Danieli 2:21 - Baibuli Ekibono kya Katonda 2014

²¹ Aleetera enaku n'ebiseera okukyukakyuka, yaataagho era yaatoolagho bakyabazinga. Aleetera abantu okuba n'amagezi, era yaabaleetera okuba n'okutegeera.

Danieli 2:21 Iomraidhean Croise

1 Bakyabazinga 10:24

Abantu ab'omu nsi yoonayoona baayendanga okwidha aghali Solomoni oyo, okuwulira ebibono eby'amagezi ge, Katonda ge yamugha.

1 Bakyabazinga 3:28

Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

1 Bakyabazinga 4:29

Katonda yaagha Solomoni amagezi n'okutegeera mu nsambo eswikiriire, era n'obwongo obungi ng'oti musenho gwa ku mbali kwa nhandha.

1 Ebyomubyanda 22:12

Era nsaba inho Musengwa Katonda wo akughenga amagezi n'okutegeera, oghange okufuganga Isiraeli ng'ojiira ku Mateeka ge.

1 Ebyomubyanda 29:30

Ebighandiiko ebyo byogera ku bufuzi bwe nga bwe bwali, n'amaani ge yali nago, n'ebintu byonabyona ebyamutuukaku n'ebyatuuka ku Isiraeli, ni ku bwakyabazinga bwonabwona obw'ensi edhiriiraine agho.

Yobu 12:18

Avaalulula bakyabazinga ebivaalo eby'ekitiisa yaabafuula abairu, yaabasiba ebikerebetu.

Okuvaayo 31:3

Naamugha ku maani gange, naamugha obusobozi, n'amagezi, n'obumanhi, era naamugha okutetenkania n'okuyiiya.

Okuvaayo 31:6

Era naamulonderaku Oholiabu mutabane wa Ahisamaka ow'ekika kya Dani. Era naagha ekitone eky'obusobozi abo boonaboona abakozi ab'amagezi, baghange okukola ebyo byonabyona bye ndi kulagira okukola.

Danieli 1:17

Katonda yaagha abaisuka abo abana okwega n'okukuguka mu mpandiika edha buli nsambo, ni mu magezi aga buli nsambo. Ate Danieli yaamwongeraku okutegeera ebibaagho mu kubonekerwa, n'okuvuunula ebirooto.

Danieli 10:1

Mu mwaka ogwokusatu nga kyabazinga Kuro n'afuga Perusia, Katonda yaayoleka Danieli, ye baamutuuma eriina Beluteshazzari, obukwenda. Obukwenda obwo bwali bwa mazima aye nga bukalangafu inho okubutegeera. Aye yaamala yaabutegeera nga babumwinhonhoire mu kubonekerwa.

Danieli 11:6

Nga ghabiseeghooku emyaka, kyabazinga wa Misiri alitaagho enkolagana ni kyabazinga wa Siria. Era olw'okunhweza enkolagana eyo alighaayo mughala we, aje afumbirwe kyabazinga wa Siria oyo. Aye obufumbo obwo tibulighangaala naire. Omughala oyo aliitibwa ghalala n'iba, n'omwana we, n'abagheereza abaliba bamugherekeireku boonaboona. Aye mu kiseera ekyo,

Danieli 2:20

ng'akoba ati: “Katonda asaakibwenga ebyanda n'ebyanda, oyo ni mwene magezi era ow'amaani.

Danieli 2:23

Wo Katonda wa badhaadha bange, nze nkwebaza era naakusaaka; kuba wampa amagezi n'amaani. Era ni mpegaano omanhiisa kye tukusabye, waatwoleka eky'okukobera kyabazinga.”

Danieli 2:9

eky'okubabonereza mwenamwena, bwe mutankobere kirooto kye naloose. Mweteesiisa okwogeranga eby'obuguya ebitali bituufu ye ndi, nga musuubira muti ebiseera bwe binaaja nga bibitagho ebintu biidha kukyuka. Kale ni munkobere ekirooto ekyo, olwo mmanhe nga musobola okunkobera amakulu gaakyo.”

Danieli 4:14

Malaika oyo yaayogera mu mamiro ag'amaani ati: ‘Temagho omuti ogwo, oguwaawuleku ensaga n'amakaba, era ogutooleku ebibala obisansaaniesansaanie. Olwo ensolo edhibairenga ghansi ghaagwo dhirumukegho, n'enhonhi edhibairenga ku nsaga dhaagwo dhije.

Danieli 4:17

Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Danieli 4:22

“Isebantu kyabazinga, niiwe omuti ogwo. Wakula era waaba wa maani, ekitiibwa kyo kyeyongera kyatuuka ku igulu, n'obufuzi bwo bwatuuka ensi y'ekanga.

Danieli 4:32

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Luka 21:15

Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

Ab'e Roma 13:1

Kiisi muntu agonderanga abafuzi, kuba ghazira bufuzi butava wa Katonda era abafuzi abaligho baateebwagho Katonda.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”