Danieli 2:25 - Baibuli Ekibono kya Katonda 2014

²⁵ Agho amangu geene ago, Arioki yaatwala Danieli mu maiso ga kyabazinga. Era yaakoba kyabazinga ati: “Isebantu kyabazinga, nzwire nga mu bantu abaanhagibwa e Buyudaaya mulimu omusaadha asobola okuvuunula ekirooto kyo.”

Danieli 2:25 Iomraidhean Croise

Amainhama 41:14

Kyabazinga yaayetesa Yosefu, baamutoola mangu mu ikomera. Yosefu bwe baamala okumumwa era n'akyusa ebivaalo n'avaala ebindi, yaaja eri kyabazinga.

Nehemia 7:6

Gano n'amaina ag'abantu ab'omu kiketezo eky'e Buyudaaya abaira nga bava e Babilonia mu bunhage, kyabazinga waayo Nebukadinezzari ye yali abatwaire nga basibe. Abantu abo baira e Yerusalemu n'e Buyudaaya, buli muntu ng'airayo mu kibuga eky'ewaibwe.

Ensambo 24:11

Owonianga abantu be bali kutwala okwita, era waaloberanga abantu okubaghaluudhania, okuja okubatirimbula.

Omulangirizi 9:10

Buli mulimo gw'okola gukolenga na maani, kuba eyo e magombe y'olija ezira kukola oba okubaayo okulowooza, era ezira kumanha waire okubaayo amagezi.

Danieli 1:6

Mu baisuka abaalondebwa n'omwali Danieli, Hanania, Mishaeli ni Azaria, ab'omu kika kya Yuda.

Danieli 5:13

Agho baaleeta Danieli mu maiso ga kyabazinga. Kyabazinga yaamubuuza ati: “Niiwe Danieli, owundi ku bantu lata wange kyabazinga be yanhaga e Buyudaaya n'abaleeta eno?

Danieli 6:13

Agho baakoba kyabazinga bati: “Danieli oyo, omulala ku bantu abaanhagibwa e Buyudaaya, takutaamu kitiisa iwe Isebantu waire okugondera ekiragiro kye wataaku ekinkumu. Era asaba Katonda we emikuzi esatu buli lunaku.”