Danieli 11:21 - Baibuli Ekibono kya Katonda 2014

²¹ Agho malaika yaayongera okwinhonhola ati: “Kyabazinga wa Siria aliiragho mu kifo ky'oyo, aliba muntu anhoomebwa era atagwanira kuba kyabazinga naire. Alirebereza abantu, yaabalimbalimba, yaabaikirizisa nga tibaidhi, baaja okweidhuukiriza ng'afuuse kyabazinga.

Danieli 11:21 Iomraidhean Croise

Zabbuli 12:8

Buli gh'olinga obona abakozi b'ebibi abatambula, era abantu bakibona ng'okukola ekibi kintu kya ghaigulu.

Zabbuli 15:4

Anhooma abo abatasanhusa Musengwa Katonda, aye yaata ekinhagansi mu abo abatya Musengwa Katonda. Atuukiriza bye yeeyamye, ni bwebimufiiriza takyusaamu.

Zabbuli 55:21

Ng'akozesa olulimi olw'okwewooya, ate nga mu mwoyo gwe mwidhwire nzigu ebibono bye nga biwooma okuwulirisa, aye nga bifumita oti mafumo geene.

Isaia 32:5

Omusiru aliba takaayetebwa ati wa kitiibwa, waire omukupankupania okwetebwa ati wa mazima.

Danieli 11:20

“Ghalisitukagho kyabazinga owundi yaasikira oyo, era yaatuma omukungu we okuja okubinika abantu emisolo olw'okwenda okukombaghaza obwakyabazinga bwe. Aye mu kiseera ekitali kireeyi kyabazinga oyo balimwita aghazira nkaayana oba olutalo.”

Danieli 11:32

Kyabazinga oyo aliwooyawooya era yaasuutiriza abo abaava eira ku kusinza Katonda. Aye abo abaidhi Katonda waibwe obukalamu, balisigala nga bagumu era beerwanaku.

Danieli 11:34

Mu kiseera ekyo ng'okwitibwa kukaaja mu maiso, abantu ba Katonda baliyambibwa katono inho. Era ghaligho abalibeeyimbaku, aye nga baidhwire nkwe.

Danieli 11:7

owundi ku b'oku nda omughala oyo mw'asimuka, alifuuka kyabazinga. Yaaja yaalumba eigye lya kyabazinga wa Siria, yaingira mu kifo kya kyabazinga oyo eky'okwewogomamu, era yaabalwanisa yaabaghangula.

Danieli 4:17

Ekyo n'ekibonerezo ekyasalibwagho, ni kirangirirwa bamalaika abakuumi abatukuvu. Olwo abantu boonaboona eyo ye bali, basobole okumanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha y'ayenda yeenayeena, ni bw'aba nga n'asingamu okuba omuwombeefu mu boonaboona.’ ”

Danieli 7:8

Nali nkeerolera amayiga ago, okuja okulinga nti nga mbona akayiga akatono nga kali kukukunuka okuva mu ago eikumi. Era kaamala kaighagho amayiga asatu ku ago eikumi agaasookagho. Akayiga ako kaaliku amaiso ng'oti ga muntu, era kaabaaku n'omunwa nga guli kwogera eby'okwesuutasuuta.

Danieli 8:23

“Enkomerero y'obwakyabazinga obwo bw'eriba ng'eri kumpi okutuuka, era nga n'abantu babitiriiza inho okukola ebibi, ghaliidhagho kyabazinga amoga obukambwe era omukuyikuyi einho.

Danieli 8:25

Alikozesa olugezigezi lwe yaatuukiriza enkwe dh'ayenda okukola. Alyekudumbazanga era yaazinduukirizanga abantu kamaala nga tibeetegeike yaabazikiriza. Alituuka n'okulwanisa Kyabazinga asinga mu bakyabazinga boonaboona. Aye mwene talizikirizibwa na maani ga bantu buntu.

Danieli 8:9

Ghaabaagho akayiga akatono akaakukunuka okuva mu lindi ku mayiga ago ana, kaakula kaaba ka maani inho era obuyinza bwako bwamaamira mu buvandhuba, ni ku luuyi olw'omukono omusaadha olw'e buvandhuba, ni ku luuyi olw'ensi ey'ekitiisa.

Nahumu 1:14

Kino Musengwa Katonda ky'alagiire ekigema ku imwe Abassiria ati: “Eriina lyaimwe lija kwerabirwa, kuba tija kubaganha kufuna baidhukulu. Nja kuzikiriza ebifaananie eby'emisambwa gyaimwe ebyabaadhibwa, n'ebyo ebyakolebwa mu kyuma ekisaanuusiibwa ebiri mu masabo. Ndidha kubasimira amagombe, kuba timugwaine kuba ku nsi nga muli balamu.”

1 Samueli 3:13

Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.