Danieli 3:22 - Baibuli Ekibono kya Katonda 2014

²² Olw'okuba kyabazinga yalagira bakume ekikoomi kigeigere inho omuliro, enimi edh'omuliro dhaakomba dhaita abasaadha abaatwala Shaduraka, ni Meshaki, ni Abedinego, okubasuula mu kikoomi ekyo.

Danieli 3:22 Iomraidhean Croise

1 Bakyabazinga 13:28

Yaavuga endogoyi, yaaja yaayagaana omulambo gw'omulanzi nga gugwire agho mu ngira. Era ng'endogoyi n'empologoma byemereire kumpi nagwo empologoma nga teguliire era nga teyuziizayuziiza ndogoyi.

Okuvaayo 12:33

Agho Abamisiri baagwidhubania Abaisiraeli bave mu Misiri mu bwangu nga bakoba bati: “Bwe mutaja tuja kufa tuweegho.”

Ensambo 11:8

Katonda akuuma omutuufu yaaloba kugwa mu bizibu, aye omubi yaabigwamu.

Ensambo 21:18

Abantu ababi n'ababonerezebwa mu kifo eky'abatuufu, era abatatya Katonda n'ababonerezebwa mu kifo eky'abeesimbu.

Danieli 1:7

Agho eyali akulira bagheereza baine abalaawe yaatuuma abaisuka abo amaina agandi: Danieli yaamutuuma Beluteshazzari, Hanania yaamutuuma Shaduraka, Mishaeli yaamutuuma Meshaki, ni Azaria yaamutuuma Abedinego.

Danieli 2:15

yaabuuza Arioki oyo ati: “Kiki ekiviiriireku kyabazinga n'agha ekiragiro ekikambwe kityo.” Arioki yaamwinhonhola bwe byali.

Danieli 6:24

Kyabazinga yaalagira baaleeta abasaadha bale abaaghaayiriza Danieli, baabasuula mu kiina ekyo omwali empologoma, ghalala ni bakazi baibwe, n'abaana baibwe. Era baabanga bakaali na kutuuka ku ntobo ya kiina ekyo, ng'empologoma dhaabamemeine ira amagumba goonagoona.

Matayo 27:5

Agho Yuda yaasuula ebitundu bya feeza bire mu isinzizo. Yaava agho, yaaja yeetuga.

Ebikolwa by'Abatume 12:19

Herode bwe yamwagala n'atamubona yaawozesa abaisirukale, yaalagira babaite. Agho Herode yaava e Buyudaaya yaikirira e Kaisaria yaaba eyo.