Danieli 2:10 - Baibuli Ekibono kya Katonda 2014

¹⁰ Baamwiramu bati: “Isebantu kyabazinga, ghazira muntu waire omulala ati ku nsi kuno asobola kukola ekyo ky'oyenda tukole. Era tebangayooku kyabazinga k'abe mukologho oba wa bukumu, akobangaku balaguzi, na basamize, na ba maghembe, kintu ng'oti n'ekyo.

Danieli 2:10 Iomraidhean Croise

Isaia 47:13

Abawi b'amagezi b'oli nabo abangi bakumenhera bwereere: oli n'abeetegereza ebiri ku igulu, waaba n'abeekebeedha emuunienie, n'abo abalagula nga bajiira ku kuboneka kw'omwezi. Kale ku lwaki abo tibavaayooku kukuyamba, bakukobere ebirikutuukaku?

Danieli 2:2

Agho yaalagira bamwetere abalaguzi, n'abasamize, n'abalogo, n'ab'amaghembe, baidhe bamukobere eby'ekirooto kye. Kale baidha baayemerera agho mu maiso ge.

Danieli 2:27

Danieli yairamu ati: “Isebantu kyabazinga, ekyo ekyama ky'oli kubuuza, ghazira bagezigezi basobola kukikukobera, waire abasamize, oba abalaguzi, oba abo abeetegereza ebiri ku igulu.

Danieli 3:8

Mu kiseera ekyo ghaabaagho Abababilonia, baidha baaseegha Abayudaaya aye nga bali kubaghaayiriza bughaayirize.

Danieli 4:7

Agho abalaguzi, n'abasamize, n'ab'amaghembe, n'abo abeetegereza ebiri ku igulu, baidha. Nze naabakobera ekirooto kyange, aye amakulu gaakyo gaabalema okunkobera.