Danieli 3:17 - Baibuli Ekibono kya Katonda 2014

¹⁷ Bwe kunaaba okutusuula mu muliro, Katonda waife ye tugheereza asobola bukalamu okutuwonia yaatutoola mu kikoomi ekiri kugeigera omuliro, era yaatutoola ni mu buyinza bwo.

Danieli 3:17 Iomraidhean Croise

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 18:14

Ghaligho ekintu ekikalangufu einho Musengwa Katonda ky'atasobola? Nga bwe nkukobye, omwaka ogwidha mu biseera bino, ndikukyalira kabiri era mukazi wo Sara aliba ng'azaire omwana mulenzi.”

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Yobu 5:19

Aidha kukuwonianga mu bizibu byonabyona; buliidho tootuukibwengaku kabi koonakoona.

Zabbuli 115:3

Ife Katonda owaife ali mu igulu era ky'ayenda ky'akola.

Zabbuli 37:39

Musengwa Katonda alokola abo abatuufu, era abakuuma mu biseera ebizibu.

Zabbuli 37:40

Ababeera era yaabawonia ng'abatoola mu ngalo dh'ababi, kuba bamwesiga.

Zabbuli 73:20

Ng'ekirooto bwe kyerabirwa ng'omuntu asitwike, n'iwe Musengwa Katonda weena otyo bw'obeerabira amangu, ng'otooleire okukola ebibyo.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 54:14

Okukola amazima n'obutuufu birikuleetera okuba ow'amaani. Oliwona okutuntuzibwa, era ebintu ebitiisa tibiriseeta gh'oli.

Yeremia 1:8

“Otatya muntu yeenayeena, kuba nze ndi ghalala n'iwe okukukuumanga. Nze Musengwa Katonda, ninze nkobye.”

Yeremia 15:20

Ndidha kukufuula obe ye bali ng'oti kimante ekigumu eky'ekyuma eky'ekikomo. Balikulwanisa aye tibalikughangula, kuba ndidha kubanga ghalala niiwe okukukuuma n'okukuwonia ebizibu.

Yeremia 15:21

Ndikutoola mu buyinza bw'ababi, era naakuwonia abakambwe balobe kukukola kabi. Nze Musengwa Katonda, ninze nkobye.”

Danieli 3:26

Agho Nebukadinezzari yaaseeta kumpi n'olwigi olw'ekikoomi ekiri kugeigera omuliro, yaayeta ati: “Shaduraka, Meshaki, ni Abedinego, imwe abagheereza ba Katonda Ali Ghaigulu Yeene, mufulume mwidhe ghano.” Era Shaduraka, ni Meshaki, ni Abedinego, baafuluma mu muliro.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Danieli 6:16

Kale kyabazinga yaalagira batoole Danieli bamusuule mu kiina omwali empologoma. Kyabazinga yaakoba Danieli ati: “Katonda wo oyo y'ogheereza n'obwesigwa akuwonie!”

Danieli 6:23

Agho kyabazinga yaasangaala ebitaloodheka era yaalagira batoole Danieli mu kiina omwali empologoma. Kale baamutoolayo mu kiina ekyo nga ghazira kabi koonakoona kamutuuseeku, kuba yeesiga Katonda we.

Danieli 6:27

Awonia era yaalokola abantu, yaakola obumanhiso n'ebyewuunhio mu igulu ni mu nsi. Era n'awoniiza Danieli okwitibwa empologoma.”

Mika 7:7

Aye nze, amaiso ndidha kugatanga ku Musengwa Katonda yenka. Katonda oyo ye ndidha okuteegereranga aidhe andokole. Katonda wange aidha kuwuliranga okusaba kwange.

Luka 1:37

kuba mpaagho kirema Katonda.”

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Ebikolwa by'Abatume 21:13

Aye Paulo yairamu ati: “Mukola ki ekyo okulira n'okunafuya omwoyo gwange? Nze tiri mwetegefu kusibwa kyonka aye era n'okufiira mu Yerusalemu olw'eriina lya Musengwa Yesu.”

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

2 Ab'e Korintho 1:10

Oyo eyatuwonia mu kabi akanene akaaga agho ak'okufa era n'alituwonia, era oyo ye tusuubira okutuwonia kabiri.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

1 Samueli 17:37

Era Daudi yaakoba ati: “Eyantoola mu nkumu edh'empologoma n'edh'ensolo enkambwe, aidha kuntoola ni mu ngalo edh'Omufilisiti oyo.” Agho Saulo yaakoba Daudi ati: “Kale ja, Musengwa Katonda abe n'iwe.”

1 Samueli 17:46

Olwaleero luno Musengwa Katonda aidha kukuta mu ngalo dhange nkukube ghansi, era nkutemeku omutwe. Era emirambo egy'eigye ery'Abafilisiti nja kugigabula enhonhi edh'omu ibbanga n'ensolo edh'omu nsiko. Olwo ensi yoonayoona emanhe nga mu Isiraeli mulimu Katonda.