Danieli 3:30 - Baibuli Ekibono kya Katonda 2014

³⁰ Agho kyabazinga oyo yaakuza Shaduraka, ni Meshaki, ni Abedinego, baafuuka bakulu mu kiketezo eky'e Babiloni.

Danieli 3:30 Iomraidhean Croise

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 91:14

Kuba Katonda akoba ati: “Ndidha kumutoola aghazibu olw'okuba angonza inho, era ndidha kumukuumanga olw'okuba ayatula eriina lyange, yaalisaaka.

Danieli 1:7

Agho eyali akulira bagheereza baine abalaawe yaatuuma abaisuka abo amaina agandi: Danieli yaamutuuma Beluteshazzari, Hanania yaamutuuma Shaduraka, Mishaeli yaamutuuma Meshaki, ni Azaria yaamutuuma Abedinego.

Danieli 2:49

Danieli yaasaba kyabazinga, era kyabazinga yaagha Shaduraka ni Meshaki, ni Abedinego, baakolanga ku nsonga edh'endhawulo mu kiketezo eky'e Babiloni. Aye Danieli mwene yaasigala mu kisaagaati kya kyabazinga.

Danieli 3:1

Kyabazinga Nebukadinezzari yaalagira baakola ekiwumbe ekya zaabu, nga mu buleeyi kigheza mita amakumi abiri na musanvu, ate mu bugazi kyagheza mita isatu. Era yaalagira baakita ku museetwe ogw'e Dura, mu kiketezo eky'e Babiloni.

Danieli 3:12

Kale ghaligho Abayudaaya bano, Shaduraka, ni Meshaki, ni Abedinego, iwe Isebantu kyabazinga be wagha bakolenga ku nsonga edh'endhawulo mu kiketezo eky'e Babiloni. Aye abantu abo tibagondera biragiro byo, era tibagheereza bakatonda bo waire okusinza ekiwumbe ekya zaabu kye wataagho.”

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.