Danieli 2:44 - Baibuli Ekibono kya Katonda 2014

⁴⁴ Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 2:44 Iomraidhean Croise

Amainhama 49:10

Yuda n'anaagemanga omwigo ogw'obwakyabazinga, era baidhukulu be n'abanaafuganga, okutuusa mwene bwakyabazinga lw'aliidha. Era oyo abantu ye banaawuliranga.

2 Samueli 7:13

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

Zabbuli 145:13

Obwakyabazinga bwo bwa byanda na byanda, era oja kufuga abantu ense n'ense. Musengwa Katonda mwesigwa mu by'akoba byonabyona era asaasira mu by'akola.

Isaia 60:12

Aye eighanga n'obwakyabazinga ebiriroba okukugheereza, biryonoonebwayonoonebwa era byasaanizibwagho irala.

Ezekieli 37:25

Baliba mu nsi ye nagha Yakobo omugheereza wange, ensi badhaadha baibwe mwe baabanga. Beene, n'abaana baibwe, ni baidhukulu baibwe, omwo mwe baliba ebyanda n'ebyanda. Era kyabazinga ali ng'oti n'omugheereza wange Daudi, n'aja okubafuganga ebyanda n'ebyanda.

Danieli 2:28

Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Danieli 2:34

Bwe wali okaakiringirira, eibaale lyamogoka lyonka aghazira muntu aligemyeku, lyakuba ebigere eby'ekiwumbe ekyo eby'ekyuma ekigumu einho n'eitosi, lyabimanhiangula.

Danieli 2:35

Agho mu kiseera kyene ekyo, ekyuma ekigumu einho, n'eitosi, n'ekyuma eky'ekikomo, ni feeza, ni zaabu, byonabyona byamanhiangukira ghalala. Byafuuka ng'oti musinsi oguba mu bifo aghakubirwa engaano mu biseera eby'ekyeya. Empewo yaabifuuwa okubimaliriragho, ghaabulagho n'akamanhiso akalaga nga bibaireghooku. Aye eibaale eryakuba ekiwumbe ekyo lyafuukamu olusozi olukologho olwabuna ensi yoonayoona.

Danieli 2:37

Iwe Isebantu kyabazinga, niiwe kyabazinga asinga mu bakyabazinga boonaboona. Niiwe Katonda ow'eigulu ye yagha obwakyabazinga, n'obukumu, n'amaani, n'ekitiisa.

Danieli 2:43

Era nga bwe wabona ekyuma ekigumu einho nga kitabuletabule n'eitosi, n'abantu ab'omu bwakyabazinga obwo batyo bwe baligezaaku okugemagana nga bakozesa okufumbiraganwa. Aye tibalisobola, ng'oti n'ekyuma bwekitasobola kwetabula mu itosi.

Danieli 4:3

Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Danieli 6:26

Ndi kugha ekiragiro nti mu biketezo byonabyona ebiri mu bwakyabazinga bwange, abantu boonaboona batyenga Katonda wa Danieli, bamutengamu ekitiisa. Kuba oyo ni Katonda omulamu, aligho ebyanda n'ebyanda. Obwakyabazinga bwe ghazira asobola kubuzikiriza, n'obukumu bwe tibuliwaagho.

Danieli 6:27

Awonia era yaalokola abantu, yaakola obumanhiso n'ebyewuunhio mu igulu ni mu nsi. Era n'awoniiza Danieli okwitibwa empologoma.”

Danieli 7:27

Olwo obwakyabazinga, n'obukumu, n'ekitiisa, ebiri ghansi gh'eigulu, balibigha abatukuvu b'oyo Ali Ghaigulu Yeene. Obwakyabazinga bwaibwe buliba bwa byanda na byanda, era abafuzi boonaboona ab'ensi balibagonderanga baabagheereza.”

Danieli 8:25

Alikozesa olugezigezi lwe yaatuukiriza enkwe dh'ayenda okukola. Alyekudumbazanga era yaazinduukirizanga abantu kamaala nga tibeetegeike yaabazikiriza. Alituuka n'okulwanisa Kyabazinga asinga mu bakyabazinga boonaboona. Aye mwene talizikirizibwa na maani ga bantu buntu.

Mika 4:7

Waire nga balema era nga baatwalibwa eghala einho okuva ewaibwe, ndidha kubafuula bakaawonagho era mbafuule eighanga ery'amaani. Era nze Musengwa Katonda mwene, ndidha kubafugiranga ku lusozi Sioni okuva n'olwo okutuusa ebyanda n'ebyanda.”

Haggai 2:22

ntoolegho obwakyabazinga obw'amaghanga, era nkomye obuyinza bwago. Ndidha kusuula ere ebigaali by'omu lutalo n'abavuzi baabyo. N'embalaasi dhiidha kufa, n'abavuzi baadho baitagane beene na beene.

Haggai 2:7

Nja kutengeesa amaghanga goonagoona, eby'obukombe byago byonabyona bireetebwe ghano, olwo ndidhuze eisinzizo lino eby'obukombe.

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Yoanne 12:34

Eikuukuubira lyamukoba liti: “Amateeka gatukoba gati Kurisito aja kuba mulamu ebyanda n'ebyanda. Aye iwe otukoba otya oti Omwana w'Omuntu ali n'okughanikibwa? Omwana w'Omuntu ono naani?”

Abaheburayi 12:28

Kale twebazenga olw'okufuna Obwakyabazinga obutatengeesebwa, era tusinzenga Katonda mu nsambo emusiimya, nga tumutaamu ekitiisa era nga tumutya

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 2:27

Aligafuga n'omwigo ogw'ekyuma, yaagamenhamenha ng'oti amenhamenha bibya bya itosi. Zeena ntyo bwe nafuna obukumu obwo ewa Lata.