Danieli 2:28 - Baibuli Ekibono kya Katonda 2014

²⁸ Aye ghaligho Katonda mu igulu ayoleka ebyama. Oyo n'ali kukumanhisa ebija okubaagho mu biseera eby'oluvainhuma. Mpegaano ni, ka nkukobere kye wabona mu kirooto ng'otendwike mu buliri bwo.

Danieli 2:28 Iomraidhean Croise

Amainhama 40:8

Baamwiramu bati: “Buli mulala ku ife yaloose ekirooto, aye ghazira aghanga kuvuunula makulu ga birooto ebyo.” Yosefu yaakoba ati: “Katonda ti n'asobozesa abantu okuvuunula ebirooto? Kale munkobere ebirooto ebyo.”

Amainhama 41:16

Yosefu yaira mu kyabazinga ati: “Isebantu kyabazinga, ti ninze, aye Katonda n'anaakugha okuvuunula okulungi.”

Amainhama 41:25

Yosefu yaakoba kyabazinga ati: “Ow'ekitiisa Kyabazinga, ebirooto byo biri n'amakulu nga n'amalala. Katonda akwoleike by'aja okukola.

Amainhama 49:1

Agho Yakobo yaayeta batabane be, yaakoba ati: “Mwidhe ghalala, mbakobere ebiribatuukaku ye bwidha.

Zabbuli 115:3

Ife Katonda owaife ali mu igulu era ky'ayenda ky'akola.

Isaia 2:2

Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Yeremia 10:7

Naani asobola obutakutya, iwe kyabazinga ow'amaghanga goonagoona? Bwenebwene ogwaniire okutiibwanga, kuba mu bagezi boonaboona abali mu maghanga goonagoona ni mu bwakyabazinga bwaibwe bwonabwona, muzira ali ng'oti niiwe.

Yeremia 30:24

Era obusungu bwa Musengwa Katonda obubitirivu tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.

Yeremia 48:47

“Aye mu biseera eby'oluvainhuma, nze Musengwa Katonda ndireetera ebintu okwiramu okujiiranga Abamoabu obukalamu.” Ebyo byonabyona, Musengwa Katonda bye yakoba okutuuka ku nsi Moabu.

Ezekieli 28:3

Olowooza oti oli mugezi okusinga Danieli, era nga ghazira kyama kikwekeibwa ky'otaidhi.

Ezekieli 38:16

Olirumba abantu bange Abaisiraeli waababuutikira ng'oti kire kighembye ku nsi. Mu biseera ebyo eby'oluvainhuma ndikuleetera okulumba ensi yange, amaghanga gasobole okuumanha nze. Bye ndikolera mu iwe, biryoleka amaghanga ago nga bwendi omutukuvu.

Ezekieli 38:8

Nga ghabiseeghooku ekiseera kinene, mu biseera eby'oluvainhuma ndikulagira okulumba ensi Isiraeli, olutalo ye lwagoya einho ni lugireka agho etyo ng'eri bifulukwa byereere omutaba bantu okumala entangama. Abantu baamu baali basansaine aye mpegaano baira nga bava mu maghanga kamaala, baaba ku nsozi dh'ensi yaibwe eyo nga bali mu miraala.

Danieli 1:20

Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Danieli 10:14

Ndidhie okukuyamba otegeere ebirituuka ku bantu bo ye bwidha kuba bye wabona mu kubonekerwa, byakubaagho mu biseera eby'oluvainhuma.”

Danieli 2:18

Era yaabakoba basabe Katonda ow'eigulu abasaasire ku bigema ku kyama ekyo, balobe kwitirwa ghalala n'abagezigezi ab'omu Babiloni.

Danieli 2:22

Ayoleka ebintu eby'ekyama ebitaboneka; yaamanha ebiri mu nzikiiza, era mwene gh'aba n'obutangaavu ghe buba.

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Danieli 2:45

Era wabona eibaale eryamogoka lyonka ku lusozi nga ghazira muntu aligemyeku, lyamaniangula ekyuma ekigumu einho, n'ekyuma eky'ekikomo, n'eitosi, ni feeza, ni zaabu. Isebantu kyabazinga, Katonda omukologho n'akumanhiisa ebyo ebiribaagho. Ekyo n'ekirooto kyo kyene kye waloota, era ago n'amakulu gaakyo geene agaziramu kubuusabuusa naire.”

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 4:5

Aye lwali lulala naaloota ekirooto ekyantiisa, ebifaananie byaidha byambonekera byamalamu omwoyo.

Hosea 3:5

Aye mu biseera eby'oluvainhuma abantu bange Abaisiraeli balikyuka, kabiri baira eri Musengwa Katonda waibwe n'eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y'ali.

Amosi 4:13

A! Katonda n'eyawumba ensozi era yaatonda empewo. Amanhisa abantu ebiri mu mwoyo gwe. Ogubaire omusana abufuula obwire. Atambulira ghaigulu ng'ensi emuli ghansi. Eriina lye ni Musengwa Katonda Afuga Amagye.

Okubala 24:14

Mperaano ndi kwirayo mu bantu bange. Aye bona eno, ka nkukobere abantu abo Abaisiraeli kye balikola abantu bo mu biseera eby'oluvainhuma.”

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Amateeka Agokubiri 31:19

“Kale ni mpegaano ghandiika olwembo luno, olwegerese Abaisiraeli olubembese. Olwembo luno n'olwidha okubanga omudhulizi wange alumiriza Abaisiraeli abo;

Amateeka Agokubiri 4:30

Bwe munaabanga nga muli mu nnaku ng'ebyo byonabyona bibaidhiire, mu biseera eby'oluvainhuma muliira eri Musengwa Katonda waimwe, mwagondera by'abakoba

2 Timotheo 3:1

Aye kino kimanhe, nga mu nnaku edhirisembayo ghalibaagho ebiseera eby'akabi.

Abaheburayi 1:1

Eira Katonda yayogeranga ni badhaadha baife emikuzi kamaala era mu nsambo kamaala ng'abita mu balanzi.

2 Petero 3:3

Okusookera irala muteekwa okumanha nga mu nnaku edhisembayo, abantu abenda einho musekererwe era abafugibwa okwegomba okw'omubiri, baliboneka. Balibaseka

Okwolekebwa 1:1

Bino n'ebintu Yesu Kurisito bye yayoleka abagheereza be. Ebintu bino nga biri n'okubaagho amangu. Kurisito yatuma malaika we yaabimanhisa omugheereza we Yoanne.