Danieli 2:22 - Baibuli Ekibono kya Katonda 2014

²² Ayoleka ebintu eby'ekyama ebitaboneka; yaamanha ebiri mu nzikiiza, era mwene gh'aba n'obutangaavu ghe buba.

Danieli 2:22 Iomraidhean Croise

Amainhama 41:16

Yosefu yaira mu kyabazinga ati: “Isebantu kyabazinga, ti ninze, aye Katonda n'anaakugha okuvuunula okulungi.”

Yobu 12:22

Ayoleka ebigise ebitaboneka, yaamulisa ebiri mu nzikiiza egemye bedimudimu.

Yobu 26:6

E magombe ezira kikwekeibwa ku Katonda; abona byonabyona ebiri mu kifo ekyo eky'okuzikirira.

Zabbuli 104:2

weebwika obutangaavu ng'oti kivaalo, era waayandhuluza eigulu ng'oti weema.

Zabbuli 25:14

Musengwa Katonda aba mukagwa w'abo abamutya, era akakasa endagaano ye nabo.

Zabbuli 36:9

Kuba niiwe oli n'ensulo ey'obulamu, era mu butangaavu bwo mwe tubonera obutangaavu bwene.

Omulangirizi 8:1

Naani atuuka ku muntu omugezi? Naani aidhi okwinhonhola amakulu g'ebintu? Amagezi galeetera omuntu okumoga obulungi, yaalekera n'okwenhiinkaala mu maiso.

Isaia 41:22

Mwidhe mutukobere ebiribaagho, tumanhe bukalamu ghe biribeeragho. Mutukobere n'ebyabita, mutwinhonhole n'amakulu gaabyo, tubirowoozeeku tumanhe ekiribivaamu.

Isaia 41:26

Naani ku imwe eyalangaku nga bukaali ati kino kiribaagho, olwo tusobole okumanha nga yali mutuufu? Ghazira waire omulala ati ku imwe eyakirangiriraku, oba okubaagho omuntu eyawuliraku nga mukyogeraku.

Isaia 42:9

Bona, ebintu bye nalangirira eira biibyo bituukiriire. Mpegaano nja kubakobera ebiyaaka, nga bikaali na kutoolera kubaagho.”

Isaia 45:7

Ninze ndeetagho obutangaavu era ninze ndeetagho n'enzikiiza; ninze ndeetagho enkabi era ninze ndeetagho n'akabi. Nze Musengwa Katonda, ninze nkola ebyo byonabyona.

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Danieli 2:11

Isebantu kyabazinga, ekyo ky'oli kutukoba okukola kikalangufu inho era ghazira muntu asobola kukikukobera, okutoolaku bakatonda bonka. Aye ate bakatonda abo tibaba mu ife, ife abantu obuntu.”

Danieli 2:19

Obwire obwo Katonda yaayoleka Danieli ekyama ekyo mu kubonekerwa. Era Danieli oyo yaasaaka Katonda ow'eigulu,

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 5:11

Mu bwakyabazinga bwo mulimu omusaadha aliku omwoyo ogwa bakatonda abatukuvu. Mu biseera bya lata wo kyabazinga Nebukadinezzari, omusaadha oyo yeeyoleka okuba omuntu alengera eghala, ng'ali n'okutegeera, era ng'ali n'amagezi agali ng'oti n'aga bakatonda. Era kyabazinga Nebukadinezzari oyo lata wo, yaamufuula okuba omukulu ow'abalaguzi, abasamize, ab'amaghembe, n'abo abeetegereza ebiri ku igulu.

Danieli 5:14

Nawulira nga bakwogeraku bati oliku omwoyo gwa bakatonda abatukuvu, era bati weeyoleka okuba omuntu alengera eghala, ng'ali n'okutegeera, era ng'ali n'amagezi agabitiriire.

Matayo 13:13

Kale ni ndhogera nabo mu nfumo kuba babona aye tibabona, bawulira aye tibawulira waire okutegeera.

Yoanne 1:9

Nga kino n'ekimuliikirira kyenekyene, ekyali nga kiri kwidha mu nsi okumuliikirira abantu boonaboona.

Yoanne 21:17

Kabiri Yesu yaamubuuza omukuzi ogwokusatu ati: “Simoni mutabane wa Yoanne, ongonza?” Petero yaanakughala olwa Yesu okumubuuza omukuzi ogwokusatu ati: “Ongonza?” Era yaamukoba ati: “Musengwa, oidhi byonabyona, oidhi nga nkugonza.” Yesu yaamukoba ati: “Liisanga entaama dhange.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

Ab'Efeso 3:5

Mu byanda eby'eira ghazira muntu yeenayeena eyamanhisibwaku ku kino mu nsambo oti n'eno Mwoyo y'akyolekamu Abatume be n'abalanzi be abatukuvu.

Amateeka Agokubiri 29:28

Musengwa Katonda ng'aidhwire obusungu era ng'ali n'ekiruyi ekibitirivu, yabasiguukulula mu nsi yaibwe, yaabasuula mu nsi eyindi n'okutuusa mpegaano.’ ”

1 Timotheo 6:16

Ni yenka atafa era aba mu butangaavu obutaseetekaku, ghazira yaali amuboine, era ghazira aghanga kumubona. Aisibwengamu ekitiisa era afugenga ebyanda n'ebyanda. Amiina.

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

1 Yoanne 1:5

Bye twawulira okuva y'oyo era bye tubakobera ni bino: Katonda butangaavu era aziramu nzikiiza yoonayoona.