Danieli 11:15 - Baibuli Ekibono kya Katonda 2014

¹⁵ Agho kyabazinga wa Siria aliidha yaabungisa emungo y'eitaka ku kimante ekigumu ekyezungulwire ekibuga, ey'okuniiniraku okukirwanisa, era yaakigema. Abaisirukale ab'omu igye ly'e Misiri baliba tibakaasobola kulwana. Ni bwebaba bale beene abasingiramu irala okulwana, tibaliba na maani gamala kwongera kulwana.

Danieli 11:15 Iomraidhean Croise

Yeremia 33:4

Nze Musengwa Katonda, Katonda wa Isiraeli nkoba nti endhu edh'omu Yerusalemu n'ekisaagaati kya bakyabazinga ba Buyudaaya, bija kumenhebwagho. Nga kino kiidha kuva ku bazigu abaja okubunga emungo dh'eitaka edh'okuniiniraku ekibuga Yerusalemu nga bakirumba.

Yeremia 5:10

Ndidha kukoba abazigu baibwe nti, ‘Mubitebite mu masamba gaibwe ag'emizabbibu, muje nga mugazikiriza, aye mutagamalaagho. Mukookole ensaga mudhitooleku, kuba ensaga edho ti dhange.’

Yeremia 52:4

Agho ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari owa Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo y'eitaka ey'okuniiniraku, basobole okukirwanisa.

Yeremia 6:6

Musengwa Katonda Afuga Amagye alagiire bakyabazinga ati: “Muteme emiti gyakyo, mukibungeku emungo ey'eitaka ey'okuniiniraku okukirwanisa. Ekibuga ekyo kiteekwa okubonerezebwa, kuba kiidhwire kutuntuza bantu kwereere.

Ezekieli 17:17

Ni bw'aba kyabazinga w'e Misiri n'eigye lye ery'amaani ery'abaisirukale abangi, talisobola kumuyamba mu lutalo, nga Abababilonia babunze emungo dh'eitaka edh'okuniiniraku okulumba, era nga bazimbye ekimante eky'okuzingiza abantu abangi babazikirize.

Ezekieli 4:2

Bw'omala, zimba ku kibuga ekyo ekimante eky'okukizingiza, obunge n'emungo dh'eitaka ku kimante ekyo edh'okuniiniraku okukirwanisa. Bw'omala, okisimbeku weema okukyezunguluza edh'abazigu ab'okukirumba, era okisimbeku n'ebintu eby'okukozesa okuwomola ekimante kyakyo.

Danieli 11:14

Era mu biseera ebyo abantu kamaala balisituka okulwanisa kyabazinga w'e Misiri. Era, Danieli, abantu abakambwe okuva mu nsi yo baligezaaku okudheema olw'okubonekerwa kwe balibonekerwa, aye tibalisobola.

Danieli 11:6

Nga ghabiseeghooku emyaka, kyabazinga wa Misiri alitaagho enkolagana ni kyabazinga wa Siria. Era olw'okunhweza enkolagana eyo alighaayo mughala we, aje afumbirwe kyabazinga wa Siria oyo. Aye obufumbo obwo tibulighangaala naire. Omughala oyo aliitibwa ghalala n'iba, n'omwana we, n'abagheereza abaliba bamugherekeireku boonaboona. Aye mu kiseera ekyo,

Danieli 8:7

Naagibona ng'eri kulumba entaama enume eyo n'obusungu obungi, yaagifula n'amayiga gaayo gombi gaamenheka. Entaama eyo tiyali na maani ga kulwanisa mbuzi eyo. Kale embuzi yaagisuula ghansi ku itaka, yaagityankirira. Ghaabulagho eyasobola okuwonia entaama eyo.

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.