Danieli 12:6 - Baibuli Ekibono kya Katonda 2014

⁶ Owundi ku abo yaabuuza malaika ole eyali avaire engoye empegheevu era eyali ere omwiga ye gwali guli kuviira, nti: “Bino ebyewuunhisa biribaagho kutuusa kiseera ki?”

Danieli 12:6 Iomraidhean Croise

Zabbuli 74:9

Titukaabona bumanhiso bwaife obutukuvu, abalanzi baawaagho ira era ghazira aidhi bino ghe birikoma.

Ezekieli 9:2

Naja okulinga nti, nga mbona abasaadha mukaaga nga bali kuviira mu mulyango ogw'eisinzizo ogw'eitale, ogulingiriire ku luuyi olw'omukono omugooda olw'e buvandhuba. Buli muntu yali agemye mu ngalo ky'aja okwitisa. Baali n'omuntu owundi eyali avaire engoye empegheevu, era ng'ali n'ebintu eby'okughandiikisa. Abantu abo boonaboona bangira, baayemerera gha mbali gh'alutaari ey'ekyuma eky'ekikomo.

Danieli 12:5

Ebyo nga biwoire, naja okulinga nti nga mbona abantu abandi babiri nga beemereire ku mbali okw'omwiga, owundi ng'aguli ku luuyi olw'eno n'owundi yaaguba ku luuyi olw'ere.

Danieli 12:8

Nze naawulira bye yakoba, aye nga tiri kubitegeera. Kale n'okumubuuza nti: “Musengwa wange, kiki ekiriva mu ebyo byonabyona?”

Danieli 8:13

Agho naawulira omutukuvu mulala ng'ali kwogera. Era omutukuvu owundi yaabuuza ole eyayogera ati: “Ebyo ebiboneibwa mu kubonekerwa biribaagho kutuuka li? Ebigheebwayo ebyokebwa ebya buli lunaku birimala kiseera ki nga bikaali kwizibwagho? Okwonoona kulizikiriza ensi kutuuka li? Eigye ery'omu igulu n'eisinzizo birityankirirwa kutuuka li?”

Danieli 8:16

Naawulira amamiro ag'omuntu nga gava ghagati mu mwiga Ulai, gaayeta gati: “Gaburieli, kobera omusaadha oyo amakulu g'ebyo by'aboine.”

Matayo 24:3

Bwe yali ng'atyaime ku Lusozi olw'Emiti Emyoliva, Abeegeresebwa baidha y'ali mu kyama, baakoba bati: “Tukobere ebyo biribaagho li, era kiki ekiriba akamanhiso ak'okwidha kwo, n'okufundikira okw'ebyanda?”

Mariko 13:4

“Tukobere, ebyo biribaagho li, ate era kamanhiso ki akalitumanhisa nga bino byonabyona biri kumpi okutuukirira?”

Ab'Efeso 3:10

Mperaano ng'abita mu Kikunsu ky'Abaikiriza mu Kurisito, Katonda ayenda amanhise abafuzi n'ab'obukumu abali mu igulu amagezi ge agatakoma.

1 Petero 1:12

Katonda yayoleka abalanzi abo ng'ebyo tibaabikola ku lwaibwe beene, aye ku lwaimwe. Ebintu ebyo n'ebyo bye mwawulira nga bibakoberwa abo abaabakobera Amawulire Amalungi. Bwe baali nga babakobera Amawulire Amalungi ago, Katonda yasindika Mwoyo Mutukuvu okuva mu igulu, yaidha okubalamba. Ni bamalaika beegomba okubona ku bintu ebyo.

Okwolekebwa 15:6

Bamalaika omusanvu abaali n'ebibamba omusanvu baafuluma mu isinzizo eryo. Baali bavaire ebivaalo ebyamule ebimirimiinha, nga beesibye mu bifuba ensibiro dha zaabu.

Okwolekebwa 19:14

Amagye ag'omu igulu gaamunonereza, ng'abaisirukale bali kuvuga embalaasi endheru era nga bavaire ebivaalo ebyeru, ebyamule, era ebighegheevu.

Okwolekebwa 6:10

Baayasiikana bati: “Wo Musengwa Aghanga Ebintu Byonabyona, omutukuvu era ow'amazima, olisalira li abantu ab'oku nsi omusango okubasinga, n'obeesasuulizaaku olw'okutwita?”