Danieli 12:7 - Baibuli Ekibono kya Katonda 2014

⁷ Agho Malaika oyo eyali avaire ebivaalo ebighegheevu era eyali ere omwiga ye gwali guli kuviira, yaagololera emikono gye gyombi y'eigulu. Era naamuwulira ng'ali kulayira Katonda omulamu ebyanda n'ebyanda, ng'akoba ati: “Giriba emyaka esatu n'ekitundu. Abazigu bwebalikiriga abantu ba Katonda okutuusa okubamala amaani, ebintu ebyo byonabyona birituukirizibwa.”

Danieli 12:7 Iomraidhean Croise

Yobu 27:2

“Katonda tambisiisa mu butuufu, era oyo Aghanga Ebintu Byonabyona andeeteire enaku ku mwoyo. Aye era ndi kumulayirira nti:

Isaia 62:12

Mulyetebwa “Bantu batukuvu,” era “Abantu aba Musengwa Katonda abaanunulwa.” N'iwe Yerusalemu olyetebwa “Kibuga Katonda ky'ayenda,” era “Kibuga Katonda ky'atalekulirangaku agho.”

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Ezekieli 20:5

Era obakobe oti nze Musengwa Katonda ndi kubakoba nti: Olunaku lwe neeroboza eighanga Isiraeli, abaana ba Yakobo abo, nabeeyandhulira nga bali mu nsi Misiri, naabamanhisa nti ninze Musengwa Katonda waibwe.

Danieli 10:5

Naja okulinga nti, nga mbona omusaadha ng'avaire engoye empegheevu, era nga yeesibye mu nkende olusibiro lwa zaabu ow'e Ufazi.

Danieli 11:13

“Kyabazinga wa Siria aliirayo yaasoloza eigye erindi einene okusinga lire eryasooka. Era nga ghabiseegho emyaka, aliira n'eigye ery'amaani n'eby'okulwanisa kamaala.

Danieli 12:6

Owundi ku abo yaabuuza malaika ole eyali avaire engoye empegheevu era eyali ere omwiga ye gwali guli kuviira, nti: “Bino ebyewuunhisa biribaagho kutuusa kiseera ki?”

Danieli 12:8

Nze naawulira bye yakoba, aye nga tiri kubitegeera. Kale n'okumubuuza nti: “Musengwa wange, kiki ekiriva mu ebyo byonabyona?”

Danieli 4:31

Aye yali akaayogera, amamiro gaawulikika nga gava mu igulu gaakoba gati: “Kyabazinga Nebukadinezzari ndi kukukobera nti obwakyabazinga bukutooleibwaku.

Danieli 4:34

Agho kyabazinga Nebukadinezzari yaakoba ati: “Ekiseera ekyo nga kiwoireku, nze Nebukadinezzari nalinga ghaigulu ku igulu, nairamu okutegeera obukalamu. Agho neebaza oyo Ali Ghaigulu Yeene, naamusaaka era naamugha ekitiisa, oyo omulamu ebyanda n'ebyanda. Kuba obwakyabazinga bwe bwa byanda na byanda, era obufuzi bwe bulibaagho ense n'ense.

Danieli 7:21

Nali nkeerolera eiyiga eryo, lyatanula olutalo ku batukuvu ba Katonda era lyabaghangula.

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Danieli 8:14

Ole yairamu ati: “Okumala enaku enkumi ibiri na bisatu (2,300) enkyo n'eigulo, memale eisinzizo litukuzibwe.”

Danieli 8:24

Aliba wa buyinza inho, aye ng'obuyinza obwo ti bubwe ku bubwe. Alireetagho okuzikirira okutiisa einho era byonabyona by'alikola birimujiira bukalamu. Alizikiriza abantu ab'amaani, n'abantu ba Katonda abatukuvu.

Luka 21:14

Mukite mu myoyo gyaimwe obuteetegekera kya kwiramu ng'ekiseera kikaali.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Amateeka Agokubiri 26:19

memale olwo abafuule bakologho okusinga amaghanga agandi goonagoona ge yatonda abantu babasaakenga era babatengamu ekitiisa, nga muli bamanhifu, era mubeerenga irala ighanga lya Musengwa Katonda nga bwe yasuubiza.”

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.

Amateeka Agokubiri 32:40

Ngololera omukono gwange y'eigulu, naalayira nti: ‘Nga bwendi omulamu ebyanda n'ebyanda,

Amateeka Agokubiri 7:6

Kuba muli ighanga lya Musengwa Katonda waimwe. Yabalondamu okuba eighanga lye erirye ku bubwe mu maghanga goonagoona agali ku nsi.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

Okwolekebwa 12:14

Aye omukazi yaagheebwa amaghagha abiri ag'enkookooma emba, aguluke aje mu irungu mu kifo ye baali baja okumulabirira okumala entangama ey'emyaka esatu n'ekitundu, ng'ogusota tigumutuukaku.

Okwolekebwa 12:6

Omukazi yaalumukira mu irungu mu kifo Katonda kye yali amaze okumutegekera, bamulabirire eyo okumala entangama ya nnaku lukumi na bibiri na nkaaga (1,260).

Okwolekebwa 13:5

Ekisolo kyagheebwa omunwa, kyesaakasaaka era kyavuma Katonda era kyaikirizibwa okuba n'obuyinza okumala emyezi amakumi ana n'ebiri (42).

Okwolekebwa 4:10

ng'abakulembeze amakumi abiri n'abana (24) beeyala mu maiso g'oyo atyaime ku kityamo eky'obwakyabazinga, baamusinza oyo omulamu ebyanda n'ebyanda. Era engule dhaibwe baadhiisa gha mberi gh'ekityamo nga bakoba bati:

Okwolekebwa 4:9

Ebitonde ebiramu ebyo byaghanga ekitiisa oyo atyaime ku kityamo eky'obwakyabazinga omulamu ebyanda n'ebyanda, nga bimusaaka era nga bimweyanza. Bwe byabanga nga bikola bityo,