Danieli 2:14 - Baibuli Ekibono kya Katonda 2014

¹⁴ Agho Danieli yaaja ye Arioki omukulu w'abaisirukale abaakuumanga kyabazinga, eyali aidhie okwita abagezigezi ab'omu Babilonia. Yaakozesa amagezi n'obwegendereza,

Danieli 2:14 Iomraidhean Croise

Amainhama 37:36

Mu kiseera ekyo, abasuubuzi baali bamaze okutunda Yosefu mu Misiri, nga bamuguziiza Potifari omukungu wa kyabazinga w'e Misiri, era omukulu w'abaisirukale abaakuumanga ekisaagaati kya kyabazinga.

Yeremia 39:9

Agho Nebuzaradani omukulu w'abaisirukale Abababilonia yaatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

Yeremia 52:12

Ku lunaku olweikumi mu mwezi ogwokutaanu, mu mwaka ogweikumi n'omwenda (19) nga kyabazinga Nebukadinezzari n'afuga Babilonia, omukungu akulira abakuumi ba kyabazinga w'e Babilonia ayetebwa Nebuzaradani, yaidha e Yerusalemu.

Yeremia 52:14

Era eigye ery'Abababilonia eryali naye, lyamenhagho ekimante ekyezungulwire Yerusalemu.

Danieli 2:15

yaabuuza Arioki oyo ati: “Kiki ekiviiriireku kyabazinga n'agha ekiragiro ekikambwe kityo.” Arioki yaamwinhonhola bwe byali.

Danieli 2:24

Agho Danieli yaaja ye Arioki, kyabazinga ye yali alagiire okwita abantu abagezigezi ab'omu Babilonia. Yaamukoba ati: “Otazikiriza bantu bagezigezi abo ab'omu Babilonia. Ntwala mu maiso ga kyabazinga mmukobere amakulu g'ekirooto kye yaloota.”