Danieli 3:24 - Baibuli Ekibono kya Katonda 2014

²⁴ Aye kyabazinga Nebukadinezzari yeewuunhia inho era yaasituka mangu ghe yali. Yaabuuza abakungu be ati: “Titwasibye abasaadha basatu ni tubasuula mu kikoomi ekiri kugeigera omuliro?” Baamwiramu bati: “Kituufu, Isebantu kyabazinga.”

Danieli 3:24 Iomraidhean Croise

2 Ebyomubyanda 22:4

Yaakolanga ebibi yaasungughaza Musengwa Katonda, ng'ab'endhu ya Ahabu bwe baakolanga kuba ise bwe yamala okufa, abo n'abaamughanga amagezi agaamutuusa ku kugwa.

Danieli 3:17

Bwe kunaaba okutusuula mu muliro, Katonda waife ye tugheereza asobola bukalamu okutuwonia yaatutoola mu kikoomi ekiri kugeigera omuliro, era yaatutoola ni mu buyinza bwo.

Danieli 3:23

Abasaadha abo bonsatule Shaduraka, ni Meshaki, ni Abedinego, baagwa mu kikoomi ekiri kugeigera omuliro nga basibe.

Danieli 3:25

Yaakoba ati: “Aye lwaki ndi kubona abasaadha bana abali kutambulira ghagati mu muliro nga ti basibe, era nga baziraku kabi kabatuuseeku naire? Ate owokuna afaanana ng'oti malaika!”

Danieli 4:22

“Isebantu kyabazinga, niiwe omuti ogwo. Wakula era waaba wa maani, ekitiibwa kyo kyeyongera kyatuuka ku igulu, n'obufuzi bwo bwatuuka ensi y'ekanga.

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Danieli 5:6

Agho kyabazinga amaiso gaamumyuka, yaatya inho, amagulu gaamudhugumira, n'ebikiryaivu byakontagana.

Danieli 6:22

Katonda wange yatumye malaika we, yaaziba eminwa egy'empologoma dhaaloba kunkolaku kabi koonakoona, kuba mu maiso ga Katonda oyo nze nziraku musango gwonagwona. Era ni mu maiso go, iwe Isebantu kyabazinga, ghazira kibi kye nakola.”

Danieli 6:7

Ife abakungu ab'oku ntwiko mu bwakyabazinga bwo, n'ab'amasaza, n'abawi b'amagezi, n'ab'amagombolola, twisainia tuti oteegho ekiragiro era obone nga kiteebwa mu nkola. Kibe nti okumala enaku amakumi asatu, omuntu anaasaba katonda yeenayeena, oba n'asaba omuntu owundi yeenayeena atali iwe Isebantu kyabazinga, asuulibwe mu kiina omuli empologoma.

Ebikolwa by'Abatume 12:13

Petero bwe yakonkona ku lwigi olw'oku mulyango ogw'oku luya, omwiru omukazi eriina lye Rooda yaidha abone akonkona.

Ebikolwa by'Abatume 26:13

Isebantu kyabazinga, nga ndi mu ngira, esaawa mukaaga edh'omusana, naabona okumyansa okwava mu igulu nga kusinga okwaka okw'endhuba, kwaneezungulula n'abo be twali tutambula nabo.

Ebikolwa by'Abatume 26:27

Kyabazinga Agurippa oikiriza mu balanzi? Ndidhi obaikiriza.”

Ebikolwa by'Abatume 9:6

Aye situka oje mu kibuga. Eyo ye banaakukoberera ky'ogwaine okukola.”

1 Samueli 17:55

Saulo bwe yabona Daudi ng'ali kuja okulwanisa Omufilisiti, yaabuuza Abuneri omuduumizi w'eigye ati: “Abuneri, omwisuka oyo mutabane w'ani?” Abuneri yaamwiramu ati: “Isebantu kyabazinga, ndayira mu maiso go nti tiidhi naire.”