Danieli 2:2 - Baibuli Ekibono kya Katonda 2014

² Agho yaalagira bamwetere abalaguzi, n'abasamize, n'abalogo, n'ab'amaghembe, baidhe bamukobere eby'ekirooto kye. Kale baidha baayemerera agho mu maiso ge.

Danieli 2:2 Iomraidhean Croise

Amainhama 41:8

Enkyo yeeraliikirira, kale yaayetesa abalaguzi boonaboona n'abakugu mu kuvuunula ebirooto boonaboona ab'omu Misiri, yaabakobera ebirooto bye. Aye ghaabulagho omuntu waire omulala ati, eyali asobola okumuvuunulira amakulu gaabyo.

Okuvaayo 7:11

Agho kyabazinga yaayetesa abasaadha be abagezigezi n'abalogo, boona baakozesa obulogo bwaibwe baakola ekintu n'ekirala.

Isaia 19:3

Ndivuyavuya entegeka dh'Abamisiri, naabaleetera okuwaamu amaani. Balyebuuza ku misambwa, ni ku balogo, ni ku balaguzi, ni ku b'amaghembe.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Danieli 1:20

Kiisi kibuuzo kyabazinga kye yababuuzanga nga kigema ku magezi ni ku kutegeera, ng'abana abo basingira ghala emikuzi ikumi abalaguzi boonaboona n'abasamize abaali mu bwakyabazinga bwe bwonabwona, okukiiramu.

Danieli 1:4

Abaisuka abo baali n'okuba nga baziraku kikyamu kyonakyona, nga baboneka bulungi, nga bali n'obukugu mu bye bakola, nga bagezi, nga beega mangu, era nga basobola okugheereza mu kisaagaati kya kyabazinga. Era baali n'okusomesebwa empandiika n'endhogera ey'olulimi Olubabilonia.

Danieli 2:10

Baamwiramu bati: “Isebantu kyabazinga, ghazira muntu waire omulala ati ku nsi kuno asobola kukola ekyo ky'oyenda tukole. Era tebangayooku kyabazinga k'abe mukologho oba wa bukumu, akobangaku balaguzi, na basamize, na ba maghembe, kintu ng'oti n'ekyo.

Danieli 2:27

Danieli yairamu ati: “Isebantu kyabazinga, ekyo ekyama ky'oli kubuuza, ghazira bagezigezi basobola kukikukobera, waire abasamize, oba abalaguzi, oba abo abeetegereza ebiri ku igulu.

Danieli 3:8

Mu kiseera ekyo ghaabaagho Abababilonia, baidha baaseegha Abayudaaya aye nga bali kubaghaayiriza bughaayirize.

Danieli 4:3

Obumanhiso bwe nga bukologho! Ebyewuunhio bye nga bya maani! Obwakyabazinga bwe bwa kubaagho byanda na byanda, era aja kufuganga abantu ense n'ense.

Danieli 4:6

Kale naagha ekiragiro bandhetere abagezigezi boonaboona ab'omu Babiloni, baidhe bankobere amakulu g'ekirooto ekyo.

Danieli 5:7

Yaayasiikana yaayetesa abalaguzi, abasamize, ab'amaghembe, n'abo abeetegereza ebiri ku igulu. Abagezigezi abo ab'omu Babiloni bwe baatuuka, kyabazinga yaabakoba ati: “Omuntu yeenayeena anaasoma ekighandiiko ekyo, n'ankobera amakulu gaakyo, baidha kumuvaaza engoye edh'erangi ya nakasooma, bamute n'omukuufu ogwa zaabu mu nkoto, era bamukuze abe omufuzi ow'eidaala eryokusatu mu bwakyabazinga bwange.”

1 Samueli 6:2

Agho Abafilisiti baayeta bakabona n'abalaguzi, baababuuza bati: “Esanduuku y'Endagaano ya Musengwa Katonda tugikolere ki? Mutukobere kye tunaagiizaayo nakyo, eireyo mu kifo kyayo?”