Danieli 12:2 - Baibuli Ekibono kya Katonda 2014

² Era bangi ku abo abali e magombe abaafa balizuukira, abandi baliba mu bulamu obutawaagho ate abandi baaba mu kuswazibwa n'okunhoomebwa okutakoma.

Danieli 12:2 Iomraidhean Croise

Ensambo 12:8

Omuntu ali n'amagezi abantu bamwogeraku bukalamu, aye ole ali n'ebirowoozo ebyakyama bamunhooma.

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Isaia 66:24

Bwe balibanga bavaayo, baliringanga ku mirambo egy'abantu abandheemera, kuba enhengere edhibalya tidhirifa, n'omuliro ogubookya tigulizikira, era baliba kyenhinhalwa eri abantu boonaboona.”

Yeremia 20:11

Aye iwe Musengwa Katonda oli ku luuyi lwange, era oli ng'oti mulwani wa maani atatuukikaku. Abo abankiriga tibaidha kumpangula. Baidha kuswala ebitaloodheka, kuba tibaidha kunsobola. Era okuswala kwaibwe okwo, abantu tibalikwerabira byanda na byanda.

Ezekieli 37:12

Kale ni langa obakobe, oti nze Musengwa Katonda ndi kubakoba nti: Imwe abantu bange, ndisandukula amagombe gaimwe, imwe naabatoolamu naabaiza eka mu nsi yaimwe Isiraeli.

Hosea 13:14

Tirinunula bantu bano kubatoola mu magombe, waire okubawonia okufa. Iwe Okufa, ebibamba by'osindikira abantu biri gha? Iwe Amagombe, okuzikiriza kwo kuli gha? Nze tikaali na kusaasira naire.

Matayo 25:46

Ng'olwo bano baja ku kibonerezo ekitawaagho, aye abatuufu nga baja mu bulamu obutawaagho.”

Ebikolwa by'Abatume 24:15

Ndi n'eisuubi mu Katonda ng'abo beene bwe bali nalyo, ng'abalungi n'ababi balizuukira.

Ebikolwa by'Abatume 7:60

Yaakuba amakiryaivu, yaaleekaana ati: “Musengwa ekibi kino tokibavunaana.” Bwe yamala okwogera atyo yaafa.

Ab'e Roma 9:21

Omuwumbi ti wa idembe okukola ky'ayenda mu itosi? Tasobola kutoola ku itosi eirala eryo, erindi n'aliwumbamu ekibya eky'ebbeeyi, n'erindi n'aliwumbamu ekibya ekyabuliidho?

1 Ab'e Thessalonika 4:14

Nga bwe twikiriza nga Yesu yafa memale yaazuukira, era tutyo bwe twikiriza nga Katonda aliiza ghalala ni Yesu abo abaafa nga bamwikiriza.

Okwolekebwa 20:12

Naabona abafu, abakulu n'abato, nga beemereire mu maiso g'ekityamo ekyo eky'obwakyabazinga. Ebitabo byawumbululwa. Era n'ekitabo ekindi kyawumbululwa, ekitabo eky'obulamu. Abafu baasalirwa omusango okuva ku bye baakola, ebyaghandiikibwa mu bitabo.