ni, oba nga olunaawulira muti okuvuga okw'endeka, n'endere, n'endingidi, n'endongo, n'entongooli, n'ebivuga ebindi, munaaba beetegefu okweyala ghansi musinze ekiwumbe kya zaabu kye nakola, olwo ghazira kabi kaidha kubatuukaku. Aye bwe munaaloba okukisinza, baidha kubasuula mangu ago mu kikoomi ekiri kugeigera omuliro. Ghaligho katonda yeenayeena anaabawonia nabatoola mu buyinza bwange?”

Danieli 3:21

Kale baabasiba nga bali mu bivaalo byaibwe: eky'oku ngulu, ekanzu, enkoofiira, n'ebivaalo byaibwe ebindi byonabyona. Baamala baabasuula mu kikoomi ekiri kugeigera omuliro.

Danieli 3:7

Kale abantu boonaboona, abava mu maghanga goonagoona, era aboogera enimi dhoonadhoona, bwe baawulira okuvuga okw'endeka, n'endere, n'endingidi, n'endongo, n'entongooli, n'ebivuga ebindi, beeyala ghansi okusinza ekiwumbe kya zaabu ekyo kyabazinga Nebukadinezzari kye yataagho.

Danieli 5:19

Era olw'okuba yamugha okuba omukologho, ekyo kyaleetera abantu boonaboona, abava mu maghanga goonagoona, era aboogera enimi dhoonadhoona, okumutyanga n'okudhugumiranga mu maiso ge. Oyo ye yayendanga okwita ng'amwita, ate ye yayendanga okulekagho ng'akaali mulamu ng'amulekagho ng'akaali mulamu. Oyo ye yayendanga akugha ekitiisa ng'akimugha, ate ye yayendanga okukimutoolaku ng'akimutoolaku yaamuleetera okunhoomebwa.

Danieli 6:7

Ife abakungu ab'oku ntwiko mu bwakyabazinga bwo, n'ab'amasaza, n'abawi b'amagezi, n'ab'amagombolola, twisainia tuti oteegho ekiragiro era obone nga kiteebwa mu nkola. Kibe nti okumala enaku amakumi asatu, omuntu anaasaba katonda yeenayeena, oba n'asaba omuntu owundi yeenayeena atali iwe Isebantu kyabazinga, asuulibwe mu kiina omuli empologoma.

Matayo 13:42

baabasuula mu nkoomi ey'omuliro, omuliba okugegenga n'okuluma emba olw'obulumi obubitirivu.

Matayo 13:50

baabasuula mu nkoomi ey'omuliro omuliba okugegenga n'okuluma emba olw'obulumi obubitirivu.

Matayo 4:9

Era yaamukoba ati: “Ebyo byonabyona ndidha kubikugha bwe weeyala ghansi n'onsinza.”

Mariko 6:27

Kale mangu ago, yaalagira omwisirukale aje aleete omutwe gwa Yoanne. Era omwisirukale yaaja mu ikomera yaatema ku Yoanne omutwe.

Okwolekebwa 14:11

Omwosi ogw'okudaazibwadaazibwa kwaibwe gwa kunioka ebyanda n'ebyanda. Era abasinza ekisolo n'ekifaananie kyakyo, na kiisi yeenayeena eyateebwaku akamanhiso k'eriina lyakyo, tibaligheeraku omusana n'obwire.”

Okwolekebwa 9:2

Emuunienie eyo yaigulagho olwina olwo, omwosi gwava mu lwina olwo ng'oti n'oguva mu luyiira olunene einho, gwaidhula mu mpewo mwonamwona n'endhuba yairugala.