Danieli 2:37 - Baibuli Ekibono kya Katonda 2014

³⁷ Iwe Isebantu kyabazinga, niiwe kyabazinga asinga mu bakyabazinga boonaboona. Niiwe Katonda ow'eigulu ye yagha obwakyabazinga, n'obukumu, n'amaani, n'ekitiisa.

Danieli 2:37 Iomraidhean Croise

1 Bakyabazinga 4:24

Solomoni yafuganga ekiketezo kyonakyona eky'e bugwandhuba bw'omwiga Eufurate, okuva ku Tifusha okutuuka e Gaza, ng'afuga bakyabazinga baamu boonaboona. Era yali mu miraala n'ebiketezo byonabyona ebyali bimwezungulwire.

2 Bakyabazinga 25:28

Evilimerodaki oyo yaamubisa bukalamu, yaamuta mu kifo kya ghaigulu okusinga bakyabazinga abandi abaali naye mu bunhage e Babilonia.

2 Ebyomubyanda 36:23

“Kyabazinga Kuro ow'e Perusia akoba ati: Musengwa Katonda, Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya. Kale ni buli muntu ku imwe abantu be, aje eyo. Nsaba Musengwa Katonda oyo abe n'imwe mwenamwena abantu be.”

Ezera 1:2

“Kyabazinga Kuro ow'e Perusia akoba ati: Musengwa Katonda ow'eigulu, yampa obwakyabazinga bwonabwona obw'oku nsi, era ampaire obuvunaanizibwa okumuzimbira eisinzizo e Yerusalemu ekiri mu Buyudaaya.

Ezera 7:12

“Nze Arutazerizesi kyabazinga asinga mu bakyabazinga boonaboona, nkulamwisa iwe Ezera kabona aidhi einho amateeka ga Katonda ow'eigulu.

Zabbuli 62:11

Nkiwuliire emikuzi egisinga mu mulala nga Katonda akoba ati ni mwene buyinza,

Ensambo 8:15

Ninze agha bakyabazinga okufuga, era naagha abafuzi okutaagho amateeka amakalamu.

Isaia 10:8

Yeesuuta ati, ‘Kiisi muduumizi wa magye gange yeenayeena, aba kyabazinga mulamba.

Isaia 47:5

Musengwa Katonda oyo akoba Babiloni ati: “Tyama osirike, weewumbe mu nzikiiza, kuba tibaliirayo kabiri kukweta inhebantu wa maghanga.

Yeremia 28:14

Musengwa Katonda Afuga Amagye, Katonda wa Isiraeli, akoba ati aidha kuta ekikoligo eky'ekyuma ekigumu einho mu nkoto edh'amaghanga gano goonagoona gagheerezenga kyabazinga Nebukadinezzari ow'e Babilonia. Musengwa Katonda era akoba ati n'ensolo edh'omu nsiko dhoona aidha kudhireetera okugheerezanga Nebukadinezzari.”

Yeremia 34:1

Agho Musengwa Katonda yaayogera ninze, mu kiseera kyabazinga Nebukadinezzari owa Babilonia, n'eigye lye, era n'amagye ag'amaghanga agandi goonagoona ge yali afuga, nga bali kulumba Yerusalemu n'ebibuga ebindi ebyali okumpi agho.

Ezekieli 26:7

Era Musengwa Katonda akoba ati: “Bona, ndireeta Nebukadinezzari kyabazinga ow'e Babilonia, kyabazinga asinga mu bakyabazinga boonaboona. Aliidha yaalumba Tiro ng'aviira ku luuyi olw'omukono omugooda olw'e buvandhuba, ng'ali n'eigye einene inho, eririmu embalaasi, n'ebigaali eby'omu lutalo, n'abaisirukale ab'oku mbalaasi.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.

Danieli 2:31

“Isebantu kyabazinga, iwe waja okulinga oti ng'obona ekiwumbe ekikologho nga kyemereire agho mu maiso go. Ekiwumbe ekyo kyali kikologho inho, nga kimesunkana era nga kitiisa inho okukiringaku.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 4:19

Agho Danieli oyo, era ye baatuuma eriina Beluteshazzari, yaamala akaseera ng'asobeirwa era ng'ali kutya okwogera. Kyabazinga yaamukoba ati: “Beluteshazzari, ekirooto n'amakulu gaakyo birobe kukutiisa bityo.” Beluteshazzari yaamwiramu ati: “Isebantu kyabazinga, kyandibaire kirungi nguli ekirooto ekyo kibaire kigema ku abo abakukyagha, n'amakulu gaakyo gaaba nga gagema ku bazigu bo!

Danieli 4:22

“Isebantu kyabazinga, niiwe omuti ogwo. Wakula era waaba wa maani, ekitiibwa kyo kyeyongera kyatuuka ku igulu, n'obufuzi bwo bwatuuka ensi y'ekanga.

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 4:3

Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Danieli 4:32

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Danieli 7:14

Era baamugha obukumu, ekitiisa, n'obwakyabazinga. Olwo abantu boonaboona abava mu maghanga goonagoona, era aboogera enimi dhoonadhoona, basobole okumugheerezanga. Obufuzi bwe tibukoma, bubaagho byanda na byanda, era obwakyabazinga bwe tibalibuzikiriza.

Hosea 8:10

Aye waire baapangisa abamaghanga agandi, nze ndibasololeza ghalala naababonereza. Era bali kumpi na kulira maziga, nga kyabazinga w'e Assiria atooleire okubatuntuza.

Matayo 6:13

Totutwala mu kulebwa, aye tulokole mu bubi.’

Yoanne 19:11

Yesu yaamwiramu ati: “Tiwandibaire na bukumu ku nze nguli tibwakugheebwa Katonda. Kale ampaireyo mu ngalo dho n'ali n'ekibi ekisinga.”

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”

Okwolekebwa 4:11

“Musengwa era Katonda waife, ogwaniire okugheebwa ekitiisa, okusaakibwa, era n'obukumu. Kuba niiwe watonda ebintu byonabyona, byatondebwa era byabaagho olw'okwenda kwo.”

Okwolekebwa 5:12

Baayogera n'amamiro ag'amaani bati: “Entaama Ento eyaitibwa egwaine okuba n'obukumu, n'obukombe, n'amagezi, n'amaani. Era egwaine okusaakibwa, okugheebwa ekitiisa, n'okusinzibwa!”