Danieli 12:1 - Baibuli Ekibono kya Katonda 2014

¹ Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Danieli 12:1 Iomraidhean Croise

Zabbuli 56:8

Iwe oidhi nga bwendaazibwadaazibwa einho, n'amaziga ge naakalira ogaidhi. Byonabyona biri mu kitabo kyo.

Zabbuli 69:28

Amaina gaibwe ka gasasibwe mu kitabo eky'obulamu; gatoolebwe mu lukalala olulimu abatuufu.

Isaia 4:3

Kiisi muntu yeenayeena aliba ng'asigairegho mu Sioni, ng'alondeibwa okusigala nga mulamu mu Yerusalemu, alyetebwa mutukuvu.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 30:7

Tukagwireku! Olunaku olutiisa einho luli kwidha, era ezira lundi lw'olugerangeraniaku. Luliba lwa bulumi ku bantu bange, aye balirubitamu baabaagho.”

Ezekieli 13:9

Nja kubabonereza imwe abalanzi abafuna okubonekerwa okw'obulimba era abalanga eby'obuguya. Timulityama mu lwekobaano lwa bantu bange, waire okughandiikibwa mu kitabo eky'ab'eighanga lya Isiraeli. Era timuliirayo mu nsi yaimwe Isiraeli naire. Olwo mulimanha nga ninze Musengwa Katonda.

Ezekieli 34:24

Nze Musengwa Katonda mwene ninze ndiba Katonda waadho, n'omugheereza wange ali ng'oti ni Daudi yaaba omufuzi waadho. Nze Musengwa Katonda ninze nkobye.

Ezekieli 5:9

Era olw'ebyenhinhalwa byonabyona bye mukola, ndibakola kye ntakolangaku era kye ntaliirayo kukola kabiri.

Danieli 10:13

Malaika omukuumi w'obwakyabazinga bw'e Perusia yamala enaku amakumi abiri na lulala (21) nga tali kunganha kwidha, okutuusa Mikaeli owundi ku bamalaika abakulu bwe yaidha n'anhamba. Naamala naamulekayo eyo ng'ali ghalala ni bakyabazinga b'e Perusia.

Danieli 10:21

Aye ndidha kukukobera ebyaghandiikibwa mu kitabo ekirimu eby'amazima. Ezira anhambaku kulwanisa bamalaika abo, okutoolaku Mikaeli, malaika oyo omukuumi w'ensi yaimwe Isiraeli.

Danieli 11:45

Alisimba weema dhe enkologho edh'obwakyabazinga, ghagati gh'enhandha n'olusozi olutukuvu oluliku eisinzizo. Aye ate alituuka okufa nga ghazira n'amuyamba.”

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Danieli 9:12

Otuukiriiza ekyo kye watwesoomera okutukola ife n'abafuzi abatufuga waatutuusaaku akabi akataloodheka, kuba wabonereza Yerusalemu ekibitiriire okusinga ebibuga ebindi byonabyona ebiri ghansi gh'eigulu.

Yoeli 2:2

Luliba lunaku nga lwa kifu era nga lwa kazigizigi, olwidhwire ebire ebyereere ku igulu n'enzikiiza agemye bedimudimu! Eigye eikologho ery'enzige liiryo liri kwidha, nga libuutikiire ensozi ng'oti nzikiiza. Tighabangaghooku nzige dhaaga n'edho bungi, era tidhiribaagho kabiri ebyanda n'ebyanda.

Malaki 3:16

Agho abantu abaalaga nga batya Musengwa Katonda, baayogeramuuku beene na beene. Musengwa Katonda yaabawulirisa era yaawulira bye baakoba. Era agho mu maiso ga Musengwa Katonda oyo, ghaabaagho ekitabo ekyaghandiikibwamu amaina g'abo abaalaga nga bamutya era nga bamutaamu ekitiisa.

Matayo 24:21

kuba ghalibaagho okudaagadaaga okw'amaani, nga tikubangaghooku kutyo okuva ku mainhama ag'ensi, okutuuka buti, era okutaja kubaagho kabiri.

Mariko 13:19

“Kuba mu nnaku edho mulibaamu ebibonoobono ebitabangaghooku okuva Katonda lwe yatonda ebitonde n'okutuusa mperaano, era ebitalibaagho.

Luka 10:20

Aye mutasangaala olw'okuba emizimu gibawulira, musangaale olw'okuba amaina gaimwe gaaghandiikibwa mu igulu.”

Ab'e Roma 11:15

kuba oba nga ekya Katonda okubalekulira agho kyaleetera ensi okwizaagho omukago ni Katonda, memale okwizibwa kwaibwe tikulireeta bulamu okuva mu kufa!

Ab'e Roma 11:26

Olwo ni Isiraeli yeenayeena alirokolebwa nga bwe kyaghandiikibwa kiti: “Omulokozi aliva mu Sioni, oyo n'alitoola baidhukulu ba Yakobo mu kwonoona kwaibwe.

Ab'Efeso 1:21

n'afuga obufuzi, n'obukumu, n'amaani eby'omu ibbanga. Era mumanhe ng'ali n'ekitiisa ekisinga ebitiisa byonabyona, ti mu byanda bino byonka aye ni mu biriiragho.

Ab'e Filippi 4:3

Era weena mukozi munange omwesigwa nkweghemba oyambe abakazi abo, kuba baakola inho ninze mu kusansaania Amawulire Amalungi. Era nga batyo bwe baali ni Kelementi, era ni bakozi banange abandi, beene maina agali mu kitabo kya Katonda eky'obulamu.

Yuda 1:9

Ate nga ni bw'aba Mikaeli omukulu wa bamalaika, tiyakola ekyo bwe yali ali kukaayana ni Sitaani, nga bakaayanira omulambo gwa Musa; tiyakana n'akozesa bibono bivuma ng'asalira Sitaani omusango, okutoolaku okumukoba ati: “Katonda akubonereze.”

Okwolekebwa 1:5

Era ni Yesu Kurisito, omudhulirwa omwesigwa, omuberi mu kuzuukira, era afuga bakyabazinga ab'oku nsi, yeena akole atyo. Kurisito oyo atugonza era eyatunaazaaku ebibi byaife n'omusaayi gwe,

Okwolekebwa 12:7

Agho obulwa bwatanukagho mu igulu. Mikaeli ni bamalaika be, baalwanisa ogusota. Ogusota gwona gwabalwanisa ni bamalaika baagwo.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 20:12

Naabona abafu, abakulu n'abato, nga beemereire mu maiso g'ekityamo ekyo eky'obwakyabazinga. Ebitabo byawumbululwa. Era n'ekitabo ekindi kyawumbululwa, ekitabo eky'obulamu. Abafu baasalirwa omusango okuva ku bye baakola, ebyaghandiikibwa mu bitabo.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 3:5

Oyo aghangula, alivaazibwa ebivaalo ebyeru, era tirisasa liina lye mu kitabo kya bulamu, aye ndiryatula mu maiso ga Lata, n'aga bamalaika be.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.