Danieli 3:19 - Baibuli Ekibono kya Katonda 2014

¹⁹ Agho Nebukadinezzari yaasungughala ekibitiriire, yaatungulira Shaduraka, ni Meshaki, ni Abedinego, amaiso. Yaalagira bakume ekikoomi kigeigere emikuzi musanvu okusinga bwe kigeigeranga buliidho.

Danieli 3:19 Iomraidhean Croise

Amainhama 31:2

Era Yakobo yaabona nga Labani takaamusangaalira nga bweyakolanga eira.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Ensambo 16:14

Kyabazinga bw'asungughala asobola n'okwita, kale omugezi ky'akola n'okumuwooyawooya.

Ensambo 21:24

Omuntu eyeekuluntaza era eyeebona yenka, ayetebwa munhoomi, omuntu oyo aba mwekudumbaze era nga yeerowoozaaku yenka.

Isaia 51:23

Ekikopo ekyo ndikigemya abo ababalumya ni bakoba bati, ‘Mweyale ghansi ku itaka tubatambulireku tuje’, era mwena ni mutaagho emigongo gyaimwe ni gifuuka oluguudo kwe batambulira.”

Danieli 2:12

Agho kyabazinga yaasungughala inho ekibitiriire era yaalagira baite abagezigezi boonaboona ab'omu Babiloni.

Danieli 3:13

Agho Nebukadinezzari yaasungughala ekibitiriire, yaalagira baleete Shaduraka, ni Meshaki, ni Abedinego. Era baabaleeta mu maiso ge.

Danieli 3:20

Era yaalagira abasaadha ab'amaani mu igye lye, basibe Shaduraka, ni Meshaki, ni Abedinego, babasuule mu kikoomi ekiri kugeigera omuliro.

Danieli 5:6

Agho kyabazinga amaiso gaamumyuka, yaatya inho, amagulu gaamudhugumira, n'ebikiryaivu byakontagana.

Danieli 6:24

Kyabazinga yaalagira baaleeta abasaadha bale abaaghaayiriza Danieli, baabasuula mu kiina ekyo omwali empologoma, ghalala ni bakazi baibwe, n'abaana baibwe. Era baabanga bakaali na kutuuka ku ntobo ya kiina ekyo, ng'empologoma dhaabamemeine ira amagumba goonagoona.

Abalevi 26:18

“Ebyo byonabyona bwe binaamalanga okubaagho, era ni musigala nga timukampulira, ekibonerezo kyaimwe ndidha kukyongerangaku emikuzi musanvu olw'ebibi byaimwe.

Abalevi 26:21

“Bwe munaayongeranga okukola empwitu n'obutampulira, ndidha kwongeranga kabiri ku kibonerezo kyaimwe emikuzi musanvu, nga njiira ku bungi bw'ebibi byaimwe.

Abalevi 26:24

zeena ndibeefuulaku naababonereza emikuzi musanvu okuwulagho olw'ebibi byaimwe.

Abalevi 26:28

zeena ndibeefuulaku mu busungu naayongera okubabonereza emikuzi musanvu okusingagho olw'ebibi byaimwe.

Ebikolwa by'Abatume 5:33

Abakiise bwe baawulira kino baasungughala inho era baayenda na kubaita.

Ebikolwa by'Abatume 7:54

Bwe baawulira ebyo, baidhula obusungu, baaluma emba.