Danieli 11:24 - Baibuli Ekibono kya Katonda 2014

²⁴ Alirumba abantu b'omu biketezo ebisingamu kuba na bukombe, nga tibeetegeike naire. Era alikola ebintu ba ise ni badhaadha be bye bataakola. Yaagabania mu bantu be abamwikiririzaamu, omunhago ogw'ebintu n'ogw'abantu gw'alinhaga mu ntalo. Alikola entegeka okulumba ebifo eby'okwewogomamu, aye ekiseera kye kiriwaaku mangu.

Danieli 11:24 Iomraidhean Croise

Nehemia 9:25

Abaidhukulu abo baanhaga ebibuga ebyezungulwirwa ebimante ebigumu baatoola eitaka eigimu n'endhu edhiidhwire ebintu ebirungi; baatoola ensulo ensime, amasamba ag'emizabbibu, n'ag'emiti emyoliva, n'ag'emiti egindi egy'ebibala kamaala. Kale baalyanga baigutanga era baageedha, beesanhukiza ku birungi ebingi bye wabagha.

Ensambo 17:8

Abantu abakozesa enguzi bagyesiga ng'oti bulezi, era bagyesiguliraku bati ezira ky'eremwa.

Ensambo 19:6

Abantu kamaala benda okukwana omuntu ow'ekitiisa, era buli muntu yeegomba abe mukagwa w'omuntu omugabi.

Ensambo 23:7

Kuba, nga bw'alowooza munda, ni ku ngulu bw'ali. Akukoba ati: “Lya era onhwe,” aye ng'omwoyo gwe gukuziraku.

Ezekieli 34:14

Ndidhaayiranga aghali eisubi eirungi, ere ku nsozi endeeyi edh'omu Isiraeli. Dhiririiranga eyo eisubi eigimu mu byayiro ebirungi, dhaawuumuliranga n'eyo ku nsozi edh'omu Isiraeli.

Ezekieli 38:10

Musengwa Katonda era akoba, ati: “Ku lunaku olwo ebidhuubo biriidha mu mwoyo gwo, waategeka okukola akabi,

Danieli 11:23

Alirimbalimba abamaghanga agandi yaakola nabo endagaano, era yaafuuka wa maani, waire nga mwene aliba afuga kasi katono.

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Okubala 13:20

Era mubone oba eitaka lyayo igimu oba ikalukalu, era oba kuliku emiti oba kuzira. Era mufube okuleeta ku bibala byayo.” Ebiseera ebyo byali bya mizabbibu ghe gisookereza okwenza.

Matayo 9:4

Aye Yesu yategeera ebidhuubo byaibwe, yaakoba ati: “Lwaki muba n'ebidhuubo ebibi bityo?

Abalamuzi 9:4

Baamugha ebitundu bya feeza nsanvu, bye baatoola mu isabo lya Baali Berithi. Empiiya edho, Abimeleki dhe yakozesa okupangisa abasaadha abazira kye bagasa naire era ababbamu, abaamunonereza.