Danieli 11:8 - Baibuli Ekibono kya Katonda 2014

⁸ Alinhaga ebifaananie bya bakatonda baibwe eby'ekyuma ekisaanuusiibwa, yairayo nabyo e Misiri ghalala n'ebintu bye bakozesa mu isinzizo eby'omughendo, ebya feeza ni zaabu. Alibisaagho emyaka nga talumba kyabazinga wa Siria.

Danieli 11:8 Iomraidhean Croise

Amainhama 31:30

Ndidhi nti wayendanga inho okuja, kuba ng'olumirwa inho endhu ya lata wo. Aye lwaki waiba emisambwa gyange egy'omu maka?”

2 Samueli 5:21

Abafilisiti baalumuka, baaleka n'agho ebifaananie byaibwe bye baasinzanga. Daudi n'abasaadha be baabitwala.

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Isaia 2:16

Alisaaniagho amaato goonagoona ag'e Tarushishi, yaasaaniagho n'ebintu byonabyona ebyakolebwa ebisanhusa okubona.

Isaia 37:19

Baayokya emisambwa gy'amaghanga ago, mu butuufu egitaali Katonda, aye ebifaananie obufaananie abantu bye baakola n'emikono gyaibwe mu miti ni mu mabaale. Ekyo n'ekyaleetera emisambwa egyo okuzikirizibwa.

Yeremia 46:25

Musengwa Katonda Afuga Amagye, Katonda wa Isiraeli, akoba ati: “Nja kubonereza Amoni katonda ow'ekibuga Thebesi, ghalala n'ensi Misiri yoonayoona ni bakatonda baayo, era ni bakyabazinga baayo. Nja kutoola kyabazinga wa Misiri n'abo abamwesiga,

Danieli 10:3

Nga tirya mere nungi, oba okulya emamba, oba okunhwa omwenge ogw'emizabbibu, waire okwesiiga ebizigo, okumala wiiki edho eisatu enamba.

Danieli 11:9

Nga ghabiseegho emyaka egyo, kyabazinga wa Siria alirumba kyabazinga w'e Misiri, aye yaamala yairayo mu nsi ye.

Hosea 13:15

Abaisiraeli ni bwe baliba nga n'abali obulungi mu baganda baibwe, nze Musengwa Katonda ndisindika empewo yange ey'e buvandhuba eva mu irungu, yaidha yaakaza ensulo dhaibwe n'emiiga gyaibwe. Era erikokoobya ebintu byaibwe eby'omughendo byonabyona bye baatereka.

Hosea 8:6

Omuisiraeli omugheesi n'eyakola ekifaananie ekyo, aye nga ekifaananie ekyo ti Katonda. Kale ni kirimenhebwamenhebwa kyasigala bukutukutu.

Okubala 33:4

Baalekanga ng'Abamisiri bali kuziika abaana baibwe ababeri, Musengwa Katonda be yaita n'ayoleka nga bw'ali n'obuyinza okusinga emisambwa gyaibwe.

Amateeka Agokubiri 12:3

Mumenhemenhengagho alutaari dhaibwe, mutemetemenga empango dha bakatonda baibwe edh'amabaale, mwokyeyokyenga ebifaananie ebibaadhe eby'omusambwa gwaibwe omukazi Ashera, era mwasaageyasaagenga ebintu byaibwe bye basinza ebitali Katonda, byerabirirwenga irala ku nsi.

Abalamuzi 18:24

Mika yairamu ati: “Muntoireku emisambwa gyange gye nakola, mwantoolaku ni kabona wange, mwatwala. Kiki kye nsigaizaagho? Olwo nga mumbuuza muti, ‘Kiki ekikutuuseeku?’ ”