Danieli 11:36 - Baibuli Ekibono kya Katonda 2014

³⁶ “Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 11:36 Iomraidhean Croise

Zabbuli 136:2

Musiime Katonda owa bakatonda boonaboona; okugonza kwe tikukoma, kubaagho byanda na byanda.

Zabbuli 33:10

Amaghanga bwe geekobaana, Musengwa Katonda yaagalemya; abantu bwe bategeka ebyaibwe Musengwa Katonda abitabulatabula.

Ensambo 19:21

Omuntu ategeka by'anaakola mu mwoyo gwe, aye Musengwa Katonda ky'asalagho n'ekibaagho.

Isaia 10:23

Bwenebwene Musengwa Katonda Afuga Amagye aja kuleeta okuzikirira mu ighanga lyonalyona, nga bwe yategeka okukola.

Isaia 10:25

kuba akaseera kasigaireyo katono inho, ndekere agho okubabonereza imwe, obusungu bwange mbwolekeze beene, mbazikirize.

Isaia 10:5

Musengwa Katonda yaakoba ati: “Assiria, n'omwigo gwe ngema nga nsungughaire, gwe nkozesa okubonereza abo be ndiku n'ekiruyi.

Isaia 14:13

Wakobanga mule oti, ‘Ndidha kuniina mu igulu nte eyo ekityamo kyange eky'obwakyabazinga ere ghaigulu gh'emuunienie dha Katonda. Ndidha kutyama ku lusozi emisambwa lwe gyesolokezaaku, eyo eghala ku luuyi olw'omukono omugooda olw'e buvandhuba.

Isaia 14:14

Ndidha kuniina neeruupe okubisa n'ebire, mbeere irala ng'oti n'ole Ali Ghaigulu Yeene.’

Isaia 26:20

Mwidhe imwe abantu bange, mwingire mu ndhu dhaimwe, mweigalize mwegise omwo okumala akaseera, okutuusa obusungu bwa Katonda lwe buliwaagho.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Isaia 57:9

Mwebbaaka ebizigo n'obuwoowo kamaala, mwaja okusinza omusambwa Moleki. Era olw'okwenda einho okufuna bakatonda bye musinza, musindika abakwenda baimwe baaja eyo eghala einho. Mwatuuka n'okubasindika baje ghansi mu magombe.

Ezekieli 28:2

“Iwe omuntu, kobera omufuzi ow'e Tiro oti nze Musengwa Katonda ndi kumukoba nti: Olw'okwekudumbaza kw'oli nakwo, weeyeta katonda. Okoba oti niiwe otyama ku kityamo kya bakatonda, eyo ghagati mu nhandha. Ate nga oli muntu buntu toli katonda naire, waire nga weetwala okuba ng'oli katonda mulamba.

Ezekieli 35:13

Era naawulira ebibono byaimwe ebibi kamaala bye mwandhogeraku n'eminwa gyaimwe nga muli kuneekudumbalizaaku.”

Danieli 11:16

Olwo kyabazinga wa Siria aliba ng'alumbye, alikola nga bw'ayenda nga ghazira amulobera naire. Alyemerera mu Nsi ey'Ekitiisa, era ensi eyo yoonayoona eriba mu buyinza bwe.

Danieli 11:3

“Olwo ghalisitukagho kyabazinga ow'amaani alifuga ekiketezo ekinene einho, era nga ky'ayenda ky'akola.

Danieli 11:37

Kyabazinga oyo talifaayo ku bakatonda ba badhaadha be, waire okufaayo ku katonda abakazi ye basinza, oba okufaayo ku katonda owundi yeenayeena; kuba alyekudumbaza ng'alowooza ati n'abasinga boonaboona.

Danieli 12:7

Agho Malaika oyo eyali avaire ebivaalo ebighegheevu era eyali ere omwiga ye gwali guli kuviira, yaagololera emikono gye gyombi y'eigulu. Era naamuwulira ng'ali kulayira Katonda omulamu ebyanda n'ebyanda, ng'akoba ati: “Giriba emyaka esatu n'ekitundu. Abazigu bwebalikiriga abantu ba Katonda okutuusa okubamala amaani, ebintu ebyo byonabyona birituukirizibwa.”

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Danieli 5:19

Era olw'okuba yamugha okuba omukologho, ekyo kyaleetera abantu boonaboona, abava mu maghanga goonagoona, era aboogera enimi dhoonadhoona, okumutyanga n'okudhugumiranga mu maiso ge. Oyo ye yayendanga okwita ng'amwita, ate ye yayendanga okulekagho ng'akaali mulamu ng'amulekagho ng'akaali mulamu. Oyo ye yayendanga akugha ekitiisa ng'akimugha, ate ye yayendanga okukimutoolaku ng'akimutoolaku yaamuleetera okunhoomebwa.

Danieli 5:20

Aye bwe yatoolera okwekuluntaza, n'akalangusa omwoyo gwe nga takaagondera biragiro, Katonda oyo yaamutoola ku kityamo kye eky'obwakyabazinga, era yaamutoolaku n'ekitiisa kye yali nakyo.

Danieli 7:8

Nali nkeerolera amayiga ago, okuja okulinga nti nga mbona akayiga akatono nga kali kukukunuka okuva mu ago eikumi. Era kaamala kaighagho amayiga asatu ku ago eikumi agaasookagho. Akayiga ako kaaliku amaiso ng'oti ga muntu, era kaabaaku n'omunwa nga guli kwogera eby'okwesuutasuuta.

Danieli 8:19

Yankoba ati: “Bona, nja kukwoleka ebiribaagho Katonda ng'asungughaire. Okubonekerwa okwo kw'oboine kugema ku biseera ebyategekebwa okuba eby'enkomerero y'ensi.

Danieli 8:4

Naabona entaama eyo ng'eri kulumba yaafula mu biketezo eby'oku luuyi olw'e bugwandhuba, ni mu by'oku luuyi olw'omukono omugooda olw'e buvandhuba, ni mu by'oku luuyi olw'omukono omusaadha olw'e buvandhuba. Ghaabulagho ensolo yoonayoona eyasobola okugirwanisa, waire okubaagho asobola okugirekuza ekintu ekiri mu buyinza bwayo. Nga buli ky'eyenda ky'ekola, era nga yeekudumbazakudumbaza.

Zekaria 11:16

kuba, bona eno, ndi kutaagho mu nsi eno omwayi w'entaama atafaayo ku edho edhiri kuzikirira, oba okwagala edho edhiri kutambulatambula eyo dhityo. Era ataidhandhaba edho edhighenhera, waire okutwala edho edhikaali enamu aghali eisubi dhirye. Aye aligho okulya obulye emamba y'edho ensavu, n'alya n'amabbonge.

Yoanne 5:30

“Tisobola kukola kintu kyonakyona ku bwange; nsala omusango nga bwempulira aghazira kusaliriza, kuba tinuyirira kukola nga bwe nhenda aye nga Lata eyantuma bw'ayenda.

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Ebikolwa by'Abatume 4:28

Baakola, ebyo bye watereeza mu maani go n'amagezi go nga biri n'okubaagho.

Amateeka Agokubiri 10:17

kuba Musengwa Katonda waimwe, ni Katonda afuga bakatonda boonaboona, era ni Musengwa Katonda afuga basengwa boonaboona. Musengwa Katonda oyo, n'omukologho era ow'amaani ali n'okutiibwa. Tasaliriza era talya nguzi.

2 Ab'e Thessalonika 2:3

Ghatabangagho muntu yeenayeena abaguya mu nsambo yoonayoona, kuba olunaku olwo tiruja kutuuka okutuusa ng'okudheema okusembayo kumaze okutuuka, n'omuntu Omubi Isaababi ow'okuzikirira ng'amaze okweyoleka.

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.

2 Ab'e Thessalonika 2:8

Olwo ni ng'Omubi Isaababi oyo yeeyoleka. Aye Musengwa Yesu lw'aliidha aja kumwita n'omuuka gwe ogw'omu kanwa, era aja kumuzikiriza n'okumesunkana okw'okwidha kwe.

Yoshua 22:22

“Ow'amaani ni Katonda! Oyo ni Musengwa Katonda! Aidhi lwaki twakola ekyo era twenda mwena mukimanhe. Bwe tuba nga twadheema era nga tituli beesigwa eri Musengwa Katonda, mutwite tulobe kwongera kuba balamu.

Okwolekebwa 10:7

Aye mu nnaku edho malaika owomusanvu mw'alifuuyira eigwala lye, olwo Katonda alituukiriza ekyama kye nga bwe yakobera abagheereza be abalanzi.”

Okwolekebwa 12:14

Aye omukazi yaagheebwa amaghagha abiri ag'enkookooma emba, aguluke aje mu irungu mu kifo ye baali baja okumulabirira okumala entangama ey'emyaka esatu n'ekitundu, ng'ogusota tigumutuukaku.

Okwolekebwa 13:1

Agho naabona ekisolo ekikukunuka mu nhandha. Kyali n'emitwe musanvu n'amayiga ikumi; ku buli iyiga nga kuliku engule ate ku buli mutwe nga kuliku eriina erivuma Katonda.

Okwolekebwa 17:17

kuba Katonda yabaleetera mu myoyo gyaibwe, okukola kye yategeka nga baisa kirala, baagha ekisolo obukumu bwaibwe n'okufuga kwaibwe, okutuusa ebibono bya Katonda lwe birituukirira.

Okwolekebwa 17:3

Agho mu Mwoyo, malaika yantwala mu irungu, naabona omukazi ng'atyaime ku kisolo ekya kasaayisaayi. Kyali kiidhwire amaina agavuma Katonda, era nga kiri n'emitwe musanvu, n'amayiga ikumi.