Danieli 3:14 - Baibuli Ekibono kya Katonda 2014

¹⁴ Yaababuuza ati: “Imwe, Shaduraka, Meshaki, ni Abedinego, obwo bwenebwene kituufu nti muloba okugheereza bakatonda bange waire okusinza ekiwumbe kya zaabu kye nataagho?

Danieli 3:14 Iomraidhean Croise

Isaia 46:1

“Eno n'enkomerero y'emisambwa egy'e Babiloni! Ebifaananie eby'emisambwa Beli ni Nebo egyasinzibwanga eira, buti babitwise ku ndogoyi na ku nte. Ebifaananie ebyo byafuuka migugu ku migongo gy'ensolo okudhiruyiriza.

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Danieli 3:1

Kyabazinga Nebukadinezzari yaalagira baakola ekiwumbe ekya zaabu, nga mu buleeyi kigheza mita amakumi abiri na musanvu, ate mu bugazi kyagheza mita isatu. Era yaalagira baakita ku museetwe ogw'e Dura, mu kiketezo eky'e Babiloni.

Danieli 4:8

Aye oluvainhuma lwa byonabyona Danieli yaidha. Danieli oyo nga baamutuuma eriina Beluteshazzari erya katonda wange era ng'omwoyo ogwa bakatonda abatukuvu gumuliku. Agho naamukobera ekirooto nti,