Danieli 11:37 - Baibuli Ekibono kya Katonda 2014

³⁷ Kyabazinga oyo talifaayo ku bakatonda ba badhaadha be, waire okufaayo ku katonda abakazi ye basinza, oba okufaayo ku katonda owundi yeenayeena; kuba alyekudumbaza ng'alowooza ati n'abasinga boonaboona.

Danieli 11:37 Iomraidhean Croise

Amainhama 3:16

Yaakoba omukazi ati: “Ndidha kwongeranga obulumi bungi mu biseera byo ng'oli nda; mu bulumi mw'onaazaaliranga abaana. Ate nga oidha kwendanga inho okuba aghali balo, era aidhanga kukufuga.”

Amainhama 3:5

Katonda yakoba atyo kuba aidhi nga bwemulirya ku muti ogwo, amaiso gaimwe galizibuka, mwaba ng'oti ni mwene, mwamanha obulungi n'obubi.”

Olwembo 7:10

Omugonzi wange oyo, nze ndi wuwe, era yeena ayenda nze.

Isaia 14:13

Wakobanga mule oti, ‘Ndidha kuniina mu igulu nte eyo ekityamo kyange eky'obwakyabazinga ere ghaigulu gh'emuunienie dha Katonda. Ndidha kutyama ku lusozi emisambwa lwe gyesolokezaaku, eyo eghala ku luuyi olw'omukono omugooda olw'e buvandhuba.

Isaia 14:14

Ndidha kuniina neeruupe okubisa n'ebire, mbeere irala ng'oti n'ole Ali Ghaigulu Yeene.’

Ezekieli 24:16

“Iwe omuntu, bona, onaaja okutemya n'okuzibula nga nkutoire ku maiso oyo asinga okukusanhusa. Aye otalira, oba okuwowoola, oba okutoonhia eiziga waire eirala liti.

Ezekieli 28:2

“Iwe omuntu, kobera omufuzi ow'e Tiro oti nze Musengwa Katonda ndi kumukoba nti: Olw'okwekudumbaza kw'oli nakwo, weeyeta katonda. Okoba oti niiwe otyama ku kityamo kya bakatonda, eyo ghagati mu nhandha. Ate nga oli muntu buntu toli katonda naire, waire nga weetwala okuba ng'oli katonda mulamba.

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 11:38

Mu kifo eky'okuta mu bakatonda abo ekinhagansi, ekinhagansi ekyo alikita mu katonda akuuma ebifo eby'okwewogomamu, badhaadha be ye bataamanhaku naire. Alighaayo ye katonda oyo ebigheebwayo ebya zaabu, ni feeza, n'amabaale ag'omughendo, n'ebintu ebindi eby'omughendo.

Danieli 8:11

Keekudumbaza inho, kaatuuka n'okwesonsa ku Mulangira akulira amagye ag'omu igulu. Kaalekera agho okumugha ebigheebwayo ebyokebwa ebya buli lunaku, kaayonoona n'eisinzizo lye.

Amateeka Agokubiri 21:11

memale iwe n'obonamu omukazi omulungi, n'oyenda okumubayiza,

Amateeka Agokubiri 5:21

“ ‘Muteegwanizanga baka beene. Muteegwanizanga ndhu dha bantu bandi, waire enimiro dhaibwe, waire abairu baibwe abasaadha oba abakazi, waire ente dhaibwe, oba endogoyi, oba ekintu ekindi kyonakyona eky'omuntu owundi.”

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

1 Timotheo 4:3

Abo n'abalobera abantu okubayiza oba okubayira, era ni babalobera eby'okulya ebindi Katonda bye yagha abaikiriza era abaidhi amazima, okubiryanga nga bamweyanza.