Danieli 11:45 - Baibuli Ekibono kya Katonda 2014

⁴⁵ Alisimba weema dhe enkologho edh'obwakyabazinga, ghagati gh'enhandha n'olusozi olutukuvu oluliku eisinzizo. Aye ate alituuka okufa nga ghazira n'amuyamba.”

Danieli 11:45 Iomraidhean Croise

Zabbuli 48:2

Sioni olusozi lwa Katonda luleeyiriri era luboneka bulungi; ekibuga kya kyabazinga omukologho kisanhusa ensi yoonayoona.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 14:13

Wakobanga mule oti, ‘Ndidha kuniina mu igulu nte eyo ekityamo kyange eky'obwakyabazinga ere ghaigulu gh'emuunienie dha Katonda. Ndidha kutyama ku lusozi emisambwa lwe gyesolokezaaku, eyo eghala ku luuyi olw'omukono omugooda olw'e buvandhuba.

Isaia 2:2

Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 65:25

Omusege n'entaama ento biidha kuliiranga ghalala, empologoma eryenga isubi ng'oti nte, n'omusota gulyenga enkungu nga n'emere yaagwo. Ku Sioni olusozi lwange olutukuvu, tikulibaaku kintu kituusa ku kiinaakyo bulumi, waire okukizikiriza. Nze Musengwa Katonda, ninze nkobye.”

Isaia 66:20

Baliiza baganda baimwe boonaboona nga babatoola mu maghanga goonagoona, baabaleeta ng'ekigheebwayo eri nze Musengwa Katonda, ku lusozi lwange olutukuvu Yerusalemu. Balibaleetera ku mbalaasi, ku nhumbu, ku ngamiya, ku bigaali eby'omu lutalo, ni ku bigaali ebindi, ng'oti n'Abaisiraeli bwe baleeta ebigheebwayo eby'emere ey'empeke mu isinzizo nga babitaire mu bintu ebirongoofu ebireeterwamu.

Ezekieli 39:2

Ndikukyusa naakulingiriza eruuyi, naakutoolayo eyo eghala einho ku luuyi olw'omukono omugooda olw'e buvandhuba, naakutwala okulwanisa ensozi edh'omu Isiraeli.

Danieli 11:16

Olwo kyabazinga wa Siria aliba ng'alumbye, alikola nga bw'ayenda nga ghazira amulobera naire. Alyemerera mu Nsi ey'Ekitiisa, era ensi eyo yoonayoona eriba mu buyinza bwe.

Danieli 11:41

Alirumba n'Ensi ey'Ekitiisa, yaita enkumi n'enkumi edh'abantu. Aye ensi dhino dhirimuwona: ey'Abaedomu, n'ey'Abamoabu, n'ekitundu ekisinga bunene eky'ensi ey'Abammoni.

Danieli 11:44

Aye amawulire agaliva e buvandhuba ni ku luuyi olw'omukono omugooda olw'e buvandhuba galimutiisa inho, yaalwana n'obusungu bungi, yaita era yaasaaniagho abantu kamaala.

Danieli 2:35

Agho mu kiseera kyene ekyo, ekyuma ekigumu einho, n'eitosi, n'ekyuma eky'ekikomo, ni feeza, ni zaabu, byonabyona byamanhiangukira ghalala. Byafuuka ng'oti musinsi oguba mu bifo aghakubirwa engaano mu biseera eby'ekyeya. Empewo yaabifuuwa okubimaliriragho, ghaabulagho n'akamanhiso akalaga nga bibaireghooku. Aye eibaale eryakuba ekiwumbe ekyo lyafuukamu olusozi olukologho olwabuna ensi yoonayoona.

Danieli 7:26

Aye ghalibaagho okutyama mu igulu okumusalira omusango, obufuzi bwe baabumutoolaku era baamuzikiriza okumumaliragho irala.

Danieli 8:25

Alikozesa olugezigezi lwe yaatuukiriza enkwe dh'ayenda okukola. Alyekudumbazanga era yaazinduukirizanga abantu kamaala nga tibeetegeike yaabazikiriza. Alituuka n'okulwanisa Kyabazinga asinga mu bakyabazinga boonaboona. Aye mwene talizikirizibwa na maani ga bantu buntu.

Danieli 9:16

Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

Danieli 9:20

Agho neeyongera okusaba, n'okwatula ebibi byange n'eby'abantu bange Abaisiraeli, n'okweghemba Musengwa Katonda wange, nga mmusaba aizeegho ekitiisa ky'olusozi lwe olutukuvu.

Yoeli 2:20

Ndidha kutoolagho eigye ery'enzige edhaava ku luuyi olw'omukono omugooda olw'e buvandhuba. Edhindi ndidha kudhibingira mu irungu ezira bantu: edho edhiri mu bikunsu ebikulembeiremu ndidha kudhisindika mu Nhandha Eyomuunhu. Ate edho edhiri mu bikunsu eby'einhuma ndidha kudhisindika mu Nhandha Eyaghagati. Ndidhizikiriza olw'ebibi bye dhaabakola, era emirambo gyadho giriwunha inho.

Mika 4:2

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Zekaria 14:8

Mu kiseera ekyo amaadhi amalungi galikuuluula nga gava mu Yerusalemu. Galyegabamu ghabiri agandi gaaja mu nhandha eri e buvandhuba, ate agandi gaaja mu nhandha eri e bugwandhuba. Galikuuluula omwaka gwonagwona nga tigalekera, ka bibe ebiseera eby'akasana oba eby'ekiinhogogo.

Okubala 34:5

Ensalosalo eyo eidha kukyukanga okuva mu Azimoni, esimbire ku kaiga ak'e Misiri, era ekomenga ku Nhandha Eyaghagati.

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

2 Ab'e Thessalonika 2:8

Olwo ni ng'Omubi Isaababi oyo yeeyoleka. Aye Musengwa Yesu lw'aliidha aja kumwita n'omuuka gwe ogw'omu kanwa, era aja kumuzikiriza n'okumesunkana okw'okwidha kwe.

Okwolekebwa 13:10

Kiisi muntu eyategekerwa okunhagibwa, alitwalibwa mu bunhage. Era kiisi muntu eyategekerwa okwitibwa empiima, alifa mpiima. Agho ni abatuukirivu bateekwa okuba n'okwikiriza era n'okuguminkiriza.

Okwolekebwa 20:2

Yaagema ogusota ogunene ogw'eira ogumanhiibwa ng'Omukemi era Sitaani, yaagusibira emyaka lukumi (1,000) ku ludhegere,

Okwolekebwa 20:9

Balisaatuukira mu nsi yoonayoona, baazingiza enkambi y'abatuukirivu, n'ekibuga kya Katonda ekigonzi. Aye omuliro guliika nga guva mu igulu, gwabazikiriza