Danieli 12:3 - Baibuli Ekibono kya Katonda 2014

³ Abakulembeze abagezi balimesunkana ng'oti n'okumesunkana okw'oku igulu. N'abo abakyusa abantu ni bakola ebituufu balyakaayakana ng'oti muunienie ebyanda n'ebyanda.”

Danieli 12:3 Iomraidhean Croise

Okuvaayo 34:35

Agho Abaisiraeli baabonanga oluwutu olw'omu maiso ga Musa nga lumesunkana, era Musa yairangamu okweghemba ekitambaala mu maiso okutuusa kabiri lwe yajanga okwogera ni Musengwa Katonda.

Ensambo 11:30

Omuntu omutuufu by'akola bireeta obulamu, aye omuntu akola eby'obukambwe azikiriza obulamu.

Ensambo 3:35

Abagezi baligheebwa ekitiisa, aye abasiru balyeyongera kunhoomebwa.

Ensambo 4:18

Obulamu obw'abatuufu buli ng'oti ndhuba ku nkyo, etoolereza okuvaayo yaaja nga yeeyongera okwaka, okutuuka mu kasana ghagati.

Omulangirizi 12:9

Olw'okuba Omulangirizi yali mugezi, yeeyongeranga okusomesa abantu eby'okumanha. Yeekebeedhanga ensambo, yaadhisengeka bukalamu n'obwegendereza bungi.

Isaia 53:11

Bw'alibona ku ebyo ebiriva mu kudaazibwadaazibwa kwe, alisangaala. Olwo yaamanha nga tiyadaazibwadaazibwa bwereere. Omugheereza wange oyo aneesiimisa, era alyetwika ekibonerezo ky'ebibi eby'abangi, nze naabasonigha ku lulwe.

Yeremia 23:22

Nguli baali bamanhie bye ndowooza mule, bandikobeire abantu bange obukwenda bwange, era baabakyusa baava mu bikolwa byaibwe ebibi ni mu mpisa dhaibwe embi.

Danieli 11:33

Abakulembeze abagezi mu ighanga balyegeresa abantu kamaala baaba bategeevu, waire nga ghalibitagho ekiseera ng'abandi ku bakulembeze abo baitibwa mu ntalo, abandi baayokebwa omuliro baafa, abandi baatwalibwa mu bunhage, n'abandi baanhagibwaku ebyaibwe.

Danieli 11:35

Abandi ku bakulembeze abagezi abo baliitibwa. Olwo okwitibwa kwaibwe okwo kwaleetera abantu okwamulwa, baatukuzibwa era baafuulibwa balongoofu. Ekyo kiribaagho okutuusa ekiseera eky'enkomerero Katonda mwene kye yategeka nga kimaze okutuuka.

Danieli 12:10

Abantu kamaala balinaazibwa, baatukuzibwa era baizibwa buyaaka. Aye ababi balyeyongera bwa kukola bibi, era ezira waire omulala ati ku babi abo alitegeera. Aye abagezi balitegeera.

Matayo 13:43

Abo abatuufu balimesunkana oti ndhuba mu Bwakyabazinga bwa Iseibwe. Ali n'amatu awulire.

Matayo 19:28

Yesu yaabakoba ati: “Bwenebwene ka mbakobere mu kiseera eky'okwiza byonabyona obuyaaka, ng'Omwana w'Omuntu atyaime ku kityamo kye eky'ekitiisa, imwe abaanonereza mwena mulityama ku bityamo ikumi n'abiri mwafuga ebika eikumi n'ebibiri ebya Isiraeli.

Matayo 24:45

“Naani omugheereza omulungi era omugezi? Oyo musengwa we ye yalekera ab'omu maka ge okubaghanga emere yaibwe mu kiseera ekituufu?

Yoanne 4:36

Akungula, asasulwa, era yaasoloza ebibala by'obulamu obutawaagho. Olwo ni, asimba n'akungula bombi baasagambira ghalala.

Yoanne 5:35

Yoanne yali ng'oti itaala eryaka ni limulisa, aye okumulisa kwe kwabasangaazaaku kaseera buseera.

Ebikolwa by'Abatume 13:1

Mu Kikunsu ky'Abaikiriza mu Kurisito eky'omu Antiokia mwalimu abalanzi n'abeegeresa: Barunaba ni Simeoni, eyayetebwanga Omwirugavu, Lukio ow'e Kurene, Menayeni eyakulira aghalala n'omufuzi Herode, ni Saulo.

1 Ab'e Korintho 3:10

Nga nkozesa ekirabo Katonda kye yampa, nataagho omusingi ng'omuzimbi omukugu, era omuntu owundi kw'ali kuzimbira. Kale buli azimbaku yeegendereze ensambo y'azimbiraku.

Ab'Efeso 4:11

Era n'oyo eyagha abandi okuba abatume, abandi okuba abalanzi, abandi okukobera abantu Amawulire Amalungi, abandi okulabirira abantu ba Katonda, n'abandi okuba abeegeresa.

Abaheburayi 5:12

Waire nga buti mwandibaire nga muli beegeresa, aye ate mukaayenda omuntu okubeegeresa ebyo ebiinhamirwaku mu kwega ekibono kya Katonda. Mukaayenda mata buta ng'oti n'abaana abato, mu kifo ky'emere yeene.

2 Petero 3:15

Mukitwale ng'okuguminkiriza kwa Musengwa kuligho lwa imwe kulokolebwa. Atyo muganda waife omugonzi Paulo bwe yabaghandiikira mu magezi Katonda ge yamugha.

Okwolekebwa 1:20

Gano n'amakulu amagise ag'emuunienie omusanvu dh'oboine mu mukono gwange omusaadha, n'ebikondo eby'entaala omusanvu ebya zaabu: Emuunienie omusanvu, ni bamalaika ab'Ebikunsu eby'Abaikiriza mu Kurisito omusanvu, ate ebikondo eby'entaala omusanvu, n'Ebikunsu eby'Abaikiriza mu Kurisito omusanvu.

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.