Danieli 11:4 - Baibuli Ekibono kya Katonda 2014

⁴ Aye oyo bw'alimala okwenhweza mu buyinza, obwakyabazinga bwe balibumenhagho era baabwawulamu mu ndhuyi eina edhiri ghansi gh'eigulu. Tibalibugha ba izaire lye, waire okubufuga n'obuyinza nga bwe yali nabwo; kuba obwakyabazinga bwe balibusalasalamu bwatwalibwa abantu abandi abatali ba izaire lye.

Danieli 11:4 Iomraidhean Croise

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Omulangirizi 4:8

Ghabaagho omuntu aziraku mwana oba muganda we, aye nga buli kiseera ayenda kweyongera kufuna bya bukombe. Nga tiyeebuuzaaku ati: “Ndi kufaabiikanira ani, ni ndoba okwesanhusa?” Ekyo kyona kiziramu muganhulo, era kireeta n'enaku.

Yeremia 12:15

Aye bwendimala okubatoola mu nsi dhaibwe, ndiiramu okubagemerwa ekivunika, naiza buli ighanga mu kiketezo kyalyo ni mu nsi yaalyo.

Yeremia 12:17

Aye eighanga lyonalyona eritalingondera nja kulitoola mu nsi yaalyo, ng'oti n'omuntu bw'aiwululagho ekisimbe n'emizi gyakyo. Era nja kulizikiriza. Nze Musengwa Katonda, ninze nkobye.”

Yeremia 18:7

Bwe nkoba nti nja kwiwululagho, mmenhegho era nzikirize eighanga oba obwakyabazinga,

Yeremia 31:40

Ekiiko kyonakyona kye baziikamu abafu era kye basuulamu n'ebikaba, n'enimiro dhoonadhoona okutuuka ku kaiga Kiduroni n'okutuuka ku gwetebwa Omulyango ogw'Embalaasi mu buvandhuba, biidha kubanga byange era nga bitukuvu. Ekibuga tikiriiramu kabiri kumenhebwagho waire okuzikirizibwa.”

Yeremia 45:4

“Aye nze Musengwa Katonda nkoba nti, ndi kumenhamenhagho kye nazimba era ndi kwiwululagho kye nasimba. Era nja kukola ntyo ensi eno yoonayoona.

Yeremia 49:36

Ndireeta kiwunga yaakunta mu nsi Elamu ng'ava ku ndhuyi dhoonadhoona. Olwo naasansaaniza abantu baayo ku ndhuyi dhoonadhoona, okutuusa nga mu buli nsi mulimu abalumukiireyo.

Ezekieli 37:9

Agho Musengwa Katonda yankoba ati: “Iwe omuntu, langa okobe omuuka oti nze Musengwa Katonda ndi kugulagira guve ku ndhuyi dhoonadhoona, gwidhe gufuuwe ku mirambo gy'abantu bano abaitibwa, bairemu okuba abalamu.”

Danieli 7:2

Yakoba ati: Mu kubonekerwa kwange kwe nafuna obwire, naja okulinga nti nga mbona empewo ng'eri kuva ghaigulu ku ndhuyi dhoonadhoona, yaasiikuula enhandha enkologho.

Danieli 7:6

Nali nkaalingirira ekyo, okuja okubona ng'eri kuvaayo ekisolo ekindi ekifaanana ng'oti mpala. Kyali n'amaghagha ana agali ng'oti ga nhonhi ku mugongo gwakyo, era nga kiri n'emitwe ena. Ekisolo ekyo baakigha obuyinza okufuga.

Danieli 7:8

Nali nkeerolera amayiga ago, okuja okulinga nti nga mbona akayiga akatono nga kali kukukunuka okuva mu ago eikumi. Era kaamala kaighagho amayiga asatu ku ago eikumi agaasookagho. Akayiga ako kaaliku amaiso ng'oti ga muntu, era kaabaaku n'omunwa nga guli kwogera eby'okwesuutasuuta.

Danieli 8:22

Amayiga ana agaameze mu kifo kya lire eirala eryamenheike, gategeeza obwakyabazinga obuna obuliidhagho nga bule obwa Bugureki bugabaniziibwamu. Aye obwakyabazinga obwo obuna tibuliba bwa maani ng'oti ni bule obwasooka.

Danieli 8:8

Embuzi enume eyo yeeyongera okwekudumbaza ekibitiriire. Aye bwe yali ekeeragalaga nga bw'eri n'amaani amangi, eiyiga lyayo eikologho lyamenheka. Mu kifo kyalyo ghaakukunukagho amayiga agandi agaboneekerera ana, nga gasonse mu ibbanga ku ndhuyi eina edh'ensi.

Zekaria 2:6

Musengwa Katonda akoba ati: “Imwe bantu bange! Musitukiremu mulumuke, muve mu nsi eyo eri ku luuyi olw'omukono omugooda olw'e buvandhuba, ye nabasansaaniza ku ndhuyi dhoonadhoona ng'oti n'empewo ey'oku igulu.

Zekaria 6:5

Yandhiramu ati: “Ebyo biri kuja ku ndhuyi eina edhiri ghansi gh'eigulu, era byakamala okuva ghale mu maiso ga Musengwa Katonda ow'ensi yoonayoona.”

Matayo 12:25

Yesu bwe yamanha bye balowooza yaabakoba ati: “Obwakyabazinga bwonabwona omuzira kwisania buzikirira era n'ekibuga oba amaka omuzira kwisania, tibisobola kubaagho.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Okwolekebwa 7:1

Ebyo bwe byawa, naabona bamalaika bana, nga beemereire ku nsonda eina edh'ensi, nga bagemereire empewo eina edh'ensi dhirobe kufuuwa ku nsi, ni ku nhandha, waire ku muti gwonagwona.