Danieli 2:45 - Baibuli Ekibono kya Katonda 2014

⁴⁵ Era wabona eibaale eryamogoka lyonka ku lusozi nga ghazira muntu aligemyeku, lyamaniangula ekyuma ekigumu einho, n'ekyuma eky'ekikomo, n'eitosi, ni feeza, ni zaabu. Isebantu kyabazinga, Katonda omukologho n'akumanhiisa ebyo ebiribaagho. Ekyo n'ekirooto kyo kyene kye waloota, era ago n'amakulu gaakyo geene agaziramu kubuusabuusa naire.”

Danieli 2:45 Iomraidhean Croise

Amainhama 41:26

Ente omusanvu enungi, dhitegeeza emyaka musanvu. N'ebifaaganda omusanvu eby'engaano ebirungi byona bitegeeza emyaka musanvu. Ebirooto byombi biri n'amakulu malala ago.

Amainhama 41:28

Ow'ekitiisa kyabazinga, ekyo kye nkukobeire nti Katonda akwoleike by'aja okukola.

Amainhama 41:32

Ekirooto okuba eky'emikuzi ebiri kitegeeza kiti: Katonda asazeegho okukola ekintu ekyo, era nga aidha kukituukiriza mangu.

2 Samueli 7:22

Wo Musengwa Katonda wange, bwenebwene oli mukologho. Tituwulirangaku wundi ali ng'oti niiwe. Niiwe Katonda wenka, ezira wundi.

1 Ebyomubyanda 16:25

Musengwa Katonda mukologho era agwaine okusinzibwa einho. Oyo n'ali n'okutiibwa okusinga ebyo byonabyona ebyetebwa bakatonda.

Nehemia 4:14

Bwe nabona ntyo naasitukiramu, naakoba abakulembeze, n'abakungu, n'abantu abandi boonaboona nti: “Abazigu abo mutabatya. Mwidhukire nga Musengwa Katonda mukologho era wa ntiisa. Kale mulwanirire baganda baimwe, ni batabane baimwe, ni baghala baimwe, ni bakazi baimwe, era n'amaka gaimwe.”

Nehemia 9:32

Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Yobu 36:26

Bona eno, Katonda mukulu era titumwidhi mu bwidhuvu, emyaka gye tigibalika.

Zabbuli 135:5

Nze ndidhi nga Musengwa Katonda mukologho, era nga n'asinga bakatonda boonaboona ab'amaghanga agandi.

Zabbuli 145:3

Musengwa Katonda mukologho, era ni yenka agwaine okusinzibwa; ghazira muntu ategeera bukalamu bukologho bwe.

Zabbuli 2:9

Amaghanga ago oligamenhamenha n'omwigo ogw'ekyuma, era waagamaniangula ng'oti ntamu ya muwumbi.’ ”

Zabbuli 48:1

Musengwa Katonda mukologho, era ni yenka agwaine okusinzibwa mu kibuga kya Katonda waife, ku lusozi lwe olutukuvu.

Zabbuli 96:4

Musengwa Katonda mukologho era ni yenka agwaine okusinzibwa. Oyo n'ali n'okutiibwa okusinga bakatonda ab'amaghanga agandi boonaboona;

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Danieli 2:24

Agho Danieli yaaja ye Arioki, kyabazinga ye yali alagiire okwita abantu abagezigezi ab'omu Babilonia. Yaamukoba ati: “Otazikiriza bantu bagezigezi abo ab'omu Babilonia. Ntwala mu maiso ga kyabazinga mmukobere amakulu g'ekirooto kye yaloota.”

Danieli 2:28

Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Danieli 2:29

“Isebantu kyabazinga, iwe bwe wali otendwike mu buliri bwo, waloota ebiribaagho ye bwidha, era Katonda oyo ayoleka ebyama yaakumanhisa ebyo ebiribaagho.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 8:25

Alikozesa olugezigezi lwe yaatuukiriza enkwe dh'ayenda okukola. Alyekudumbazanga era yaazinduukirizanga abantu kamaala nga tibeetegeike yaabazikiriza. Alituuka n'okulwanisa Kyabazinga asinga mu bakyabazinga boonaboona. Aye mwene talizikirizibwa na maani ga bantu buntu.

Haggai 2:22

ntoolegho obwakyabazinga obw'amaghanga, era nkomye obuyinza bwago. Ndidha kusuula ere ebigaali by'omu lutalo n'abavuzi baabyo. N'embalaasi dhiidha kufa, n'abavuzi baadho baitagane beene na beene.

Zekaria 12:3

Mu kiseera ekyo ndireetera Yerusalemu okuba ng'oti n'eibaale eizito, nga kiisi ighanga erigezaaku okulibbeeda, lirumizibwa inho. Era amaghanga goonagoona ag'oku nsi galyeyimba gaakirumba.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Matayo 21:24

Yesu yaabairamu ati: “Zeena ka mbabuuzeeyo ekibono kirala, bwe mundhiramu ekyo, zeena nga mbakobera obuyinza obunkoza ebyo.

Matayo 24:35

Eigulu n'ensi biriwaagho aye ebibono byange tibiriwaagho.

Luka 17:20

Abafarisaayo baamubuuza bati: “Obwakyabazinga bwa Katonda butuuka li?” Yaabairamu ati: “Obwakyabazinga bwa Katonda tibuja kwidha na bumanhiso

Amateeka Agokubiri 10:17

kuba Musengwa Katonda waimwe, ni Katonda afuga bakatonda boonaboona, era ni Musengwa Katonda afuga basengwa boonaboona. Musengwa Katonda oyo, n'omukologho era ow'amaani ali n'okutiibwa. Tasaliriza era talya nguzi.

Okwolekebwa 1:19

Mperaano ghandiika by'obona ebirigho, n'ebiribaagho ye bwidha.

Okwolekebwa 19:17

Agho naabona malaika ng'ayemereire ku ndhuba. Yaayeta n'amaani enhonhi dhoonadhoona edhiguluka nga dheeruupye eyo mu igulu, ati: “Mwidhe mwesololeze ku mbaga ya Katonda enkologho.

Okwolekebwa 4:1

Ebyo bwe byawa, naabona olwigi olwigule mu igulu. Era n'amamiro ge nali nsoose okuwuliraku agaali ng'oti ndeka gankoba gati: “Niina ghano, nkwoleke ebiri n'okubaagho oluvainhuma lwa bino.”