Danieli 11:18 - Baibuli Ekibono kya Katonda 2014

¹⁸ Ebyo nga biwoire, alija yaalumba ebiketezo eby'oku nhandha era yaaghangula bingi ku byo. Aye ghalibaagho omuntu aliidha n'aduumira eigye, n'aghangula kyabazinga wa Siria oyo okumulekeza okwekuluntaza kwe. Era alimwesasuulizaaku olw'okwekuluntaza kwe okwo.

Danieli 11:18 Iomraidhean Croise

Isaia 66:19

era naakola akamanhiso nga babona. Abo abaliwonagho ku abo, ndibatuma mu maghanga ni mu biketezo eby'oku nhandha eby'eghala ye batampulirangaku, waire okubona ku kitiisa kyange. Balija baalangirira ekitiisa kyange mu maghanga: e Tarushishi, e Puti, e Ludi eri abakugu mu kulasa obusaale, e Tubali, n'e Yavani.

Yeremia 2:10

Ale musomoke enhandha muje ku kizinga ky'e Kupuro, oba mutume omuntu e Kedari anoonereze n'obwegendereza, memale mubone oba nga ekintu ng'oti ni kino kibangaghooku!

Yeremia 31:10

Musengwa Katonda akoba ati: “Imwe amaghanga mumpulirise, era mulangirire bye nkoba mubituuse mu biketezo eby'oku nhandha ebiri eghala, muti, ‘Musengwa Katonda mwene n'eyasansaania abantu be. Era mwene oyo n'alibasoloza, n'abakuuma ng'omwayi bw'akuuma ebyayo bye.’

Ezekieli 27:6

Baakola enkasi dho mu miti emikologho, egyavanga e Bashani. Baakwaliiramu munda embaawo edh'emiti emyalumugi egyavanga ku kizinga ky'e Kupuro, ate ku mbaawo okwo baayaliiraku amasanka.

Hosea 12:14

Abaisiraeli baasonsoonia Musengwa Katonda, baamuleetera okubasungughalira einho. Kale Musengwa Katonda talibasonigha olw'emisango gy'obutemo gye baiza. Alibabonereza olw'okumuleetera okuvumirirwa.

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Matayo 7:2

kuba nga bwe musalira abandi omusango, mwena bwe gulibasalirwa, era n'ekipimo kye munaapimirangamu banaimwe, mwena n'ekiribapimirwamu.

Abalamuzi 1:7

Adonibezeki oyo yaabakoba ati: “Bakyabazinga ensanvu be natemaku ebyala ebisaadha n'ebigere ebisaadha, baasolozanga obukunkumuka bw'emere ghansi gh'emeeza yange. Mpegaano Katonda aneesasuliizaaku olw'ekyo kye nabakola.” Agho baamutwala e Yerusalemu, yaafiira eyo.