Danieli 3:10 - Baibuli Ekibono kya Katonda 2014

¹⁰ Iwe Isebantu wagha ekiragiro oti kiisi awulira okuvuga okw'endeka, n'endere, n'endingidi, n'endongo, n'entongooli, n'ebivuga ebindi, aidha kweyala ghansi asinze ekiwumbe kya zaabu ekyo.

Danieli 3:10 Iomraidhean Croise

1 Ebyomubyanda 15:16

Daudi yaalagira abakulu b'Abalevi bateegho Balevi banaibwe, bembe n'amaani enhembo edh'eisanhu nga bakubiraku entongooli, n'endingidi, n'ebide.

1 Ebyomubyanda 15:28

Kale batyo Abaisiraeli boonaboona baaleeta Esanduuku y'Endagaano ya Musengwa Katonda nga bali kukuba emizira, eno nga bwe bafuuwa endeka n'amagwala, era nga bwe bakuba n'ebide, n'entongooli, n'endingidi, nga biri kuvuga inho.

2 Ebyomubyanda 29:25

Yaata Abalevi mu isinzizo nga bagemye n'ebide, n'entongooli, n'endingidi, ng'ajiira ku kiragiro Musengwa Katonda kye yagha kyabazinga Daudi, ng'abita mu Gadi omulanzi wa kyabazinga ni Nathani omulanzi.

Zabbuli 94:20

Iwe tosobola kuba ku luuyi lwa bafuzi babi, abafuulania amateeka, ekibi ni bakyeta ekirungi.

Okuvaayo 1:16

Yaabakoba ati: “Bwe muzaalisanga omukazi Omuheburayi ni mubona ng'omwana y'azaire mulenzi mumwitanga, bw'abanga omughala oyo mumulekanga nga mulamu.”

Okuvaayo 1:22

Agho kyabazinga yaalagira abantu be boonaboona ati: “Musuulenga buli mwana mulenzi azaalibwa Abaheburayi mu mwiga Kiyira aye abaghala mubalekenga nga balamu.”

Omulangirizi 3:16

Era nabona nga ku nsi, mu kifo aghandibaire okukola amazima oyagaanagho bikolwa bibi, ni mu kifo aghandibaire obutuufu woona waayagaanagho bikolwa bibi.

Isaia 10:1

Mukagwireku imwe abataagho amateeka agatakolera ku mazima, ni mutaagho ebighandiiko ebireetera abantu okutuntuzibwa.

Danieli 3:11

Era oti yeenayeena anaaloba okweyala ghansi okukisinza, baidha kumusuula mu kikoomi ekiri kugeigera omuliro.

Danieli 3:15

Mpegaano ni, oba nga olunaawulira muti okuvuga okw'endeka, n'endere, n'endingidi, n'endongo, n'entongooli, n'ebivuga ebindi, munaaba beetegefu okweyala ghansi musinze ekiwumbe kya zaabu kye nakola, olwo ghazira kabi kaidha kubatuukaku. Aye bwe munaaloba okukisinza, baidha kubasuula mangu ago mu kikoomi ekiri kugeigera omuliro. Ghaligho katonda yeenayeena anaabawonia nabatoola mu buyinza bwange?”

Danieli 6:12

Era baamala baaja ye kyabazinga baayogera ku kiragiro kye yakola. Baamukoba bati: “Isebantu kyabazinga, tiwata kinkumu ku kiragiro ekikoba kiti okumala enaku amakumi asatu, omuntu anaasaba katonda yeenayeena, oba n'asaba omuntu owundi yeenayeena atali iwe Isebantu kyabazinga, asuulibwe mu kiina omuli empologoma.” Kyabazinga yaabairamu ati: “Ekyo kituufu, era ekiragiro ekyo tikisoboka kukyusibwamu naire, ng'oti n'amateeka ag'Abamedi n'Abaperusi bwe gatamenhebwagho.”

Amosi 6:5

Mwembera ku ntongooli enhembo edh'ekigayaavu, era mweyiiyiza beene ebivuga ng'oti ni Daudi bwe yakola.

Yoanne 11:57

Mperaano, Bakabona Abakulu n'Abafarisaayo, baali bamaze okugha ebiragiro bati, bweghabaagho omuntu yeenayeena amanha Yesu gh'ali, aja yaabamanhisa, baaja baamugema.