Danieli 11:43 - Baibuli Ekibono kya Katonda 2014

⁴³ Alitoola eby'obukombe bya Misiri ebyaterekebwa, omuli zaabu, ni feeza, n'eby'omughendo ebindi. Era alighangula Libya ni Ethiopia.

Danieli 11:43 Iomraidhean Croise

2 Ebyomubyanda 12:3

Yaidha n'eigye nga liri n'ebigaali eby'omu lutalo lukumi na bibiri (1,200), n'abalwani ab'oku mbalaasi emitwalo mukaaga (60,000), n'abaisirukale abandi abatasoboka kubalika olw'obungi, nga n'omuli Abalibiya, n'Abasukki, n'Abaethiopia.

Okuvaayo 11:8

Musa yaamaliriza ng'akoba ati: “Era bano abakungu bo boonaboona baidha kwidha ye ndi bankubire amakiryaivu nga bakoba bati, ‘Tukweghembye va muno n'abantu bo boonaboona.’ Era olwo ndidha kuva muno.” Agho Musa, nga yeenayeena aidhwire obusungu, yaava aghaali kyabazinga.

Ezekieli 38:5

Abalwani ab'e Perusia, n'ab'e Ethiopia, n'ab'e Puti, boona baliba ghalala nabo, nga boonaboona bagemye engabo era nga bavaire enkoofiira edh'ekyuma.

Danieli 11:42

Bw'alirumba ensi edho dhoonadhoona, n'ensi Misiri yoona terimuwona.

Danieli 11:44

Aye amawulire agaliva e buvandhuba ni ku luuyi olw'omukono omugooda olw'e buvandhuba galimutiisa inho, yaalwana n'obusungu bungi, yaita era yaasaaniagho abantu kamaala.

Nahumu 3:9

Nga n'ekifuga Misiri ni Ethiopia aghazira kukoma. Era ng'ensi Puti ni Libya dhikiiruukirira.

Abalamuzi 4:10

Baraki yaayeta ab'ekika kya Nafutali n'ekya Zebuluni. Agho abasaadha omutwalo mulala baamunonereza, ni Debora yeena yaaja naye.