Danieli 12:4 - Baibuli Ekibono kya Katonda 2014

⁴ Agho yankoba ati: “Mperaano ni, iwe Danieli, wumbaku ekitabo ekyo okisibeku n'akamanhiso, okutuusa ku kiseera eky'enkomerero. Abantu kamaala balizungira eno n'ere nga benda okwongera ku bumanhi bwaibwe.”

Danieli 12:4 Iomraidhean Croise

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 29:11

Amakulu goonagoona agali mu kubonekerwa, gabafuukiire ng'oti n'ekitabo kye basibyeku akamanhiso ekitasoboka kuwumbululwa naire. Bw'okitwalira ole aidhi okusoma, n'omukoba oti: “Nsomeraamuuku,” airamu ati: “Tisobola, kuba bakisibyeku akamanhiso, tikisoboka kuwumbululwa.”

Isaia 30:26

Ku lunaku Musengwa Katonda lw'alinhigiraku ebinuubule n'ebibwa by'abantu be, n'abawonia enguma dhe yabataaku, omwezi gulyaka ng'oti ndhuba. Ate okwaka kw'endhuba kulyeyongeramu amaani emikuzi musanvu ng'okwaka okw'omu lunaku olulala kuli ng'oti kwa nnaku musanvu.

Isaia 32:3

Amaiso gaibwe galibonanga ebizibu by'abantu, n'amatu gaibwe gaawulirisanga ebibaluma.

Isaia 8:16

Imwe abeegeresebwa bange mugumire ku bye mbasikiriire era mukalangukire ku bye mbeegereisa.

Yeremia 5:1

Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

Danieli 10:1

Mu mwaka ogwokusatu nga kyabazinga Kuro n'afuga Perusia, Katonda yaayoleka Danieli, ye baamutuuma eriina Beluteshazzari, obukwenda. Obukwenda obwo bwali bwa mazima aye nga bukalangafu inho okubutegeera. Aye yaamala yaabutegeera nga babumwinhonhoire mu kubonekerwa.

Danieli 10:14

Ndidhie okukuyamba otegeere ebirituuka ku bantu bo ye bwidha kuba bye wabona mu kubonekerwa, byakubaagho mu biseera eby'oluvainhuma.”

Danieli 10:21

Aye ndidha kukukobera ebyaghandiikibwa mu kitabo ekirimu eby'amazima. Ezira anhambaku kulwanisa bamalaika abo, okutoolaku Mikaeli, malaika oyo omukuumi w'ensi yaimwe Isiraeli.

Danieli 11:33

Abakulembeze abagezi mu ighanga balyegeresa abantu kamaala baaba bategeevu, waire nga ghalibitagho ekiseera ng'abandi ku bakulembeze abo baitibwa mu ntalo, abandi baayokebwa omuliro baafa, abandi baatwalibwa mu bunhage, n'abandi baanhagibwaku ebyaibwe.

Danieli 11:40

“Ekiseera eky'enkomerero eya kyabazinga wa Siria bwe kiriba nga kiri kumpi kutuuka, kyabazinga w'e Misiri alimulumba. Era kyabazinga wa Siria oyo aliziinhuuka okuja okumulwanisa ng'oti n'empewo eyeezungulula n'amaani bw'eidha. Alikozesa ebigaali eby'omu lutalo, n'abalwani ab'oku mbalaasi, n'amaato kamaala. Aliidha n'eigye lye eryo, lyalumba ensi kamaala nga liri kubanda bubande ng'oti n'amaadhi ag'omwidhuzo, era lyataalaalira mu nsi edho.

Danieli 12:13

“Kale ni iwe Danieli, gema engira yo oje, osigale ng'oli mwesigwa okutuusa ku nkomerero. Era waire olifa, olimala waazuukira wagheebwa empeera yo mu kiseera eky'oluvainhuma.”

Danieli 12:5

Ebyo nga biwoire, naja okulinga nti nga mbona abantu abandi babiri nga beemereire ku mbali okw'omwiga, owundi ng'aguli ku luuyi olw'eno n'owundi yaaguba ku luuyi olw'ere.

Danieli 12:9

Yandhiramu ati: “Danieli, gema engira yo oje, kuba ebintu ebyo biidha kukuumibwa nga bya kyama era bikwekebwe okutuusa ku kiseera eky'enkomerero.

Danieli 8:17

Kale Gaburieli yaaseeta ghe nali nhemereire. Bwe yaidha naatya inho, naakuba amakiryaivu era naakutama n'ekyeni kyatuuka ku itaka. Yankoba ati: “Iwe omuntu obuntu, tegeera ng'okubonekerwa okwo kugema ku biseera bya nkomerero ya nsi.”

Danieli 8:19

Yankoba ati: “Bona, nja kukwoleka ebiribaagho Katonda ng'asungughaire. Okubonekerwa okwo kw'oboine kugema ku biseera ebyategekebwa okuba eby'enkomerero y'ensi.

Danieli 8:26

Era okubonekerwa okugema ku misengo egigheebwayo enkyo n'eigulo kwe nkwinhonhoire, kwidha kutuukirira. Aye iwe kuuma ebiri mu kubonekerwa okwo nga bya kyama, kuba ghaidha kubitagho ekiseera kinene memale bituukirire.”

Matayo 24:14

Era n'Amawulire Amalungi ag'Obwakyabazinga galirangirirwa mu nsi yoonayoona, ng'amazima ag'okudhulirwa amaghanga goonagoona agho ni ng'enkomerero etuuka.

Ab'e Roma 10:18

Aye mbuuza: Kituufu tibaawulira bukwenda? Bwenebwene baabuwulira, ng'ebyaghandiikibwa bwe bikoba biti: “Amamiro gaibwe gaatuuka mu nsi yoonayoona. Ebibono byaibwe byawulirwa ensi y'ekoma.”

Okwolekebwa 10:4

Enkuba bwe dhaatyabuka nali nja kughandiika, aye naawulira amamiro agava mu igulu nga gakoba gati: “Ebyo enkuba omusanvu edhityabwike bye dhikobye bigise nga bya kyama era tobighandiika.”

Okwolekebwa 22:10

Era yankoba ati: “Ebibono by'obulanzi ebiri mu kitabo kino tobigisa mu kyama, kuba ekiseera kiri kumpi ebintu bino bibeegho.

Okwolekebwa 5:1

Naabona enzingo y'ekitabo mu mukono omusaadha ogw'oyo atyaime ku kityamo eky'obwakyabazinga, ng'eghandiikiibwa munda ni ku ngulu era ng'esibiibwaku n'obumanhiso musanvu.