Danieli 2:18 - Baibuli Ekibono kya Katonda 2014

¹⁸ Era yaabakoba basabe Katonda ow'eigulu abasaasire ku bigema ku kyama ekyo, balobe kwitirwa ghalala n'abagezigezi ab'omu Babiloni.

Danieli 2:18 Iomraidhean Croise

Amainhama 18:28

Aye bwe kiba nga ku bantu abatuufu amakumi ataanu kubulaku abataanu? Bwenebwene onaazikiriza ekibuga ekyo olw'abantu abataanu abo ababuzeeku?” Musengwa Katonda yairamu ati: “Tiidha kukizikiriza bwe nnaayagaanayo abatuufu amakumi ana n'abataanu.”

Zabbuli 136:26

Musiime Katonda ow'eigulu; okugonza kwe tikukoma, kubaagho byanda na byanda.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Isaia 37:4

Kyabazinga w'e Assiria yatuma omukungu we akulira bakungu baine boonaboona okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Ezekieli 36:37

Musengwa Katonda era akoba ati: “Ndiiramu okuganha ab'eighanga Isiraeli, bansaba okubakolera ekintu kyonakyona, era ndibaleetera okweyongera obungi ng'oti n'entaama bwe dheeyongera.

Danieli 2:23

Wo Katonda wa badhaadha bange, nze nkwebaza era naakusaaka; kuba wampa amagezi n'amaani. Era ni mpegaano omanhiisa kye tukusabye, waatwoleka eky'okukobera kyabazinga.”

Danieli 3:17

Bwe kunaaba okutusuula mu muliro, Katonda waife ye tugheereza asobola bukalamu okutuwonia yaatutoola mu kikoomi ekiri kugeigera omuliro, era yaatutoola ni mu buyinza bwo.

Danieli 4:26

Era nga malaika bwe yalagira okulekagho ekikolo eky'omuti ogwo mu itaka, obwakyabazinga bwo baliiramu okubukugha, bw'olimala okwatula oti Katonda n'afuga ensi.

Yona 1:9

Yaabairamu ati: “Nze ndi Muheburayi. Nsinza Musengwa Katonda, Katonda ow'eigulu, eyakola enhandha n'obukalu.”

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”

Matayo 18:12

“Imwe mukibona mutya? Omuntu bw'aba n'entaama dhe ekikumi, memale endala n'ebula, taleka kyenda na mwenda eyo ku nsozi, n'aja n'ayagala eyo ebuze?

Matayo 18:19

“Era ka mbakobere: Ababiri ku imwe bwe baisania ku kintu kye basaba, Lata wange ali mu igulu alikibakolera

Ebikolwa by'Abatume 12:4

Bwe yamala okumugema, yaamuta mu ikomera, yaamugemya ebikunsu bina eby'abaisirukale bana bana bamukuumenga mu ngobo, nga kye yali ayenda n'okumuleeta mu maiso g'abantu nga Ekibinuko eky'Okubitizibwa kiwoire.

Ab'e Roma 15:30

Aboluganda, mbeeghemba ku bwa Musengwa waife Yesu Kurisito era n'olw'okugonza kwa Mwoyo Mutukuvu mweyimbe ghalala ninze mu kunsabira.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.

1 Samueli 17:37

Era Daudi yaakoba ati: “Eyantoola mu nkumu edh'empologoma n'edh'ensolo enkambwe, aidha kuntoola ni mu ngalo edh'Omufilisiti oyo.” Agho Saulo yaakoba Daudi ati: “Kale ja, Musengwa Katonda abe n'iwe.”