Danieli 2:4 - Baibuli Ekibono kya Katonda 2014

⁴ Baamwiramu mu lulimi Oluaramaika bati: “Isebantu kyabazinga, ghangaala byanda na byanda. Ife abagheereza bo tuli kukusaba otukobere ekirooto ekyo, twidha kuvuunula amakulu gaakyo.”

Danieli 2:4 Iomraidhean Croise

Amainhama 31:47

Labani yaagituuma eriina Yegari Sahadutha, aye Yakobo yaagituuma Galeedi.

Amainhama 41:8

Enkyo yeeraliikirira, kale yaayetesa abalaguzi boonaboona n'abakugu mu kuvuunula ebirooto boonaboona ab'omu Misiri, yaabakobera ebirooto bye. Aye ghaabulagho omuntu waire omulala ati, eyali asobola okumuvuunulira amakulu gaabyo.

1 Bakyabazinga 1:25

Olwaleero luno lwene, ajiire yaaghaayo bino ng'omusengo: ente enume, ente entototo empiite ensavu n'entaama. Era ayese batabane bo boonaboona, ni Yoabu omuduumizi w'eigye, ni Abiathari kabona. Era bali eyo bali kulya era baanhwera mu maiso ge, nga bwe bakoba bati, ‘Ghangaala, kyabazinga Adoniya!’

1 Bakyabazinga 1:31

Agho Bathisheba yaakuba amakiryaivu, yaakutama n'ekyeni kyatuuka ku itaka mu maiso ga kyabazinga. Yaakoba ati: “Isebantu kyabazinga Daudi, ghangaala byanda na byanda!”

2 Bakyabazinga 18:26

Agho Eliakimu mutabane wa Hilikia, ni Shebuna, ni Yoa, baakoba omukungu oyo Omuassiria bati: “Tukweghembye, yogera n'ife mu lulimi Oluaramaika, kuba tulutegeera. Aye otayogera n'ife mu Luheburayi ng'abantu abali ku kimante bawulira.”

Ezera 4:7

Kabiri mu kiseera Arutazerizesi mwe yabeera nga ni kyabazinga w'e Perusia, Bishilamu, ni Mithuredathi, ni Tabeeli, ghalala ni bakagwa baibwe abandi boonaboona, baamughandiikira embaluwa. Embaluwa eyo yakyusibwa okuva mu lulimi Oluaramaika.

Nehemia 2:3

Agho naatya inho, naakoba kyabazinga nti: “Isebantu kyabazinga, ghangaala byanda na byanda! Nnaalobera ki okwekapa mu maiso, ng'ate ekibuga omuli amagombe ga badhaadha bange bakizikiriiza kiri bifulukwa byereere, nga n'emiryango gyakyo bagyokiikya omuliro?”

Isaia 36:11

Agho Eliakimu mutabane wa Hilikia, ni Shebuna, ni Yoa, baakoba omukungu oyo Omuassiria bati: “Tukweghembye, yogera n'ife mu lulimi Oluaramaika, kuba tulutegeera. Aye otayogera n'ife mu Luheburayi ng'abantu abali ku kimante bawulira.”

Isaia 44:25

Ninze mmala amakulu mu ebyo abalaguzi bye balagula, n'ebyo abalogo bye bakola. Ndhuuluusa abagezi bye boogera, naayoleka nti bye beeta eby'amagezi byaga busiru.

Danieli 1:4

Abaisuka abo baali n'okuba nga baziraku kikyamu kyonakyona, nga baboneka bulungi, nga bali n'obukugu mu bye bakola, nga bagezi, nga beega mangu, era nga basobola okugheereza mu kisaagaati kya kyabazinga. Era baali n'okusomesebwa empandiika n'endhogera ey'olulimi Olubabilonia.

Danieli 2:7

Baamukoba omukuzi ogwokubiri bati: “Isebantu kyabazinga, ife abagheereza bo tuli kukusaba otukobere ekirooto ekyo, twidha kuvuunula amakulu gaakyo.”

Danieli 3:9

Baakoba kyabazinga Nebukadinezzari bati: “Isebantu kyabazinga, ghangaala byanda na byanda!

Danieli 4:19

Agho Danieli oyo, era ye baatuuma eriina Beluteshazzari, yaamala akaseera ng'asobeirwa era ng'ali kutya okwogera. Kyabazinga yaamukoba ati: “Beluteshazzari, ekirooto n'amakulu gaakyo birobe kukutiisa bityo.” Beluteshazzari yaamwiramu ati: “Isebantu kyabazinga, kyandibaire kirungi nguli ekirooto ekyo kibaire kigema ku abo abakukyagha, n'amakulu gaakyo gaaba nga gagema ku bazigu bo!

Danieli 4:7

Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.

Danieli 4:9

‘Iwe Beluteshazzari omukulu w'abalaguzi boonaboona, ndidhi ng'omwoyo gwa bakatonda abatukuvu gukuliku, era ghazira kyama kikulema kuzuula. Kale ka nkukobere ekirooto kye naloose, onkobere amakulu gaakyo.’

Danieli 5:10

Inhina wa kyabazinga bwe yawulira okwasiikana kwa kyabazinga n'okw'abakungu be okwali mu kisenge eky'embaga, yaingira mu kisenge ekyo. Inhina wa kyabazinga oyo yaakoba ati: “Isebantu kyabazinga, ghangaala byanda na byanda! Leka kutya inho otyo, na maiso kukumyuka gatyo.

Danieli 5:8

Agho abagezigezi abo boonaboona aba kyabazinga baaseeta, aye baaloba kusobola kusoma kighandiiko ekyo waire okukobera kyabazinga amakulu gaakyo.

Danieli 6:21

Danieli yaamwiramu ati: “Isebantu kyabazinga, ghangaala byanda na byanda!

Danieli 6:6

Kale baaja ye kyabazinga nga bali ghalala, baamukoba bati: “Isebantu kyabazinga Dario, ghangaala byanda na byanda!

Danieli 6:7

Ife abakungu ab'oku ntwiko mu bwakyabazinga bwo, n'ab'amasaza, n'abawi b'amagezi, n'ab'amagombolola, twisainia tuti oteegho ekiragiro era obone nga kiteebwa mu nkola. Kibe nti okumala enaku amakumi asatu, omuntu anaasaba katonda yeenayeena, oba n'asaba omuntu owundi yeenayeena atali iwe Isebantu kyabazinga, asuulibwe mu kiina omuli empologoma.

Matayo 21:9

Eikuukuubira ery'abantu abaamukulemberamu n'abaamunonereza baaleekaana bati: “Hosanna mwidhukulu wa Daudi. Wa nkabi oyo aidha mu liina lya Musengwa, Hosanna mu igulu eyo.”

1 Samueli 10:24

Agho Samueli yaakoba abantu boonaboona ati: “Muboine oyo Musengwa Katonda y'alonze? Ezira ayaga naye mu bantu boonaboona.” Abantu boonaboona baakuba emizira bati: “Kyabazinga ghangaala!”