Danieli 2:39 - Baibuli Ekibono kya Katonda 2014

³⁹ Iwe bw'olivaagho ghalisitukagho obwakyabazinga obundi, aye nga tibwa maani ng'obubwo buno. Era kabiri ghalisitukagho obwakyabazinga obwokusatu obw'ekyuma eky'ekikomo bwafuga ensi yoonayoona.

Danieli 2:39 Iomraidhean Croise

Isaia 44:28

Ninze nkoba Kuro nti, ‘Niiwe omufuzi ye ntairegho otuukirize byonabyona bye nhenda.’ Naalagira Yerusalemu nti, ‘Oidha kuzimbibwa buyaaka,’ era naakoba n'eisinzizo nti, ‘Omusingi gwo gwidha kuteebwagho.’ ”

Danieli 10:20

Yambuuza ati: “Oidhi lwaki ndidhie y'oli? Mperaano ndidha kwirayo okulwanisa malaika omukuumi w'obwakyabazinga bw'e Perusia. Bwendimala okumughangula, olwo malaika omukuumi w'ensi Bugureki aliidha.

Danieli 2:32

Omutwe gwakyo nga gwakolebwa mu zaabu omukenenule. Ekifuba n'amakono nga bya feeza. Enda n'ebisambi nga bya kyuma kya kikomo.

Danieli 2:38

Era Katonda yakuta mu ngalo byonabyona ebiri ku nsi okubifuga: abantu, ensolo, n'enhonhi. Niiwe omutwe ogwa zaabu.

Danieli 2:40

Era kabiri ghaliidhagho obwakyabazinga obwokuna nga bwa maani ng'oti n'ekyuma ekigumu einho. Era ng'ekyuma ekigumu einho bwe kimenhamenha ni kimanhiangula ebintu byonabyona okubizikiriza, n'obwakyabazinga obwo bwona butyo bwe bulimenhamenha era bwamanhiangula obwakyabazinga obundi bwonabwona.

Danieli 7:23

Agho yaaninhonhola ati: “Ekisolo ekyokuna buliba bwakyabazinga obwokuna obulibaagho ku nsi, nga bwa ndhawulo ku bundi bwonabwona. Obwakyabazinga obwo bulimaamira ensi yoonayoona, bwagityankirira era bwagimenhamenha.

Danieli 8:20

“Entaama enume ebaire n'amayiga abiri y'oboine, etegeeza obwakyabazinga bwa Media n'obw'e Perusia.

Danieli 8:21

Embuzi enume etegeeza obwakyabazinga bwa Bugureki, ate eiyiga eikologho mu bweni bwayo lyategeeza kyabazinga eyasooka ow'ensi eyo Bugureki.

Zekaria 6:3

Ekigaali ekyokusatu kyali n'embalaasi ndheru nga dhiri kukighaluza, ate ekyokuna kyaba n'embalaasi dha kikuusikuusi nga n'edhiri kukighaluza.

Zekaria 6:6

Ekigaali ekiri n'embalaasi endhirugavu edhiri kukighaluza, kiri kuja ku luuyi olw'omukono omugooda olw'e buvandhuba. Ekiri n'embalaasi endheru kiri kuja ku luuyi lwa bugwandhuba. Ate ekiri n'embalaasi edh'ekikuusikuusi kiri kuja ku luuyi lwa mukono musaadha olw'e buvandhuba.