Danieli 3:25 - Baibuli Ekibono kya Katonda 2014

²⁵ Yaakoba ati: “Aye lwaki ndi kubona abasaadha bana abali kutambulira ghagati mu muliro nga ti basibe, era nga baziraku kabi kabatuuseeku naire? Ate owokuna afaanana ng'oti malaika!”

Danieli 3:25 Iomraidhean Croise

Yobu 1:6

Olunaku lwali lulala, abakwenda ab'omu igulu baidha okweyandhula mu maiso ga Musengwa Katonda. Ni Sitaani yeena yaidhiramu.

Yobu 38:7

Nga buli kukya ku lunaku olwo, emuunienie edh'oku nkyo dhaayembera ghalala, n'ab'omu igulu baakuba emizira.

Yobu 5:19

Aidha kukuwonianga mu bizibu byonabyona; buliidho tootuukibwengaku kabi koonakoona.

Zabbuli 34:7

Malaika wa Musengwa Katonda akuuma abo abatya Musengwa Katonda, yaabawonia ebizibu.

Ensambo 30:4

Naani eyaali aniinieku mu igulu, n'aniinukayo n'aika ku nsi? Naani eyaali asoloizaaku empewo n'agigemera mu ngalo dhe? Naani eyaali azingiireku amaadhi mu kivaalo kye? Naani eyataagho ensalosalo ensi kw'ekoma? Eriina lye naani, era mutabane naani, bw'oba ng'oidhi?

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Yeremia 1:19

Balikulwanisa, aye tibalikughangula kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 1:8

“Otatya muntu yeenayeena, kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 15:21

Ndikutoola mu buyinza bw'ababi, era naakuwonia abakambwe balobe kukukola kabi. Nze Musengwa Katonda, ninze nkobye.”

Danieli 3:18

Aye Katonda waife ni bw'aba nga taakole atyo, twenda okukumanhisa, iwe Isebantu kyabazinga, nga tituja kugheereza bakatonda bo waire okusinza ekiwumbe kya zaabu kye wataagho.”

Danieli 3:24

Aye kyabazinga Nebukadinezzari yeewuunhia inho era yaasituka mangu ghe yali. Yaabuuza abakungu be ati: “Titwasibye abasaadha basatu ni tubasuula mu kikoomi ekiri kugeigera omuliro?” Baamwiramu bati: “Kituufu, Isebantu kyabazinga.”

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Danieli 6:23

Agho kyabazinga yaasangaala ebitaloodheka era yaalagira batoole Danieli mu kiina omwali empologoma. Kale baamutoolayo mu kiina ekyo nga ghazira kabi koonakoona kamutuuseeku, kuba yeesiga Katonda we.

Mariko 16:18

baligema emisota mu ngalo dhaibwe, era ni bwe balinhwa ekiita kyonakyona tibalibaaku kabi, abalwaire balibaisaaku emikono era baawona.”

Luka 1:35

Malaika yaamwiramu ati: “Mwoyo Mutukuvu aidha kukwikaku, n'amaani g'oyo Ali Ghaigulu Yeene gaidha kukuboghera, kyova ky'olizaala, ekitukuvu, kiryetebwa Mwana wa Katonda.

Ebikolwa by'Abatume 28:5

Aye Paulo yaakunkumulira omusota mu muliro era yaaloba kubaaku kabi koonakoona.

Ab'e Roma 1:4

aye mu butukuvu obuva mu Bwakatonda bwe, bwe yazuukizibwa mu bafu, yaboneka ng'ali n'amaani mangi ng'Omwana wa Katonda.

1 Petero 3:13

Kale bwe munaafubanga okukola ekituufu naani anaabakolanga akabi?